Luke 15:28 - Yak'usda Ooghuni

²⁸ ꞋEt hoontsꞌi bulhutsin ꞌudetso-un hunilchꞌe. ꞋInkꞌez ꞌaw yoh tsꞌu nátoojaꞌ hukwa lheꞌnizun. ꞋEt oobá tenínya ꞌinkꞌez yughu tedudli.

Luke 15:28 Iomraidhean Croise

Matthew 20:11

ꞋInkꞌez tsꞌiyawh buba ꞌukꞌelha whuzdliꞌ hukwꞌelhꞌaz, ꞌet yun ꞌutꞌi-un hichꞌaz yawhenilhduk.

Mark 1:40

ꞋIlhoghun dune, ooká whulhjut-un, leprosy huyulhni, Jesus ghu ninya, dugwutsi bé nenínya ꞌinkꞌez yutsꞌu tédudli dulaꞌ ooneh ha. “Nyun hukwaꞌ ninzun de, be ilhtus-i ꞌintꞌi-i, ꞌi be sunáꞌilhdeh,” yulhni.

Luke 13:34

“Nohni Jerusalem whutꞌenne, Jerusalem whutꞌenne, nohni ꞌahtꞌen nus hooꞌenne ꞌahghan. ꞋInkꞌez mbene nohtsꞌu whelꞌaꞌne cha tse be bubahghan. Dantꞌoh la lugok duduzke dutsꞌuntꞌaꞌ ubudilhtsꞌi, whuz unꞌa dáwhultsuk whe ꞌilhunanohootásdlelh hukwaꞌ nuszun, ꞌet hoontsꞌi ꞌaw hukwa lheꞌnáhzun.

Luke 15:2

ꞋInkꞌez Phariseene ꞌinkꞌez Moses be ꞌudustlꞌus ꞌukꞌu nunáguzne cha highu yawhenilhduk whe njan nduhutni, “Ndun dune ꞌen lubeshi ꞌulhꞌenne, ꞌenne bubulh neꞌutꞌen ꞌinkꞌez bubulh ꞌáꞌalh cha ꞌutꞌen.”

Luke 15:27

ꞋInkꞌez uyúlhni, ‘Nyulhutsin whusanája. Soo ꞌuntꞌoh ꞌinkꞌez dálhitꞌoh whe whusanája. ꞋEt huwa mbá musdoosyaz nilhkꞌa-i nasilhghi.’

Luke 15:29

ꞋEt dubá uyúlhni, ‘Nilhꞌen lheꞌwhuldzoh mba ꞌustꞌen. ꞋInkꞌez ꞌaw nghuni ꞌilho hoontsꞌi kꞌulhúsyus. ꞋEt hoontsꞌi ꞌaw ꞌusbaiyaz hoontsꞌi sgha lhilhtel skꞌekene bubulh whúnosni ha.

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

Luke 5:30

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, didutchꞌoh highu yalhduk ꞌinkꞌez Jesus yugha hodulꞌehne, ꞌubuhútni, “ꞋEt nyoonne sooniya ꞌilhunaoosꞌaihne ꞌinkꞌez lubeshi ꞌulhꞌenne, di ha bubulh áhꞌalh ꞌinkꞌez bubulh ꞌáhtnai?”

Luke 7:39

ꞋEt Pharisee ꞌanih yudaniꞌ-un, dichꞌoh naꞌdudutni, “ꞋEt ndun nus hooꞌen-un unli de, tꞌeoonózin daꞌ dantꞌoh-un tsꞌeke ꞌuntꞌoh yutꞌainaih. ꞋEn lubeshi ꞌulhꞌen-un ꞌuntꞌoh.”

Acts 13:45

ꞋEt Lizwifne ꞌilhozdílne hubonilhꞌen, ꞌoonih za hudizbun suliꞌ whe Paul huye dúdulh ꞌinkꞌez hiba whutsꞌit. Daja ni-un, ꞌet cha whuchꞌaz yáhulhduk.

Acts 13:50

ꞋEt dune ꞌuntꞌohne, ꞌinkꞌez tsꞌekoo unchane hoonzooꞌ ꞌuntꞌohne, Yakꞌusda tsꞌun tenadudline hinli, whulohne Lizwif bugheꞌ hoolnihne ꞌutsꞌun ubahunilhtꞌi whe Paul Barnabas bulh bube húzula suliꞌ, ꞌinkꞌez duyun kꞌunabohuntizyoot.

Acts 14:19

ꞋEt whulohne Lizwifne Antioch Pisidia whuzꞌai tsꞌe ha hándil ꞌinkꞌez Iconium whuz de cha ꞌinkꞌez ꞌilhozdílne, ꞌenne tsꞌiyawh tsꞌu nebodoldilh hukwaꞌ hutꞌen. Paul tse be whe hínuzilhghi ꞌinkꞌez dazsai za huninzun ꞌinka keyoh yoo ꞌaz tsꞌe ꞌet nehininguz.

Acts 14:2

ꞋEt hoontsꞌi ndunne Lizwifne be ꞌalha ꞌuhoontꞌoh lhílhchulhne ꞌudun yun kꞌut whutꞌenne ꞌutsꞌun úbonilhtꞌi whe ndunne ooba ꞌalha ꞌuhoontꞌohne buchꞌaz náhulhya.

Romans 10:19

ꞋEt cha za nohooduskut, ꞌet Israel ooduneꞌne ꞌaw lawk njan whulhéꞌhudustsꞌo? A, huyulh ꞌúdantsꞌo. ꞋUdechoo Moses ndutni, “Mbene la dune ookeyoh hooloh ninzúnne, ꞌenne bugheꞌ ootalhnih nohtíselh. ꞋEt ndunne keyoh whutꞌenne iloh tuneꞌ hutꞌenne, ꞌenne bugha tube huntálhchꞌoh nohtíselh,” ubúlhni.

2 Corinthians 5:20

ꞋEt huwa Christ ꞌen ba khuni naꞌáne tsinli. Yakꞌusda wheni nebe nohbulh yálhduk leꞌ ꞌutni. ꞋEt whe nohtsꞌun tézdudli, ꞌandit whutsꞌun soo Yakꞌusda tsꞌun naóolhyeh!

1 Thessalonians 2:16

ꞋUdun yun kꞌut whutꞌenne hudoojih ha bubulh yaztilhduk, ꞌet whuchꞌa nehuniyoot. Ndunne Lizwifne ꞌuhuyulhꞌen-i ꞌet whe lubeshi be hudizbun. ꞋEt huwa Yakꞌusda ye bubulh hunilchꞌe-i, ꞌi ꞌilhiz wheni huyulh ꞌutitꞌelh.