Luke 15:7 - Yak'usda Ooghuni

⁷ ꞋEt nohdusni, whuz unꞌa za ꞌilhoghun dune dudeni nahundunizꞌai, ꞌen 99 tsꞌihꞌun ꞌuntꞌohne ꞌudaꞌ dulubeshi chꞌa dudeni nahundunizdla. ꞋEt hoontsꞌi ndun ꞌilhoghun dune ꞌen gha ndo yakꞌuz dilhtsꞌine buba nus ꞌon nus howun tálhni.”

Luke 15:7 Iomraidhean Croise

Matthew 18:13

Nayilhti de, tsꞌihꞌun unꞌa nohdusni ndunne yuloh ꞌet nébuninlane, ꞌenne bugha whunilhni. ꞋEt hoontsꞌi ndun ꞌilhoghun ninta nilhget-un, nayilhti de, ꞌen gha dahoolcho ꞌi be suba ꞌon nus whuntálhnih!

Matthew 3:8

Whute lubeshi chꞌa noheni nahandunoohleh de, ndahtꞌen-un tsꞌiyanne tꞌehonózin ndahtꞌoh la,

Luke 15:10

Whuz unꞌa za nohdusni, ꞌilhoghun dudeni nahundunizꞌai de, Yakꞌusda oolizasne tsꞌiyawh howun tálhni.”

Luke 15:29

ꞋEt dubá uyúlhni, ‘Nilhꞌen lheꞌwhuldzoh mba ꞌustꞌen. ꞋInkꞌez ꞌaw nghuni ꞌilho hoontsꞌi kꞌulhúsyus. ꞋEt hoontsꞌi ꞌaw ꞌusbaiyaz hoontsꞌi sgha lhilhtel skꞌekene bubulh whúnosni ha.

Luke 15:32

ꞋEt tsꞌihꞌun unꞌa ꞌuhoontꞌoh tsꞌonólhni ꞌinkꞌez tsꞌohótꞌeꞌ hubaꞌ hoontꞌoh. Nyulhutsin dazsai inleꞌ, ꞌen nakhitnaꞌ. Nintaltsꞌut inleꞌ, ꞌawet nasti.’”

Luke 15:6

ꞋEt duyoh tsꞌu naóosja dukꞌekene ꞌinkꞌez ye nghoh whutꞌine tsꞌiyawh ꞌanih budaniꞌ ꞌinkꞌez ꞌubulhni, ‘Sulh hoonahtꞌiꞌ. Seꞌusbaiyaz nintanusti inleꞌ, ꞌen nasti!’

Luke 15:8

“Kꞌus ꞌilhoghun tsꞌeke whunizyai silver ꞌutꞌi ꞌinkꞌez ꞌilho ninta ninꞌai. ꞋAw eh too dizkꞌun nadulhkꞌan ꞌinkꞌez yoh tenáwhulhtsas, ꞌinkꞌez nayitáꞌalh whutsꞌun yukunúta?

Luke 16:15

ꞋInka ꞌubulhni, “Dune toh tsꞌihꞌun ꞌuntꞌohne naꞌdudulhꞌi, ꞌet hoontsꞌi Yakꞌusda nohdzi dantꞌoh la tꞌeooninzun. Di la dune ba díztiꞌ-i, ꞌi Yakꞌusda yutsꞌu dutni whe ꞌuntꞌoh.

Luke 5:32

ꞋAw tsꞌihꞌun ꞌuntꞌohne dulubeshi chꞌa dudeni naháhunduntileh huba iloh whusásya. ꞋEt lubeshi ꞌulhꞌenne dulubeshi chꞌa dudeni naháhundunooleh ubudutásnelh ha, ꞌet huba whusásya.”

Romans 7:9

ꞋEt whutsodaꞌ Moses be ꞌudustlꞌus ooyit kwuncho yo tsꞌe tísyalh tꞌeóonuzúszun. ꞋEt hoontsꞌi Yakꞌusda khuni netlꞌa ídanꞌai-i tꞌeniszin whe lubeshi ꞌulhꞌen-un usli, ꞌinkꞌez kwuncho yo tsꞌe tisyalh ꞌet nawhusꞌai.