Luke 14:24 - Yak'usda Ooghuni

²⁴ Nohdusni ndunne ꞌudechoo bughu nusúsyane, ꞌaw ꞌilhoghun hoontsꞌi ndi titꞌulh-i ꞌaw hinalhuhootásdli.’”

Luke 14:24 Iomraidhean Croise

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Matthew 22:8

ꞋEt hukwꞌelhꞌaz de ꞌulhnane, ꞌubulhni, ‘ꞋAwet naꞌtitꞌúlh-un lhaoodintꞌoh, ꞌet hoontsꞌi ooghu nusjane ꞌaw huba soo lheꞌhildzooꞌ.’

Luke 14:23

ꞋEt moodih dude ꞌulhna-un ꞌulhni, ‘Ti whucho tsꞌe inyalh ꞌinkꞌez ti whuyaz cha tsꞌe inyalh ꞌinkꞌez diz hutoodilh hukwa bilhꞌen, ꞌet de la syoh whudoobun.

Luke 14:25

ꞋEt lhane ꞌilhozdilne huyulh tizdil. Butsꞌu nálhꞌa ꞌinkꞌez ꞌubulhni,

John 3:19

ꞋEn ꞌuntꞌoh be hóotꞌen-i unli whe ndi yun kꞌeínya. ꞋEt hoontsꞌi ndi yun kꞌut dunene tsalhgus yo tsꞌe haínya-un, ꞌen ndi be hóotꞌen-i anus hikꞌentsiꞌ, njan neꞌhutꞌen-un ꞌon nus hoontsiꞌ tsꞌe za hitꞌelh ꞌet huwa. ꞋEt huwa la buba nahoodeh.

John 3:36

Mbene la Yakꞌusda ooYeꞌ ooba ꞌalhaꞌ yintꞌohne, ꞌilhiz wheni be tsꞌúkhuna-i, ꞌi huyutꞌi, ꞌinkꞌez mbene la ooba ꞌalhaꞌ lheꞌyitꞌohne, ꞌenne ꞌaw huhooꞌen ꞌaítꞌoh, Yakꞌusda yé bubulh húnilchꞌe-i ꞌahoolhyiz wheni bukꞌut uyitátꞌelh,” ni John.

John 8:21

ꞋEt Jesus doo cha ubúlhni, “Nohghu tisyalh. Ska itóhꞌen la ꞌet hoontsꞌi nohlubeshi bulh la yaóohdlah, ꞌet huwa ntsꞌe la tisyalh tsꞌe nohni cha ꞌaw whuz toohdilh ꞌaítꞌoh.”

John 8:24

ꞋEt huwa ꞌunohdusni nohlubeshi bulh yatáhdlah. ꞋAw nohba ꞌalhaꞌ lheꞌútꞌoh si mbe ꞌustꞌoh ꞌet huwun, ꞌet huwa la nohlubeshi bulh la yatáhdlah,” ubúlhni.

Acts 13:46

ꞋEt hoontsꞌi Paul Barnabas bulh ꞌon nus hoolhtus whe yahulhduk, “Ndi Yakꞌusda ooghuni ꞌi nohni cho be nohbulh yaóoduk hubaꞌ hoontꞌoh. ꞋEt hoontsꞌi ookalheꞌnáhzun de, ꞌinkꞌez ꞌilhiz khutihnalh-un huba soo lheꞌulhdzooꞌ naꞌdunáhzun de, ꞌantsꞌi nohbaꞌ dítni, ꞌet huwa ꞌudun yun kꞌut whutꞌenne, ꞌenne butsꞌun tatꞌus!