Luke 14:27 - Yak'usda Ooghuni

²⁷ ꞋInkꞌez mbe la dutulalhgus lhudistel-un suntiyal-un, ꞌaw sgha hodilꞌeꞌ-un ooleꞌ ꞌaitꞌoh.

Luke 14:27 Iomraidhean Croise

Matthew 10:38

ꞋInkꞌez mbene la dutulalhgus lhudistel de, ꞌinkꞌez sulhonisdulh de, sba soo lheꞌhildzooꞌ.

Matthew 13:21

ꞋEt hoontsꞌi didutchꞌoh ꞌaw bughih hooloh leꞌ hintꞌoh. ꞋEt huwa ꞌatsulyaz za buba ꞌalha ꞌuhoontꞌoh ꞌinkꞌez ndi khuni ꞌi gha dzoh nuhudeh ꞌinkꞌez ꞌonghohne buchꞌaz huditni. ꞋAho whula hudutnih.

Mark 10:21

ꞋEt Jesus yukꞌensiꞌ whe yunalhꞌen ꞌinkꞌez uyúlhni, “ꞋIlhoghun za whuyit ꞌintꞌoh, naindalh ꞌinkꞌez ꞌintꞌi-i tsꞌiyawh be ꞌóonket ꞌinkꞌez sooniya telꞌenne gha níndzaih, tulalhgus ilhchoot ꞌinkꞌez ꞌanih, seꞌ ꞌutꞌen kꞌoh tuneꞌ óntꞌen ha sunanyalh. ꞋEt de yakꞌuz hoonzoo-un, ꞌet whuchꞌa ootálhdoh.”

Mark 15:21

ꞋEt hidulh whe ꞌilhoghun dune, Simon huyúlhni-un, ꞌoh whuya uyalh. ꞋEn hidudizdil ꞌinkꞌez Jesus ootulalhgus yuba idutitelh ha huwa húyalhꞌa. Simon Cyrene whutꞌen-un, ꞌen Alexander ꞌinkꞌez Rufus bubá ꞌuntꞌoh.

Luke 14:28

Mbe ꞌuntꞌoh nohtoh-un, whedinꞌai-i ꞌutilelh de, ꞌaw lawk ꞌudechoo nátlꞌa dida ꞌinkꞌez daltsuk tileh ꞌaw lhuyóolhtoh ndi wheninꞌai-i bé lhaoodutaneh-i?

John 19:17

ꞋInkꞌez dutulalhgus yuditelh whe ꞋUtsin Tsꞌun huwhútni, whuz oozya. ꞋEt Hebrew kꞌunꞌa Golgotha huwhútni.

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

2 Timothy 1:12

ꞋEt huwa si cha dzoh nuszut, ꞌet hoontsꞌi ꞌaw hukwaya lhusdloh. Mbe sba ꞌalhaꞌ ꞌuntꞌoh-un tꞌenuszun ꞌet huwa. ꞋInkꞌez ndet ootlꞌa hoosꞌai-un, ꞌudekꞌez dzin whutsꞌun soo ꞌultus whe sba hootatun, ꞌet sba ꞌalha ꞌuhoontꞌoh.

2 Timothy 3:12

ꞋAlhaꞌ hoontꞌoh kꞌus mbe Christ Jesus ꞌen gha Yakꞌusda ba hutinalh hukwa ꞌutꞌenne, ꞌenne dune bube hútuzilalh wheꞌ hoontꞌoh.