Luke 15:27 - Yak'usda Ooghuni

²⁷ ꞋInkꞌez uyúlhni, ‘Nyulhutsin whusanája. Soo ꞌuntꞌoh ꞌinkꞌez dálhitꞌoh whe whusanája. ꞋEt huwa mbá musdoosyaz nilhkꞌa-i nasilhghi.’

Luke 15:27 Iomraidhean Croise

Matthew 22:4

ꞋEt doo cha za ꞌuyoonne dude ꞌulhnane whuz whilhꞌaꞌ. Ooghu nusjane sba budohniꞌ, ‘ꞋAwet tꞌalh-i lhadíntꞌoh. Musdoos nilhkꞌa-i tsꞌiyawh sba huyanghan dune yutiꞌulh whuba. Tsꞌiyai lhadíntꞌoh. Lhghuskene bubulh naꞌuztitꞌulh. Diz áhdulh! sba budóhniꞌ.’

Luke 15:26

ꞋInkꞌez ꞌilhoghun ye ꞌulhna-un ꞌanih yulhni ꞌinkꞌez yoodulhkut, ‘Dawhutni wheꞌ whutni?’

Luke 15:28

ꞋEt hoontsꞌi bulhutsin ꞌudetso-un hunilchꞌe. ꞋInkꞌez ꞌaw yoh tsꞌu nátoojaꞌ hukwa lheꞌnizun. ꞋEt oobá tenínya ꞌinkꞌez yughu tedudli.

Luke 15:30

ꞋEt hoontsꞌi nyeꞌ, ndai oogha íninꞌai-i, ꞌi tsꞌekoo ꞌulꞌenne bukꞌuz tsꞌiyai yulhtsi ꞌinkꞌez musdoosyaz nilhkꞌa-i ooba nasílghi!’

Acts 22:13

ꞋEt sghu ninya whe szih usyin ꞌinkꞌez ꞌusúlhni, ‘Saul sulhutsin hoonꞌen naoodleꞌ!’ ꞋEt ndudija ibulh ꞌaho yutásꞌen ꞌinkꞌez tísꞌen.

Acts 9:17

ꞋInka Ananias whuz whenya ꞌinkꞌez yoh danínya whe Saul yekꞌédilni ꞌinkꞌez ndutni, “Saul, sulhutsin neMoodihti sutílhꞌaꞌ, Jesus dichꞌoh, ndiz ínyalh whe ti nye nghun be hóodiltsai-un, ꞌen sutílhꞌaꞌ honꞌen naoondleꞌ ꞌinkꞌez Ndoni nyudóoltsꞌit ha.”

Philemon 1:16

ꞌaw ꞌon ꞌun nye ꞌulhna lhtisdle. ꞋEt ꞌandit ꞌulhna unli-un whanus ꞌuntꞌoh. Neulhutsin ookwꞌetsꞌinsiꞌ-un unli. Si tube sba díztiꞌ ꞌet hoontsꞌi dalcho-i be suba nyun ꞌon nus mba díztiꞌ. ꞋEt náwhultꞌoh, ndi yun kꞌut huba cha ꞌinkꞌez neMoodihti ba cha.