Luke 15:22 - Yak'usda Ooghuni

²² ꞋEt hoontsꞌi oobá dude ꞌustlenne ꞌet ndubulhni, ‘Naih ꞌukꞌenus unzoo-i whusalhchoos ꞌinkꞌez be sóo naidulhleh, ꞌinkꞌez latultꞌo cha oola nedahꞌaih ꞌinkꞌez kegon cha belhꞌes.

Luke 15:22 Iomraidhean Croise

Genesis 41:42

ꞋEt Pharaoh dulasgayaz latultꞌo nidilꞌai-i, ꞌi tsꞌahayitꞌai ꞌinkꞌez Joseph oola ꞌi yuneidanꞌai. ꞋInkꞌez soo naih diztiꞌ-i nzoo-i be dune yulhtsi ꞌinkꞌez gold ꞌuntꞌoh-i ulhꞌool-i, ꞌi yutsꞌilchun neidanla.

Luke 15:21

ꞋInkꞌez ooyeꞌ uyúlhni, ‘ꞋUbá yakꞌuz whudulhyoh lubeshi ꞌusdla ꞌinkꞌez nyun mbut cha. ꞋAw ꞌon ꞌat nyeꞌ sodutánelh huba soo lhéꞌuzdzooꞌ.’

Luke 15:23

ꞋInkꞌez musdoosyaz nilhkꞌa-i ulhchoot ꞌinkꞌez nasulhghe! ꞋEt si ꞌutsꞌooꞌalh ꞌinkꞌez tsꞌonólhni.

Romans 13:14

ꞋEt hoontsꞌi ꞌutꞌen ntsiꞌ-i, ꞌi ookꞌet neMoodihti Jesus Christ ꞌen za ookꞌúnꞌa ꞌutsꞌootꞌeꞌ, ꞌinkꞌez ꞌaw ꞌon ꞌat neyustꞌe lubeshi tsꞌúlhnoostꞌi.

Romans 3:22

Yakꞌusda nalh tsꞌihꞌun ꞌuhutitꞌelh, mbene la Jesus Christ ooba ꞌálhaꞌ ꞌuntꞌohne, ꞌenne za tsꞌihꞌun naꞌujane hinli nasdliꞌ. ꞋEt hukwaꞌ huninzun de, Yakꞌusda tsꞌiyanne tsꞌihꞌun unꞌa naꞌbutilelh, Yakꞌusda yun kꞌut dune ꞌalhgoh lhgha úbunilhꞌen ꞌet huwa.

Romans 8:15

ꞋEt Ndoni nohyudíltsꞌut whe ꞌaw Yakꞌusda be ntilhjut wheni ꞌulhna lhunohílhtsel. ꞋEt nohyudíltsꞌut whe Yakꞌusda ooduneꞌ nohulhtsi. ꞋEt huwa whélhtsꞌuniljut whe bulh yátsꞌulhduk ꞌinkꞌez, “Abba, ꞌuBá,” tsꞌutni.

Galatians 3:27

ꞋEt nohni nohtoh mbene Christ ba too be ꞌulyane, bulh ꞌáhtꞌoh suhliꞌ.

Ephesians 6:15

ꞋInkꞌez khuni unzoo-i whe nedzi ba be sooꞌ hoontꞌoh-i, ꞌi be óohꞌes leꞌ oohneh.

Revelation 19:8

Nyoo naih diztiꞌ-i, lhdítsun ꞌinkꞌez be hóodatꞌen, ꞌi ye tídalh ha ooghá whultsꞌut.” Nyoo naih diztiꞌ-i, ꞌi Yakꞌusda oochꞌeꞌne bube ꞌutꞌen tsꞌihꞌun ꞌuntꞌoh-i, ꞌi ꞌuntꞌoh.

Revelation 2:17

Mbe la ꞌuditsꞌone, Ndoni Yakꞌusda ba ꞌilhunaoodulhne, daja ꞌubulhni, huyoozólhtsꞌaiꞌ hubaꞌ hoontꞌoh. Mbene ꞌutꞌen ntsiꞌ-i yuchꞌaꞌ ꞌulhdene, ꞌenne ndi ꞌutꞌalh-i manna huyúlhni-i, ꞌi dune buchꞌa ntistꞌi-i, ꞌi whuloh bugha ítasꞌalh. ꞋInkꞌez tse dulyul-i cha bughá ntasꞌalh. ꞋInkꞌez ndi tse ookꞌut ꞌandidi ooziꞌ ꞌi ookꞌeitáguz. ꞋAw dune booziꞌ tꞌehinuszun. Ndun oogha ídiltsꞌut-un, ꞌen za tꞌeyuntázin.”

Revelation 3:18

Ndai gold kwun be ꞌon nus ꞌuldzooꞌ suliꞌ-i, ꞌi si stsꞌun óohket nohdusni. ꞋEt de la hoonzoo oohtꞌeꞌ. ꞋInkꞌez naih ꞌulhyul-i, ꞌi cha stsꞌun óohket. ꞋEt de la ꞌet dune oohleꞌ, ꞌinkꞌez nohye ꞌustꞌet ꞌahli-un cha la hukwa yálhuzoohleꞌ. Na yoo, ꞌi na kꞌet dúlhye, ꞌet de la soo hóohꞌen.

Revelation 6:11

ꞋInkꞌez ꞌilhoghun hinli whe ꞌulhyul-i nahuyitsꞌuz-i butlꞌaꞌ húninla. ꞋInkꞌez ꞌubuhútni, bubulh ꞌulhnane ꞌinkꞌez bubulhutsinke ꞌenne cha tsꞌiyawh ꞌenne bukꞌunꞌa za hubuhutighan, ꞌet lhaoodutanelh whutsꞌun, nahoolyis.

Revelation 7:9

ꞋEt hukwꞌelhꞌaz whunisꞌen ꞌinkꞌez lhane dune, huldlai kꞌet ꞌaw ꞌubutsꞌolhto ꞌaitꞌoh, ꞌenne ubunusꞌen. Lhelhdun keyoh whutꞌenne, lhelhdoh didowhne. Yinka duneꞌne cha. Tsꞌiyawh lhelhtsꞌun unꞌa yalhdukne ꞌuhintꞌoh. ꞋEnne tsꞌiyawh kwꞌutsꞌuzda cho diztiꞌ-i ꞌinkꞌez ꞌusbaiyaz hibut núdilhya. Tsꞌiyawh ꞌulhyul-i nahuyitsꞌuz-i be dune hinli ꞌinkꞌez ꞌul tlꞌotel, ꞌi nahídule.