Luke 14:23 - Yak'usda Ooghuni

²³ ꞋEt moodih dude ꞌulhna-un ꞌulhni, ‘Ti whucho tsꞌe inyalh ꞌinkꞌez ti whuyaz cha tsꞌe inyalh ꞌinkꞌez diz hutoodilh hukwa bilhꞌen, ꞌet de la syoh whudoobun.

Luke 14:23 Iomraidhean Croise

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Matthew 5:41

Dune dawhuldzoh sulh tányalh nyulhni de, nat ꞌuwhuldzoh tsꞌe bulh ha óonyaꞌ.

Luke 14:22

Dude ꞌulhna-un whusanája ꞌinkꞌez ꞌutni, ‘Smoodih ntsꞌenꞌa ꞌudini-un, hukwꞌunꞌa ꞌusja, ꞌet hoontsꞌi ꞌawhuz hooncha-un whuzꞌai.’

Luke 14:24

Nohdusni ndunne ꞌudechoo bughu nusúsyane, ꞌaw ꞌilhoghun hoontsꞌi ndi titꞌulh-i ꞌaw hinalhuhootásdli.’”

Luke 24:29

Duzíh oodaꞌ hukwaꞌ huyulhꞌen, ꞌinkꞌez ꞌuhuyúlhni, “ꞋAwet sa naínꞌai, hulhgha ꞌuhoontꞌoh.” ꞋInkꞌez yoh bubúlh danántꞌaz buzih tidalh ha.

Acts 16:15

ꞋEt didut ꞌinkꞌez hiyoh dilhtsꞌíne ookꞌekoone tsꞌiyawh too beꞌ hulya. ꞋEt hukwꞌelhꞌaz neghu nusuya, “NeMoodihti soo cho ootꞌa nunistan-un nohba ꞌalha ꞌuhoontꞌoh de, ꞌanih syoh tsꞌe szih dulhtsꞌi,” neyúlhni ꞌinkꞌez ꞌilhiz netsꞌulhéꞌditsꞌil ꞌinka bulh úztizdil.

Acts 18:6

ꞋEt hoontsꞌi ndet buba ꞌalhaꞌ lheꞌdusnih ꞌinkꞌez hoontsiꞌ te neꞌhiduniꞌ de, ꞌet la bulez chꞌa dunaih nayughat ꞌinkꞌez ꞌubulhni, “Ninta nahkat de, nohnichꞌoh whuzahni wheꞌ tihnelh. Si skꞌé hoꞌalh ꞌaítꞌoh. ꞋAndit whutsꞌun ꞌudun yun kꞌut whutꞌenne, ꞌenne la butsꞌu tóosyaꞌ!”

Acts 28:28

ꞋInkꞌez Paul ꞌudekꞌez ubúlhni, “ꞋEt huwa njan tꞌéoonohzin hubaꞌ hoontꞌoh, Yakꞌusda ooghuni be uzdujih-i ꞌudun yun kꞌut whutꞌenne, ꞌenne butsꞌo tlꞌaidanꞌai ꞌinkꞌez huyoozólhtsꞌaiꞌ la!”

Acts 9:15

Moodihti ꞌet uyúlhni, “Inyalh ꞌinkꞌez dája nyudúsni-un ꞌuhoonleh. Si Saul ꞌutahásti whe ꞌuntꞌoh, sbaꞌ titꞌelh ꞌet wheni. ꞋUdun yun kꞌut whutꞌenne, lerwene cha ꞌinkꞌez Israel ootsꞌu hainzutne cha tsꞌiyawh si sghun tꞌehonózin ꞌet whúbuntilhtun ꞌet wheni.

Romans 10:18

ꞋEt hoontsꞌi ꞌet hukwa nohooduskut, Israel ooduneꞌne ꞌaw eh ndi khuni hiyulh lheꞌditsꞌil? A, huyulh ꞌúdantsꞌo. Njan Yakꞌusda be ꞌudustlꞌus kꞌut ꞌet ꞌutni, “Ndunne nughúni nuꞌáne bughuni tsꞌiyanne ndi yun kꞌut hudántsꞌo ꞌet ooghuni dune hiyubodulhꞌeh-i ntsꞌe la dune huwhutꞌí-un tsꞌiyawh hidántsꞌo.”

2 Corinthians 5:11

ꞋInkꞌez neMoodihti bé whunujut-un, ꞌet huwun ꞌet tꞌetsꞌonínzun. ꞋEt huwa tsꞌiyanne dune whúz ubuznilhtꞌi. ꞋEt Yakꞌusda ꞌilhone tsinli whe wheni tꞌenenínzun. ꞋInkꞌez ꞌet uncha wheni cha nohyo tsꞌe oogha tꞌetsꞌoninzun-i whe tꞌenenáhzun.

2 Corinthians 5:20

ꞋEt huwa Christ ꞌen ba khuni naꞌáne tsinli. Yakꞌusda wheni nebe nohbulh yálhduk leꞌ ꞌutni. ꞋEt whe nohtsꞌun tézdudli, ꞌandit whutsꞌun soo Yakꞌusda tsꞌun naóolhyeh!

2 Corinthians 6:1

ꞋInkꞌez wheni Yakꞌusda bulh ꞌilhoh neꞌutꞌenne tsinliꞌ natsꞌutez dudlih, Yakꞌusda ye unzoo-i ꞌantsꞌi ꞌet ólhchoot junih.

Colossians 1:23

Be nohba ꞌalha ꞌuhoontꞌoh-i, soo dutsꞌo-i whe oohtun. ꞋInkꞌez whudutsꞌo-un yoh ookꞌu whuzꞌai-i leꞌ ꞌahtꞌoh. ꞋInkꞌez khuni unzoo-i bulh ꞌudahtsꞌo-un, ndi khuni ooka tse hóohli khun oola doohtnih junih. Ndi yun kꞌut ndulcho whe ndi khuni unzoo-i bugha ídiltsꞌut. ꞋEt huba si, Paul, Christ ba neꞌutꞌen-un susdliꞌ.

Colossians 1:28

ꞋEn ghun tsꞌiyanne bulh yatsꞌulhduk. Be whutnih-i, ꞌi be tsꞌiyanne bugha tsꞌútni, ꞌinkꞌez tsꞌiyawh whubutsꞌodulhꞌeh. ꞋEt whe tsꞌiyanne Christ Jesus ꞌen be lhadulyane ꞌuhootꞌeꞌ. ꞋEt whuz unꞌa za ꞌuhintꞌoh whe neBá ootsꞌun buztilelh.

2 Timothy 4:2

ꞋAhoolhyiz lhadíntꞌoh Yakꞌusda ooghuni bé bubulh yaílhduk. Whúbunilhtun ndet whe nintaꞌhutꞌih-un, ꞌinkꞌez tankꞌus ꞌuhutꞌen-un hukwa budíni, ꞌinkꞌez budzi do náꞌinleh. Howa whúlnaꞌ-un whulh sinyin, ꞌinkꞌez dune hodilhꞌeh.