Luke 14:18 - Yak'usda Ooghuni

¹⁸ Tsꞌiyawh ꞌonilha ꞌaw ꞌuhooneh ꞌaitꞌoh hutni. ꞋEt ꞌudechoo ꞌen ꞌudutni, ‘Si yun osket ꞌinkꞌez whuz tisyalh whuntisꞌelh ha, ꞌet huwa ꞌaw oosneh ꞌaitꞌoh sba dóniꞌ.’

Luke 14:18 Iomraidhean Croise

Luke 14:17

ꞋEt hulhgha naꞌhutitꞌulh-un dude ꞌulhna-un whe yálhꞌaꞌ ꞌinkꞌez mbene la bughu nusjane ubudóniꞌ, ‘ꞋAwet tsꞌiyai lhadúja, diz ꞌahdulh!’

Luke 14:19

ꞋEt ꞌuyoon ndutni, ‘Kwulaiꞌ musdoos dune osket. ꞋOotásdzih ꞌinkꞌez naduntizꞌelh daóotꞌeꞌ suba, ꞌet huwa ꞌaw oosneh ꞌaitꞌoh sba doniꞌ.’

Luke 18:24

ꞋEt Jesus yunilhꞌen whe ndun tube oodzi unduda suliꞌ, ꞌet ꞌutni, “Hoonzooꞌ ꞌuntꞌohne dawhulcho whe buba howa whulnaꞌ whe Yakꞌusda whe lerwe unli tsꞌe hutidulh.

Luke 8:14

Ndai la whus cho toh nanánkat-i, dune Yakꞌusda ooghuni hiditsꞌo ꞌet hoontsꞌi yun kꞌut huwu ni tsinli-un, ndi yun kꞌut hoonzooꞌ hoontꞌoh-un, ꞌinkꞌez ndi yun kꞌut huhoontꞌiꞌ tuneꞌ hutꞌen-un, ꞌi tsꞌiyawh whus cho ꞌi be bulh lhellhoh ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

John 1:11

Dulh whútꞌenne ꞌutahábanlane, butaninya whe ꞌaw lhuhuyílhchulh.

John 5:40

Si sgha la ꞌilhiz ooleꞌ huye khúna-i oohtꞌeꞌ, ꞌet hoontsꞌi ꞌaw stsꞌu tóohdilh hukwa lheꞌnáhzun.

Philippians 3:4

ꞋEt hoontsꞌi si cha hukwaꞌ nuszun de, syustꞌe kꞌoh tsꞌe, ꞌet za whutꞌaninustan ꞌet hoontsꞌi hukwa lheꞌnúszun. ꞋEt ꞌuyoonne duyustꞌe kꞌoh tsꞌe ꞌuhintꞌoh, ꞌet si ꞌon nus whuz unꞌa ꞌustꞌoh.

2 Timothy 4:10

Demas ꞌen sla ditni. Ndi yun kꞌut núkat-i ꞌon nus yukaꞌ ninzun. ꞋEt huwa keyoh Thessalonica whuz whinya. Crescens ꞌen Galatia tsꞌe whinya ꞌinkꞌez Titus ꞌen cha yun kꞌut Dalmatia tsꞌe whinya.

2 Timothy 4:4

ꞋInkꞌez khuni ꞌalhaꞌ ꞌuntꞌoh-i, ꞌi ꞌaw hidótsꞌo hukwa lheꞌhuntiszil. ꞋEt kꞌus khuni ꞌantsꞌi unli-i, ꞌohwhi za hika ꞌuntizilh.

Hebrews 12:16

Doo ka si nohtoh whulohne, ꞌuyoonne tsꞌekoo kꞌus dune bulh lubeshi olhchoot whutsꞌu noohtꞌi. Kꞌus Esau kꞌunꞌa Yakꞌusda ooghohdloh. ꞋEn ꞌudechoo whuzdli-un ꞌuntꞌoh ꞌinkꞌez di la oobá yutsꞌu yoozi-i, ꞌi oochꞌeꞌ yataleh, bubá nahuyoosdzi-i didut ootsꞌitikulh-i, ꞌi ꞌuyinla, ꞌilhoh yutiꞌulh-i za kꞌelha yutizꞌai.