Luke 15:6 - Yak'usda Ooghuni

⁶ ꞋEt duyoh tsꞌu naóosja dukꞌekene ꞌinkꞌez ye nghoh whutꞌine tsꞌiyawh ꞌanih budaniꞌ ꞌinkꞌez ꞌubulhni, ‘Sulh hoonahtꞌiꞌ. Seꞌusbaiyaz nintanusti inleꞌ, ꞌen nasti!’

Luke 15:6 Iomraidhean Croise

Luke 1:58

ꞋEt ye nghoh dilhtsꞌine ꞌinkꞌez oonatneke whulh ꞌúhuduztsꞌai ntsꞌenꞌa neMoodihti yugha teꞌninzin. Tsꞌiyawh hiyulh whunálhni.

Luke 15:10

Whuz unꞌa za nohdusni, ꞌilhoghun dudeni nahundunizꞌai de, Yakꞌusda oolizasne tsꞌiyawh howun tálhni.”

Luke 15:24

Syeꞌ dazsai inleꞌ ꞌinkꞌez ꞌandit nahítnaꞌ. Nintanusti inleꞌ, ꞌinkꞌez nasti.’ ꞋEt ꞌawet tsꞌiyanne hiyulh whúnilhni.

Luke 15:5

ꞋInkꞌez nayilhti de duwus kꞌeyilhti ꞌinkꞌez hootátꞌeꞌ.

Luke 15:7

ꞋEt nohdusni, whuz unꞌa za ꞌilhoghun dune dudeni nahundunizꞌai, ꞌen 99 tsꞌihꞌun ꞌuntꞌohne ꞌudaꞌ dulubeshi chꞌa dudeni nahundunizdla. ꞋEt hoontsꞌi ndun ꞌilhoghun dune ꞌen gha ndo yakꞌuz dilhtsꞌine buba nus ꞌon nus howun tálhni.”

John 15:14

ꞋInkꞌez khuni nohtlꞌa dísdla-i ookꞌúneꞌ ꞌahtꞌen de, ꞌet nohni syadanke ꞌahtꞌoh.

John 3:29

ꞋEt ndóohoontꞌoh whe, ꞌilhoghun dune tsꞌeke yughusda-un, ꞌen ꞌat utꞌí-un ꞌuntꞌoh. ꞋEt ooyadan yuzih usyin-un ꞌinkꞌez yughuni yoozílhtsꞌai whe la tube yuba hóontꞌiꞌ. ꞋEt huwa nohdúsni si cha whuz unꞌa tube cho hoonústꞌiꞌ.

Acts 11:23

ꞋEt whuz oozya whe whunilhꞌen daja whe Yakꞌusda ndunne dune ye unzoo-i be butsꞌun unzoo. ꞋEt hóostꞌet ꞌinkꞌez buba nus whúnilhtꞌi, “Ntsꞌoh dáhoontꞌoh ꞌet hoontsꞌi neMoodihti soo bulh za oohtꞌeꞌ,” ubúlhni.

Acts 15:3

ꞋEt ꞌawet Jesus Christ gha ꞌilhozdílne, whelꞌaꞌne whe bahalhꞌaꞌ. ꞋEt Phoenicia ꞌinkꞌez Samaria whutulhuhúzꞌaz whe ꞌudun yun kꞌut whutꞌenne dahúja Yakꞌusda tsꞌu náhulhya ꞌubuhútni whe tube cho ndunne Jesus Christ kꞌúneꞌ ꞌutꞌenne huhóontꞌiꞌ suliꞌ.

Philippians 1:4

Tenadusdli totsuk hoonústꞌiꞌ whe nohni tsꞌiyawh nohba tenadusdli.

Philippians 2:17

ꞋEt hoontsꞌi be nohba ꞌalha ꞌuhoontꞌoh-i, ꞌinkꞌez Yakꞌusda ba ꞌahtꞌen-un, ꞌohwhi ꞌantsꞌi Yakꞌusda gha tꞌaih-i leꞌ ꞌuntꞌoh. ꞋI kꞌut be khusna-i ꞌantsꞌi nadísjul le ꞌustꞌoh, ꞌet huwa hoonústꞌiꞌ, ꞌinkꞌez tsꞌiyawh nohbulh whúnusni.

Philippians 4:1

ꞋEt huwa sulhutsinke ookꞌesiꞌne nohkꞌénisli cha ꞌustꞌoh. Nohni nohgha hoonústꞌiꞌ, ꞌinkꞌez nohni sba be whuchꞌa whundeh-i ꞌahli. Ookꞌesiꞌne, neMoodihti ꞌen ba soo cho núdulhya.

1 Thessalonians 2:19

ꞋEt ndet ꞌuhoontꞌoh hukwa tse tsꞌuhooli, kꞌus ndai be tsꞌuhoontꞌi? Ndai la neba ꞌukꞌelha tileh-i, ꞌi be eh tsꞌoohootatꞌeꞌ? NeMoodihti Jesus Christ nkede whusanatidalh ꞌinkꞌez nohni cha tsꞌiyawh oobulh ꞌutihtꞌelh, ꞌet za ꞌuhoontꞌoh!

1 Peter 2:10

ꞋUdaꞌ Yakꞌusda ooduneꞌ lháhloh inleꞌ. ꞋEt ꞌandit Yakꞌusda ooduneꞌ suhliꞌ. ꞋUdaꞌ ꞌaw bé nohgha teꞌwhunizeh-i lhulhchulh inleꞌ. ꞋAndit ꞌawet bé nohgha teꞌwhunizeh-i nohghantꞌai.

1 Peter 2:25

ꞋAntsꞌi ꞌusbaiyaz ninta nilhꞌaz-i leꞌ ꞌahtꞌoh inleꞌ. ꞋEt ꞌandit ndun ꞌusbai ghunli leꞌ ꞌuntꞌoh-un ꞌinkꞌez nezul ghúndli-un cha, Jesus ꞌen ꞌuntꞌoh, ꞌen ooghu nanahdil.