Luke 16:13 - Yak'usda Ooghuni

¹³ ꞋAw ꞌilhoghun ꞌustlé-un nane moodih ba ootꞌen ꞌaitꞌoh. ꞋEt ꞌilhoghun yutsꞌu dutitni ꞌinkꞌez ꞌilhoghun yukꞌetitsiꞌ. Kꞌus ꞌilhoghun yukꞌúneꞌtitꞌen ꞌinkꞌez ꞌilhoghun yuchꞌaz dútatni. ꞋAw Yakꞌusda kꞌuneꞌintꞌen ꞌinkꞌez sooniya cha kꞌuneꞌontꞌen ꞌaitꞌoh.”

Luke 16:13 Iomraidhean Croise

Matthew 4:10

ꞋInkꞌez Jesus yulhni, “Satan naindalh! ꞋUkꞌehooguz whe njan ndutni, ‘Moodihti nYakꞌusda, ꞌen za Oobut negwutsi be netsꞌiyaih, ꞌinkꞌez Ootsꞌu téniꞌ uznilhdzun, ꞌinkꞌez ꞌen za Ooba néꞌtsꞌutꞌen.’”

Matthew 6:24

“ꞋAw ꞌilhoghun dune nane moodih ba ootꞌen ꞌaitꞌoh. ꞋIlhoghun ꞌen yutsꞌu dutitni ꞌinkꞌez ꞌilhoghun yukꞌetisiꞌ. Kꞌus ꞌilhoghun yukꞌúneꞌtitꞌen ꞌinkꞌez ꞌilhoghun yuchꞌaz dútatni. ꞋAw Yakꞌusda kꞌuneꞌ ꞌintꞌen ꞌinkꞌez sooniya cha kꞌuneꞌ ꞌontꞌen ꞌaitꞌoh.”

Luke 11:23

Mbe sulh lheꞌitꞌoh-un schꞌaz ditni wheꞌ ꞌuntꞌoh. ꞋInkꞌez mbe dune sla ꞌilhulhósdlene tsꞌiyawh yahitákulh.”

Luke 14:26

“Mbe la stsꞌu tiyalh seꞌ ꞌutꞌen kꞌoh ꞌuwhutilhꞌelh-un whe dubá ꞌinkꞌez duloo, duꞌat cha, ꞌinkꞌez duzkeh, dulhutsinke, ꞌinkꞌez dulhtuske, ꞌalhaꞌ dichꞌoh whe yinka usda-un cha, ndi njan tsꞌiyawh hukwa lheꞌhunizun de, ꞌen ꞌaw sgha hodilꞌeꞌ-un ooleꞌ ꞌaitꞌoh.

Luke 16:12

ꞋEt ꞌuyoonne chꞌeꞌ tsꞌihꞌun lheꞌáhlel de, mbe suba nohchꞌeꞌ unli-i nohtlꞌa yóoꞌalh?

Luke 16:9

ꞋInkꞌez nohdusni, ndi sooniya, ꞌi be kꞌeke nahultsih. ꞋInkꞌez datíhtsah de, ꞌet de si, ꞌilhiz ꞌuhoontꞌoh tsꞌe, whuz la danóhoholelh.

Luke 9:50

ꞋEt hoontsꞌi Jesus ꞌuyulhni, “Whuchꞌa nahyoot iloh! Mbe la ꞌaw nechꞌaz úlhditni-un, netsꞌú ditni-un ꞌuntꞌoh.”

James 4:4

Nohni dune ꞌinkꞌez tsꞌekoo lhulh nintaꞌahtꞌihne léꞌahtꞌoh, soo zúlhtsꞌai, ndi yun kꞌut hoontsiꞌ túneꞌ ꞌahtꞌen-un, ꞌet hoonáhtꞌiꞌ de, ꞌet de Yakꞌusda chꞌaz ditnine ꞌahli. ꞋEt huwa mbene la ndi yun kꞌut hoontsiꞌ tuneꞌ titꞌen hukwaꞌ ninzunne, ꞌenne Yakꞌusda chꞌaz ditnine naꞌhududulhtsi.