Luke 15:29 - Yak'usda Ooghuni

²⁹ ꞋEt dubá uyúlhni, ‘Nilhꞌen lheꞌwhuldzoh mba ꞌustꞌen. ꞋInkꞌez ꞌaw nghuni ꞌilho hoontsꞌi kꞌulhúsyus. ꞋEt hoontsꞌi ꞌaw ꞌusbaiyaz hoontsꞌi sgha lhilhtel skꞌekene bubulh whúnosni ha.

Luke 15:29 Iomraidhean Croise

Matthew 20:12

ꞋEt ꞌuhuyúlhni, ‘Ndunne ꞌudekꞌoh ubalhꞌaꞌne, ꞌenne ꞌilhoh sadzi hukwꞌu hoonistꞌoh-un za ꞌuhitꞌen. ꞋInkꞌez wheni dzin ndúwhulyiz whe sa ulhtus-i niz ꞌutsꞌitꞌen. ꞋEt hoontsꞌi nebulh húlhgha buba ꞌukꞌelha whuzílhtsi.’

Luke 15:28

ꞋEt hoontsꞌi bulhutsin ꞌudetso-un hunilchꞌe. ꞋInkꞌez ꞌaw yoh tsꞌu nátoojaꞌ hukwa lheꞌnizun. ꞋEt oobá tenínya ꞌinkꞌez yughu tedudli.

Luke 15:30

ꞋEt hoontsꞌi nyeꞌ, ndai oogha íninꞌai-i, ꞌi tsꞌekoo ꞌulꞌenne bukꞌuz tsꞌiyai yulhtsi ꞌinkꞌez musdoosyaz nilhkꞌa-i ooba nasílghi!’

Luke 15:7

ꞋEt nohdusni, whuz unꞌa za ꞌilhoghun dune dudeni nahundunizꞌai, ꞌen 99 tsꞌihꞌun ꞌuntꞌohne ꞌudaꞌ dulubeshi chꞌa dudeni nahundunizdla. ꞋEt hoontsꞌi ndun ꞌilhoghun dune ꞌen gha ndo yakꞌuz dilhtsꞌine buba nus ꞌon nus howun tálhni.”

Luke 17:10

ꞋEt whuz unꞌa za nohni cha, huwalhꞌaꞌ-un, ꞌet tsꞌiyawh lhaoodahla de, ꞌet njan dudútihnelh, ‘ꞋAw whulukhun za huba tsꞌinzoo-un hoonli. Daja nehutni, ꞌoh te neꞌtsꞌutꞌen.’”

Luke 18:9

Whulohne tsꞌihꞌun unꞌa ꞌustꞌoh naꞌhundunúdzun, ꞌinkꞌez ꞌonghohne, hintsiꞌ ubunínzun. ꞋEt huwa Jesus ꞌenne nawhutnuk ꞌi be whútsꞌodulꞌeh ꞌi be bubulh yalhduk whe njan ndúbulhni,

Luke 19:21

ꞋAw dune dutso-un inli tꞌenyunúszun, ꞌet huwa nye nuzjut. Ndai la nchꞌeꞌ lhiloh, ꞌi hoontsꞌi nailhchuk. ꞋAlhnuzinloh-i, ꞌi ha nínle,’ yulhni.

Romans 10:3

Tsꞌihꞌun unꞌa Yakꞌusda kꞌúneꞌ hutitꞌen-un ꞌet ꞌaw tꞌéhonúszun. ꞋEt ntsꞌenꞌa la dichꞌoh ꞌuhuhóonla whuz unꞌa tsꞌihꞌun unꞌa ꞌuhintꞌoh naꞌhududilꞌi. ꞋInkꞌez ndet la Yakꞌusda butsꞌu húkwaꞌ ninzun-un ꞌaw hukwꞌunꞌa lheꞌhínel.

Romans 3:20

Mbene la Moses be ꞌudustlꞌus kꞌúneꞌ ꞌutꞌenne ꞌaw ꞌet huwa lubeshi ꞌuhulhꞌen-un huba gak hoolhtselh ꞌaítꞌoh. Moses be ꞌudustlꞌus ꞌi gha lubeshi ꞌuhulhꞌenne ꞌuhintꞌoh tꞌehonínzun.

Romans 3:27

ꞋAw eh hoonliyaz ꞌóontꞌeꞌ bulh ooghu yatsꞌoolhduk-i hooloh? Soo gak! Ndet dáhoontꞌoh-un ꞌet huwa? ꞋUtꞌen gha tilah? ꞋAwundooh! ꞋEt Jesus Christ neba ꞌalhaꞌ ꞌuntꞌoh-un, ꞌi be ꞌutsꞌóontꞌeꞌ-un gak nawhusliꞌ.

Romans 7:9

ꞋEt whutsodaꞌ Moses be ꞌudustlꞌus ooyit kwuncho yo tsꞌe tísyalh tꞌeóonuzúszun. ꞋEt hoontsꞌi Yakꞌusda khuni netlꞌa ídanꞌai-i tꞌeniszin whe lubeshi ꞌulhꞌen-un usli, ꞌinkꞌez kwuncho yo tsꞌe tisyalh ꞌet nawhusꞌai.

Revelation 2:17

Mbe la ꞌuditsꞌone, Ndoni Yakꞌusda ba ꞌilhunaoodulhne, daja ꞌubulhni, huyoozólhtsꞌaiꞌ hubaꞌ hoontꞌoh. Mbene ꞌutꞌen ntsiꞌ-i yuchꞌaꞌ ꞌulhdene, ꞌenne ndi ꞌutꞌalh-i manna huyúlhni-i, ꞌi dune buchꞌa ntistꞌi-i, ꞌi whuloh bugha ítasꞌalh. ꞋInkꞌez tse dulyul-i cha bughá ntasꞌalh. ꞋInkꞌez ndi tse ookꞌut ꞌandidi ooziꞌ ꞌi ookꞌeitáguz. ꞋAw dune booziꞌ tꞌehinuszun. Ndun oogha ídiltsꞌut-un, ꞌen za tꞌeyuntázin.”

Revelation 3:17

Lheꞌdahni, ‘Hoonzooꞌ tsꞌintꞌoh ꞌon nus cha hoonzoo tsꞌuja. ꞋAw ꞌuyoo hoonliyaz ka lheꞌuznízun,’ dahni. ꞋEt dahitꞌoh dalhtsiꞌ la tsꞌiyantsuk nohba nekꞌeꞌ hootꞌoh cha ꞌahtꞌoh. Teilhꞌen cha ꞌahtꞌoh. Whuzihꞌen cha ꞌahtꞌoh, ꞌinkꞌez ꞌustꞌet ꞌahtꞌoh.