Luke 14:21 - Yak'usda Ooghuni

²¹ ꞋEt be ꞌulhna-un yughu nanja ꞌinkꞌez dumoodih yudániꞌ. ꞋEt yoh whumoodih hunilchꞌe ꞌinkꞌez dude ꞌulhna-un ꞌuyulhni, ‘Soo ꞌa cho! Keyoh whuti tsꞌínyalh ꞌinkꞌez tiyaz ndulcho whe ninya ꞌinkꞌez telꞌenne, dzoh nudilhne, ꞌinkꞌez hoos̱ꞌenne cha ꞌinkꞌez ooyustꞌe bodinlane cha, tsꞌiyawh whusabinle!’ ꞋInkꞌez whe yálhꞌaꞌ.

Luke 14:21 Iomraidhean Croise

Matthew 11:28

Nohni tsꞌiyawh mbe ꞌutꞌen ulhtus-i ꞌulhꞌenne ꞌinkꞌez mbe ndaz-i nulene leꞌ ꞌahtꞌoh, diz ꞌahdulh ꞌinkꞌez natilhyis-un nohgha óotasꞌalh.

Matthew 11:5

Hoos̱ꞌenne cha huhooꞌen nahusdliꞌ. Dzoh nudilhne, nahudilh nahusdliꞌ. Ooka whulhjutne cha leprosy, butsun hooloh nahusdliꞌ, ꞌinkꞌez lheꞌdústsꞌone cha ꞌuhuditsꞌo nasdliꞌ. Yaidlane cha dunahudidil ꞌinkꞌez telꞌenne cha khuni unzoo-i be bubulh yainduk.

Matthew 15:12

ꞋEt yugha hodulꞌehne highu nindil whe ꞌuhuyulhni, “Tꞌeoonínzun eh Phariseene nyodantsꞌo whe buba dzoh ꞌúdinja?”

Matthew 18:31

ꞋOnghoh ꞌulhnane, tsꞌiyawh honalhꞌen dahooja la, tsꞌiyawh howu ni huzdliꞌ. ꞋEt huwa dumoodih tsꞌu whehandil ꞌinkꞌez tsꞌiyawh hidaniꞌ.

Matthew 20:7

‘ꞋEt ꞌaw dune lhuneulhꞌoh ꞌet huwa tsꞌintꞌoh,’ huyulhni. ꞋEt ꞌúbulhni, ‘Nohni cha nghuz tsꞌekoo tooꞌ mai chun ha niyeh tsꞌe ꞌahdulh. ꞋInkꞌez sooniya tsꞌihꞌun ꞌuntꞌoh-i, ꞌi nohba kꞌelha tiselh.’

Luke 14:13

ꞋEt hoontsꞌi huwa ꞌutanꞌalh de, ꞌet telꞌenne, ꞌinkꞌez dzoh nudilhne, ooyustꞌe bodinꞌaine, ꞌinkꞌez hoos̱ꞌenne cha, nduntꞌohne, ꞌenne bughu nonyaꞌ.

Luke 14:20

ꞋUyoon cha njan ndutni, ‘ꞋAndit ꞌat ꞌustꞌi ꞌet huwa ꞌaw whuz toosyaꞌ ꞌaitꞌoh.’

Luke 14:22

Dude ꞌulhna-un whusanája ꞌinkꞌez ꞌutni, ‘Smoodih ntsꞌenꞌa ꞌudini-un, hukwꞌunꞌa ꞌusja, ꞌet hoontsꞌi ꞌawhuz hooncha-un whuzꞌai.’

Luke 14:24

Nohdusni ndunne ꞌudechoo bughu nusúsyane, ꞌaw ꞌilhoghun hoontsꞌi ndi titꞌulh-i ꞌaw hinalhuhootásdli.’”

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

Luke 9:10

ꞋEt whelꞌaꞌne whusanáhidil whe dahítꞌen-un tsꞌiyawh hidaniꞌ. ꞋInkꞌez njan Bethsaida keyoh whunat disoh tsꞌe whébanla.

John 9:39

ꞋEt Jesus ꞌutni, “Ndi yun kꞌut whusásya ꞌet huwa la yinka duneꞌne buba nahoodeh. Whusásya-un, ꞌet huwa hoos̱ꞌenne, ꞌenne huhooꞌen hutileh. ꞋEt mbene la hooꞌenne, ꞌenne cha huhoos̱ꞌen hutileh.”

Hebrews 13:17

Nohtsó whudilhdzulhne, ꞌenne bukꞌuneꞌ oohten ꞌinkꞌez butlꞌáꞌ dudoolhyelh. ꞋEnne nohzul nohba yughunline ꞌuhintꞌoh ꞌet huwa. ꞋInkꞌez ntsꞌenꞌa nohba highunli, ꞌet whuz unꞌa Yakꞌusda but nohba hutiyin. Soo tsꞌihꞌun unꞌa newhúnahꞌaih, dahtꞌen-un, ꞌet huwa ndunne whutso whudilhdzulhne huhótꞌeꞌ whe Yakꞌusda ba nohghú hooleꞌ hubaꞌ hoontꞌoh. Khun te nohni nohgha khunani hoodleꞌ junih. ꞋEt ndahtꞌen de za, ꞌet de za nohba hootázooꞌ.

Hebrews 2:3

ꞋInkꞌez ndi whe uzdujis-un, ꞌet hooncha wheꞌ hoontꞌoh. ꞋEt tsꞌiyawh neba ꞌantsꞌi ꞌuhoontꞌoh de, ꞌet de ꞌenne bukꞌunꞌa neba kꞌelha whutaleh. Nemoodihti ndi yun kꞌut nuséya-un, ꞌet whutsꞌun ndi whézdujis-un howu yalhduk, ꞌinkꞌez ndunne mbene la whudántsꞌone, ꞌenne ndi khuni tsꞌiyawh whunehunilhtan ꞌet tsꞌihꞌun ꞌuhoontꞌoh.

James 2:5

Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.

Revelation 19:15

ꞋEt saluzti, khundiyin-i oozá ha yiki. Ndi ꞌi be ꞌudun yun kꞌut whutꞌenne ye but tsꞌeꞌ tilhtꞌoh ha. Dichꞌoh lhuztih tuz be kꞌuneꞌ butilꞌen. ꞋInkꞌez Yakꞌusda ꞌukꞌenus ulhtus-un, ꞌen ye huske-i ꞌinkꞌez ye húnilchꞌoh-i, ꞌet tsꞌekoo tooꞌ ꞌulꞌen-un whuzꞌai kꞌunꞌa-i, ꞌi dichꞌoh ꞌi yukꞌunutíyalh.

Revelation 22:17

ꞋEt Ndoni ꞌinkꞌez Jesus ghu tidalh-un bulh, “ꞋAnih!” hutni. ꞋInkꞌez mbe whuditsꞌo-un, ꞌen cha, “ꞋAnih!” hudooniꞌ. Mbe la taꞌóosda-un cha diz tóoyaꞌ ꞌinkꞌez ndi be tsꞌúkhuna-i whutooꞌ, ndet hukwaꞌ ninzun totsuk, hiyootnaiꞌ.