Luke 15:17 - Yak'usda Ooghuni

¹⁷ ꞋEt beni oogha nadiltsꞌut leꞌ ꞌuja ꞌinkꞌez ꞌutni, ‘Daltsukne ꞌubá ba ꞌutꞌenne huyaꞌalh-i buba nus-i niltsuk, ꞌinkꞌez si njan lheꞌustꞌoh! ꞋAwet dai súzulhghe!

Luke 15:17 Iomraidhean Croise

Luke 15:16

ꞋInkꞌez ooyeꞌíltsꞌul kꞌet ꞌet ndunínzun, nyoo gugoos yuꞌalh-i, ꞌi uncha usꞌalh, ninzun. ꞋEt hoontsꞌi ꞌaw dune yugha lhéꞌusꞌai.

Luke 16:23

ꞋInkꞌez yaidlane toh usda ꞌinkꞌez tube dzoh nuzut. ꞋEt ndo yútanꞌen whe nilhdzaꞌ ꞌet Lazarus, Abraham yuzih usda whe ꞌubutilhꞌen.

Luke 8:35

ꞋEt dune hodántsꞌo whe whuz whe hándil ꞌinkꞌez honalhꞌen. Jesus highu nindil whe ndun dune ntsiꞌ-i nududeh-i ootsꞌu ha naídide-un, Jesus yukꞌetlꞌa usda whe hinalhꞌen. Naih be dune unli ꞌinkꞌez beni cha oogha nádiltsꞌut. Hinalhꞌen ꞌinkꞌez hunílhjoot.

Acts 12:11

ꞋEt Peter beni naóodisdliꞌ ꞌinkꞌez ꞌuninzun, “ꞋAwet tꞌeooniszin ꞌalha ꞌuhoontꞌoh, neMoodihti dulizas whusayálhꞌaꞌ ꞌinkꞌez Herod Lizwifne tubulh dzoh nusotilhzut-un, ꞌet whuchꞌa súlhyih.”

Acts 2:37

ꞋEt Peter hidántsꞌo whe soo tsꞌihꞌun budzi tꞌaíznai. ꞋInkꞌez Peter ꞌinkꞌez ꞌuyoonne whelꞌaꞌne bulh hubuhoodulhkut, “Neulhutsinke, Peter nedaniꞌ-un huwun dáztinelh?”

Ephesians 5:14

ꞋEt huwa njan ndutni, “Mbe ꞌusti-un tsꞌenindzit! Yaidlane toh dunadindaih. ꞋEt de la Christ ootsꞌu ha yánduz-i, ꞌi nkꞌédodi.”