Luke 15:5 - Yak'usda Ooghuni

⁵ ꞋInkꞌez nayilhti de duwus kꞌeyilhti ꞌinkꞌez hootátꞌeꞌ.

Luke 15:5 Iomraidhean Croise

Luke 15:32

ꞋEt tsꞌihꞌun unꞌa ꞌuhoontꞌoh tsꞌonólhni ꞌinkꞌez tsꞌohótꞌeꞌ hubaꞌ hoontꞌoh. Nyulhutsin dazsai inleꞌ, ꞌen nakhitnaꞌ. Nintaltsꞌut inleꞌ, ꞌawet nasti.’”

Luke 15:4

“Mbe ꞌuntꞌoh nohtoh dune ꞌen ꞌusbai 100 ꞌutꞌi whe ꞌilho ninta nilhti. ꞋAw 99 ꞌenne chuntoh ꞌawet nébuninla ꞌinkꞌez ꞌilhoghun ninta inilhti-un nayitálhtelh whutsꞌun yukunúta?

Luke 15:6

ꞋEt duyoh tsꞌu naóosja dukꞌekene ꞌinkꞌez ye nghoh whutꞌine tsꞌiyawh ꞌanih budaniꞌ ꞌinkꞌez ꞌubulhni, ‘Sulh hoonahtꞌiꞌ. Seꞌusbaiyaz nintanusti inleꞌ, ꞌen nasti!’

Luke 19:9

ꞋEt Jesus ꞌuyulhni, “ꞋAndit dzin dune ye dujis-i whe njan yoh dilhtsꞌine bugha íyultsꞌut. Ndun ꞌen cha Abraham tsꞌu hainzut whe ꞌuntꞌoh ꞌet huwa.

Luke 23:43

ꞋEt Jesus uyúlhni, “Tsꞌihꞌun unꞌa nyudusni, ꞌukꞌenus hoonzoo-un, ꞌet ꞌandit dzin sulh ꞌútantꞌelh.”

John 15:11

ꞋAndit njan nohdúsni-un, ꞌet whe la be hoonustꞌiꞌ-i, ꞌi be hoonáhtꞌiꞌ de, ꞌet de la hoonáhtꞌiꞌ kꞌet ꞌaw ꞌon ꞌun hóhtꞌeꞌ ꞌaitꞌoh.

Ephesians 2:10

Wheni Yakꞌusda ꞌuyinlane ꞌutsꞌintꞌoh ꞌet huwa. Christ Jesus ꞌen ooyúzdultsꞌi whe ꞌen be ꞌandidi natsꞌusdliꞌ, ꞌutꞌen unzoo-i ꞌuztilhꞌelh ha. ꞋEt whe whutso Yakꞌusda neba lhaóodinla. ꞋEt ookꞌoh nutsꞌóodilh ha.

Ephesians 3:7

Khuni unzoo-i be ꞌustle-un susdliꞌ. Dahoontꞌoh hukwꞌunꞌa Yakꞌusda ye ulhtus-i, ꞌi be ꞌuwhutꞌen, ꞌet whuz unꞌa ye unzoo-i, ꞌi be stlꞌa hóoltsꞌut.

1 Thessalonians 1:5

ꞋEt neghuni unzoo-i, ꞌaw khuni za iloh unli whe nohtlꞌa díltsꞌut. ꞋEt hoontsꞌi be hoolhtus-i be ꞌinkꞌez Ndoni gha cha, ꞌet nohtlꞌa díltsꞌut. ꞋEt ntsꞌenꞌa nohtlꞌa díltsꞌut ꞌet whe la tꞌeoonuhzun ndi khuni ꞌi tsꞌihꞌun unꞌa ꞌuntꞌoh. ꞋEt huwa ꞌoh daꞌ nohtoh uzdilhtsꞌi whe nohni nohba dantꞌohne dune tsinli, ꞌet tsꞌiyawh tꞌeoonáhzun.

2 Timothy 2:26

ꞋInkꞌez ꞌet la bubeni bugha nádoltsꞌit, ꞌinkꞌez netsudule hubilhchoot inleꞌ hikꞌuneꞌ ootꞌen ha, ꞌet la ntsꞌoh whe tankꞌus hunintꞌi-un whuchꞌa nahoojaꞌ. ꞋEt ꞌudekꞌez dzin whenghoh de, tube howa whútilnaꞌ.

Hebrews 12:2

Netso tsꞌe Jesus Christ uznoolhꞌen. ꞋAw ꞌen za neba bé ꞌalha ꞌuhoontꞌoh-un dantꞌoh la, ꞌen tsꞌihꞌun unꞌa whunénulhtun-un ꞌuntꞌoh. ꞋInkꞌez ndi yun kꞌut usda-un, ꞌet ye khuna-i, ꞌen dúwhulcho whe neba ꞌalha ꞌuhoontꞌoh-i neba lhaoodulhꞌih-un ꞌuntꞌoh. Nus de ye whúntalhni-i, ootsꞌu yíkulh, ꞌet huwa tulalhgus yulh ínyin inleꞌ. Yugha yooya suliꞌ-i ooba ꞌantsꞌi ꞌuhoontꞌoh inleꞌ. ꞋInkꞌez Yakꞌusda ookwꞌutsꞌuzda cho diztiꞌ-i, ꞌet naílhni tsꞌe huwun nátlꞌa didaꞌ.

1 Peter 1:5

Nohni nohba ꞌalha ꞌuhoontꞌoh-un be Yakꞌusda ye ulhtus-i búghudli whe whéhudutijih-un huhootálhchulh. ꞋEt ꞌudekꞌez dzin de, yakꞌuz tsꞌe ꞌet neba whuzdla-i, ꞌi tsꞌiyawh tsꞌet ha óotikulh ꞌet wheni lhaóodintꞌoh.