Luke 15:24 - Yak'usda Ooghuni

²⁴ Syeꞌ dazsai inleꞌ ꞌinkꞌez ꞌandit nahítnaꞌ. Nintanusti inleꞌ, ꞌinkꞌez nasti.’ ꞋEt ꞌawet tsꞌiyanne hiyulh whúnilhni.

Luke 15:24 Iomraidhean Croise

Genesis 45:28

ꞋEt Israel ꞌutni, “ꞋAwet sooꞌ hooja. Syeꞌ Joseph ꞌawhuz khuna, whuz toosya ꞌinkꞌez sih naoostꞌen datisah whutso.”

Matthew 8:22

ꞋEt hoontsꞌi Jesus ꞌuyulhni, “Sunanyalh. Dudulh yaidlane didutchꞌoh ꞌanalhuhoolyelh.”

Mark 8:22

ꞋEt Jesus yugha hodulꞌehne bulh keyoh Bethsaida huwhútni-un whuz hoozdil whe ꞌilhoghun dune hoos̱ꞌén-un, ꞌen Jesus highu hinílhya ꞌinkꞌez highu tedudlih yutꞌaoonalh ha.

Luke 10:19

Soo zúlhtsꞌai, tlꞌughus ꞌinkꞌez lubezo unli-i, scorpion huyulhni, tube cho ookꞌu nahya. ꞋInkꞌez ndai la nohchꞌaz ditnine hiye ulhtus-i, tsꞌiyawh ndi ba ndo oohtꞌeꞌ-un, ꞌet nohtlꞌa hóosꞌai ꞌinkꞌez ꞌaw hoonli nohundólhda ꞌaitꞌoh.

Luke 15:23

ꞋInkꞌez musdoosyaz nilhkꞌa-i ulhchoot ꞌinkꞌez nasulhghe! ꞋEt si ꞌutsꞌooꞌalh ꞌinkꞌez tsꞌonólhni.

Luke 15:25

ꞋEt ooyeꞌ, ꞌudetso whudilhdzulh-un ha níyeh tsꞌe ꞌutꞌen. ꞋEt yoh tsꞌu natisja whe whenghoh nadalh whe shun cha ꞌinkꞌez ha nudaih-un ꞌet whuduztsꞌai.

Luke 15:32

ꞋEt tsꞌihꞌun unꞌa ꞌuhoontꞌoh tsꞌonólhni ꞌinkꞌez tsꞌohótꞌeꞌ hubaꞌ hoontꞌoh. Nyulhutsin dazsai inleꞌ, ꞌen nakhitnaꞌ. Nintaltsꞌut inleꞌ, ꞌawet nasti.’”

Luke 15:4

“Mbe ꞌuntꞌoh nohtoh dune ꞌen ꞌusbai 100 ꞌutꞌi whe ꞌilho ninta nilhti. ꞋAw 99 ꞌenne chuntoh ꞌawet nébuninla ꞌinkꞌez ꞌilhoghun ninta inilhti-un nayitálhtelh whutsꞌun yukunúta?

Luke 19:10

Ninta ninkatne, Yinka Dune Yeꞌ, ꞌen bukúniztai ꞌinkꞌez ꞌubutilhyih ha, ꞌet huba whusainya.”

Luke 9:60

ꞋEt Jesus ꞌuyulhni, “Dudulh yaidlane didutchꞌoh ꞌanalhuhoolyelh. ꞋEt hoontsꞌi nyun nónyaꞌ ꞌinkꞌez Yakꞌusda lerwe unli-un ꞌet huwun budóniꞌ.”

John 11:25

ꞋEt Jesus ꞌuyulhni, “Si ꞌustꞌoh dunene tsꞌiyanne dunabudusdle-un ꞌinkꞌez ꞌilhiz wheni huye khóonaꞌ-i bugha yúsꞌaih. Tsꞌiyanne mbene la ooba ꞌalhaꞌ ꞌustꞌohne, dahúzsai ꞌet hoontsꞌi huhutinalh.

John 5:21

OoBá ntsꞌenꞌa la yaidlane dunabudile ꞌinkꞌez ꞌilhiz huye khúna-i bughaꞌaih, whuz unꞌa za ooYeꞌ, mbene la bukaꞌ ninzunne, ꞌenne ꞌilhiz huye khúna-i bughaꞌaih.

Romans 11:15

Yakꞌusda Lizwifne ꞌún ubutilhdil, ꞌinkꞌez Jesus Christ ꞌen gha nohni ꞌudun yun kꞌut whutꞌenne ꞌaw ꞌon ꞌun nohbulh lhónilchꞌoh. ꞋEt Lizwifne Jesus Christ hitsꞌu nálhya buboolhyih ha de, ꞌet Yakꞌusda nabitálhchulh wheꞌ hintꞌoh. ꞋAntsꞌi dune yaidlane doo cha za dune nahusliꞌ leꞌ hutinelh.

Romans 12:15

Mbene la hóontꞌiꞌne bubulh hóonahtꞌiꞌ, ꞌinkꞌez mbene la utsóne bubulh úhtso.

Romans 6:11

Nohni cha lubeshi be yaihdla nuhzun, ꞌet hoontsꞌi Yakꞌusda, Jesus Christ neMoodihti ꞌen bulh, khuhna whe ꞌahtꞌoh.

Romans 6:13

ꞋAw ꞌon ꞌat nohyustꞌe tankꞌus unꞌa ꞌutitꞌelh wheni ootlꞌáꞌ dudoolhyelh junih, ꞌet kꞌus khahna hukwꞌunꞌa ootlꞌaꞌ dudulhye ꞌinkꞌez Yakꞌusda ba nohyustꞌe tsꞌihꞌun unꞌa ꞌutꞌen oolhꞌen.

Romans 8:2

Ndoni gha ꞌilhiz hutisnalh whe Christ bulh ꞌilho usli, ꞌinkꞌez Ndoni ookꞌoh tsꞌe ookꞌuneꞌ ꞌustꞌen-un ꞌi be lubeshi chꞌa nasulhti. ꞋEt huwa ꞌaw dalhtuzisa.

1 Corinthians 12:26

ꞋEt yustꞌe whuloh ꞌilho hoontsꞌi dzoh nuzut de, tsꞌiyawh ꞌalhgoh dzoh nudeh. ꞋEt ꞌilho yustꞌe ooloh hidílhtiꞌ de, tsꞌiyawh ꞌalhgoh lhba hóontꞌiꞌ.

Ephesians 2:1

ꞋInkꞌez nohni nintaꞌnahtꞌen ꞌinkꞌez nohlubeshi be dasáhtsai inleꞌ, ꞌet khahna nohulhtsi.

Ephesians 2:5

ꞋOh daꞌ nintaꞌtsꞌuntꞌen-un ꞌet whe yaidlane leꞌ tsꞌantꞌeꞌ. ꞋEt hoontsꞌi Christ ꞌen be Yakꞌusda tsꞌukhuna nesulhtsi. Ye unzoo-i, ꞌi be dahjih.

Ephesians 5:14

ꞋEt huwa njan ndutni, “Mbe ꞌusti-un tsꞌenindzit! Yaidlane toh dunadindaih. ꞋEt de la Christ ootsꞌu ha yánduz-i, ꞌi nkꞌédodi.”

Colossians 2:13

ꞋInkꞌez nohni nintaꞌahtꞌih-un ꞌinkꞌez nohyustꞌe kꞌut ꞌaw lhunohuhítꞌus, ꞌet huwa dazahtsai whe ꞌahtꞌoh. ꞋEt hoontsꞌi ꞌandit ꞌen bulh nakhíhtnaꞌ whe ꞌahtꞌoh. Tsꞌiyawh whe tankꞌus ꞌútsꞌitꞌen-un neba whula ditni.

1 Timothy 5:6

ꞋEt hoontsꞌi tsandilhne, dichꞌoh dukꞌunꞌa za whe ndi yun kꞌut usda, nduntꞌohne hukhuna whe dahuzsai wheꞌ hintꞌoh.

Jude 1:12

Lhkꞌehsiꞌ whe lhla naꞌahtꞌalh, ꞌet hoontsꞌi ndunne ooghu yasdukne ꞌaw whelhoniljut whe nohlaꞌ ha ꞌalh. ꞋEnne ꞌantsꞌi howa ꞌóodli-i teh noo duhúltꞌoh. Dichꞌoh za soo neꞌhududulꞌen. ꞋAntsꞌi kwꞌus too ooghu hooloh-i leꞌ hintꞌoh. ꞋEt kwꞌus kꞌunꞌa ndulcho bubúlh nutsꞌi. ꞋAntsꞌi dakꞌet mai chun mai ooghu hooloh leꞌ hintꞌoh. ꞋInkꞌez ooghih bulh ꞌantsꞌi há nahuyulhchꞌulh leꞌ ꞌúntꞌoh. Nat daházsai leꞌ hintꞌoh.

Revelation 3:1

“ꞋEt keyoh Sardis dune Yakꞌusda ba ꞌilhunaoodulhne bulizas, ꞌen ootsꞌó kꞌeinges. Njan ndudini: Mbe Yakꞌusda lhtakꞌantꞌi ndudeh-i ꞌinkꞌez lhtakꞌantꞌi sum cha nule-un, ꞌen ꞌutni: Nohꞌeꞌutꞌen kꞌoh tꞌeoonúszun. Tꞌeoonuszun nohooziꞌ hooni, khahna hutni, ꞌet hoontsꞌi yaidlane ꞌahli whe ꞌahtꞌoh.