Luke 16:14 - Yak'usda Ooghuni

¹⁴ ꞋEt Phariseene sooniya buba diztiꞌne ꞌuhintꞌoh. Daja ni tsꞌiyawh hidantsꞌo, ꞌinkꞌez highudloh.

Luke 16:14 Iomraidhean Croise

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 9:24

ꞋEt ꞌubulhni, “ꞋAz náhdulh! Ndun tsꞌekeyaz ꞌaw dálhitsal, nanisti whe ꞌuntꞌoh.” ꞋEt highudloh.

Luke 12:15

ꞋInkꞌez Jesus ꞌubulhni, “Huwahli! ꞋUyoon dune chꞌeꞌ haꞌ noohzin junih! Dune daltsuk hoonli yutꞌi ndi yun kꞌut, ꞌohwhi ꞌantsꞌi ꞌúntꞌoh whe ꞌuntꞌoh.”

Luke 20:47

Tsandilhne buyoh bugha ha hódunitꞌah ꞌinkꞌez bughu huhoolhchuk. ꞋInkꞌez ꞌonilha saꞌ cho tenahududli hoohoolhꞌi. ꞋEnne ꞌon nus ꞌuwhulcho whe buba nahutideh.”

Luke 23:35

Dunene ꞌet nódilhya ꞌinkꞌez honilhꞌen. Bumoodihne cha buzih nodilhya ꞌinkꞌez highudloh whe nduhutni, “ꞋUyoonne, bulhyis inleꞌ. ꞋEt huwa ndun Christ, Yakꞌusda ꞌutahayálhti-un ꞌuntꞌoh de, dichꞌoh ꞌududoolyih da!”

Luke 8:53

ꞋInkꞌez highudloh, tꞌehonínzun dazsai whe ꞌuntꞌoh.

2 Timothy 3:2

ꞋEt dune dichꞌoh kꞌenahutisiꞌ, sooniya ka dáhadatni, tsꞌiyantsuk whe hududíltiꞌ, ꞌuhududíltiꞌ, Yakꞌusda ꞌinkꞌez ooduneꞌne, buchꞌaz yahatilhduk, dudusneke cha kꞌúnulheꞌhutistꞌen, ꞌaw musi lhontiszin, ꞌinkꞌez Yakꞌusda ghudlohne cha hutileh.

Hebrews 11:36

ꞋUyoonne cha ꞌenne bughu hudlo ꞌinkꞌez whulohne bubuhoolhtsas. ꞋInkꞌez whulohne tlꞌoolh be bubuhulhghel ꞌinkꞌez ꞌabahanla.