Luke 14:7 - Yak'usda Ooghuni

⁷ ꞋEt ooghu nusjane kꞌus hoonzoo-un ꞌutahahóditꞌai ꞌubunilhꞌen wheꞌ hutꞌen. ꞋInka huwa whutsꞌodulꞌeh-i be bubulh yalhduk whe njan ndutni,

Luke 14:7 Iomraidhean Croise

Matthew 13:34

Ndi tsꞌiyai khuni be nawhutnuk-i be whutsꞌodulꞌeh-i, ꞌet whuz unꞌa za Jesus ꞌilhunaoodulhne bubulh yailhduk. ꞋAw ꞌutsꞌun unꞌa lheꞌbudínel.

Matthew 23:6

ꞋUhatꞌalh-un ꞌinkꞌez lugliz cha soo kꞌus hoonzoo-un ꞌet za hudutáltsꞌilh hukwaꞌ huninzun.

Luke 11:43

Nohni Phariseene dawhultsiꞌ-un ꞌet nohtsꞌu hóoltsꞌulh! Lizwif lugliz dahyaih de, ꞌuhoontꞌoh-un natlꞌa dahdaih, ꞌet za hukwaꞌ nahzun! ꞋInkꞌez ꞌeꞌóoket-un, soo tsꞌiyanne nohodólhtiꞌ hukwaꞌ nahzun.

Luke 20:46

“Moses be ꞌudustlꞌus ꞌukꞌu nunáguzne, naih nyiz-i be húdilhtsꞌi, ꞌinkꞌez tꞌalh-i be ꞌóoket-un, ꞌet tsꞌiyanne hubodílhtiꞌ whe hadih ꞌuhútni, ꞌet huhóontꞌiꞌ. ꞋInkꞌez lizwif bulugliz soo kꞌus hoonzoo-un hudutáltsꞌilh hukwaꞌ huninzun. ꞋInkꞌez dune ghunuda-un, kꞌus hoonzoo-un hutidalh hukwaꞌ huninzun. Nduntꞌohne soo cho buka tse hoohli!

Philippians 2:3

Nohnichꞌoh hukwaꞌ nahzun te za neꞌóohtꞌen junih. ꞋAntsꞌi yo ꞌúdudulhdzun ꞌinkꞌez ꞌuyoonne nohanus hinzoo noohzin.

3 John 1:9

ꞋEt Yakꞌusda ba ꞌilhunaoodúlhne butsꞌó kꞌeꞌisguz. ꞋEt hoontsꞌi ꞌilhoghun butoh usda-un, Diotrephes huyulhni, ꞌen hoontꞌiꞌ whe buba nus diztiꞌ naꞌdudilꞌi hukwaꞌ ninzun. ꞋEn ꞌaw nekalheꞌnízun.