Luke 15:10 - Yak'usda Ooghuni

¹⁰ Whuz unꞌa za nohdusni, ꞌilhoghun dudeni nahundunizꞌai de, Yakꞌusda oolizasne tsꞌiyawh howun tálhni.”

Luke 15:10 Iomraidhean Croise

Matthew 10:32

“ꞋEt huwa mbe la dune nalh ndutni-un, Jesus, ꞌen schꞌeꞌ ꞌuntꞌoh. Mbe ndutnine, ꞌuBá yakꞌuz usda-un, ꞌen dutasnelh, nyoon ꞌen schꞌeꞌ ꞌuntꞌoh.

Matthew 18:10

“ꞋEt ndunne tsꞌoodunne khun buka lheꞌnuzoohzin junih! ꞋAlhaꞌ bulizas yakꞌuz hudilhtsꞌi, ꞌenne bughu hinli ꞌinkꞌez SBá yakꞌuz usda-un bulizas ꞌahoolhyiz hinalh neꞌutꞌen.

Matthew 18:14

ꞋEt whuz unꞌa za ndunne tsꞌoodunne, ꞌet ꞌilhoghun hoontsꞌi kwuncho yo tsꞌu tiyalh de, nohBá yakꞌuz usda-un, ꞌen ꞌaw hukwa lheꞌnizun.”

Luke 12:8

“ꞋInkꞌez ꞌet cha nohdusni, mbe la dune nalh, Jesus Christ ꞌen oochꞌeꞌ usdli ni-un, ꞌen Yinka Dune Yeꞌ Yakꞌusda oolizas ubudutánelh, ndun ꞌen schꞌeꞌ unli whe ꞌuntꞌoh.

Luke 12:9

ꞋEt hoontsꞌi mbe dune nalh stsꞌooditdlaine, Yakꞌusda oolizas bunalh butsꞌoodutásdlai.

Luke 13:5

ꞋAwundooh nohdusni! ꞋEt hoontsꞌi nohni cha noheni náhandunoohleh ꞌet ndúlhahnel de, nohni cha tsꞌiyawh, whuz unꞌa za tsꞌiyawh yaitáhdlah!”

Luke 15:11

Jesus ꞌet ꞌutni, “ꞋIlhoghun dune, nane ooyeꞌ unli.

Luke 15:7

ꞋEt nohdusni, whuz unꞌa za ꞌilhoghun dune dudeni nahundunizꞌai, ꞌen 99 tsꞌihꞌun ꞌuntꞌohne ꞌudaꞌ dulubeshi chꞌa dudeni nahundunizdla. ꞋEt hoontsꞌi ndun ꞌilhoghun dune ꞌen gha ndo yakꞌuz dilhtsꞌine buba nus ꞌon nus howun tálhni.”

Luke 15:9

ꞋInkꞌez nayinꞌai de dukꞌekene ꞌinkꞌez ye nghoh whutꞌine ꞌalhgoh ꞌanih budaniꞌ ꞌinkꞌez ꞌubudútanelh, ‘Sulh hoonahtꞌiꞌ! Ndi sooniya ꞌilho ninta nusꞌai-i nasꞌai!’

Luke 7:47

ꞋEt huwa nyudusni, oolubeshi lhai tsꞌiyawh ooba whunaoodízno. Lhetube skꞌensiꞌ whe ꞌuntꞌoh. ꞋEt hoontsꞌi ntsool-iyaz lubeshi buba hooloh unline, dzoh tsꞌulyaz skꞌehinsiꞌ.”

Acts 11:18

ꞋEt Jerusalem ooba ꞌalha ꞌuhoontꞌohne hodántsꞌo whe Peter hichꞌaz yálhduk ꞌetsul ꞌuhudíja ꞌinkꞌez ꞌenne cha Yakꞌusda hudílhtiꞌ. ꞋInkꞌez njan duhútni, “ꞋUdun yun kꞌut whutꞌenne, ꞌenne cha lhtꞌanahunoodilh ꞌinkꞌez ꞌilhiz hukhoonaꞌ. ꞋEt whuz unꞌa Yakꞌusda bughá whuninꞌai,” hutni.

Acts 5:19

ꞋEt hoontsꞌi la ꞌet ꞌulhdzis neMoodihti oolizas ꞌahaꞌ dinla-un dáhaꞌ dantan, tenábuninla ꞌinkꞌez ubúlhni,

2 Corinthians 7:10

Yakꞌusda hukwaꞌ ninzun kꞌunꞌa tsꞌodi tsinli de, ꞌet lhtꞌanaznoodilh uzdoojih ha, whuz unꞌa ꞌaw nedzi úndoodaꞌ ꞌaitꞌoh ꞌet huwa. ꞋEt hoontsꞌi ndi yun kꞌut tsꞌodi, ꞌi be yatsꞌadlah.

Philemon 1:15

ꞋEt huwa tilah ꞌatsulyaz nghu whinya inleꞌ. ꞋEt de ꞌilhiz wheni naóolhchoot de, ꞌilhiz la nzih oodaꞌ,

Hebrews 1:14

ꞋEt ndunne lizasne, ꞌenne nudúdeh ꞌinkꞌez be ꞌustlenne ꞌuhintꞌoh. Yakꞌusda whébalhꞌaꞌ ꞌet de mbene la ndi bé uzdujis-i netsꞌu tíkulh, ꞌet huba neba neꞌutꞌenne ꞌuhintꞌoh.