Luke 15:1 - Yak'usda Ooghuni

¹ ꞋEt sooniya nalhdzoohne ꞌinkꞌez lubeshi ꞌulhꞌenne cha tsꞌiyawh Jesus huyootuzálhtsꞌilh ha highu nindil.

Luke 15:1 Iomraidhean Croise

Matthew 5:46

Mbene nohkꞌensiꞌne, ꞌenne za bukꞌehtsiꞌ de, di suba nohgha óokat? Ndunne sooniya nalhdzoohne, ꞌenne cha whuz unꞌa za nduhutꞌen.

Luke 13:30

ꞋEt ꞌalha, whulohne ꞌudechoo unline ꞌudekꞌoh hutileh. ꞋInkꞌez whulohne ꞌudekꞌoh unline, ꞌenne la ꞌudechoo unline hutileh.”

Luke 7:29

Tsꞌiyanne dune ꞌinkꞌez sooniya nalhdzoohne, Jesus daja ni hidantsꞌo whe Yakꞌusda buba ꞌalhaꞌ yija, John too beꞌ balhꞌen ꞌet huwa.

Romans 5:20

ꞋEt ꞌon ꞌun cha Yakꞌusda dughuni Moses tlꞌa ídanꞌai, ꞌet whe la whunenulhtun dáhooltsuk whe Yakꞌusda ooghuni kꞌúzninyuz. Ndet la tꞌetsꞌonínzun lubeshi ꞌulhꞌen ntsiꞌne tsꞌinli de, ꞌet de natsꞌuhooꞌaih Yakꞌusda ye nétsꞌun únzoo-i, ꞌi ꞌon nus ulhtus whe nelubeshi yuchꞌaꞌ nilhde.

1 Timothy 1:15

Ndi khuni be nyulh yasduk-i, ꞌi ꞌalhaꞌ ꞌuntꞌoh ꞌinkꞌez ꞌi soo tsꞌiyawh ootꞌa ninintan, ꞌet ndutni: Christ Jesus ꞌen ndi yun kꞌuz nusiya lubeshi ꞌulhꞌenne bubutilhyih wheni, ꞌinkꞌez si ꞌukꞌenus dune unsiꞌ-un usdli inleꞌ.