Luke 14:15 - Yak'usda Ooghuni

¹⁵ ꞋEt ꞌilhoghun dune lutab kꞌut yulh usda-un, whudantsꞌo, ꞌen ꞌuyulhni, “Yakꞌusda whe lerwe unli-un, mbe la ꞌet ꞌaꞌalhne, ꞌukꞌenus hoonzoo-un bugha whutaltsꞌulh!”

Luke 14:15 Iomraidhean Croise

Matthew 25:10

Whuz whehandil whe ꞌat titꞌelh-un bukꞌelhꞌo whusaínya. ꞋInkꞌez yuba lhadintꞌohne, naꞌhutitꞌulh tsꞌe huyúlh danindil, ꞌinkꞌez dati dánahidintan.

Matthew 8:11

Nohdusni ndaz de ꞌinkꞌez nooz de lhane whusatidulh yakꞌuz keyoh ꞌet Abraham cha, Isaac, ꞌinkꞌez Jacob cha, ꞌalhgoh lhla náꞌhutitꞌulh.

Luke 12:37

ꞋEt moodih whusanaja de, ꞌinkꞌez be ꞌulhnane hika tse hooli, ꞌinkꞌez hika ítisꞌen. Moodih ndutꞌenne bunilhꞌen de, ꞌukꞌenus hoonzoo-un bugha whultsꞌut. ꞋAlhaꞌ nohdúsni, bumoodih soo nadutitneh ha, ꞌinkꞌez dude ꞌulhnane nátlꞌa dulhtsꞌi budutánelh, ꞌinkꞌez bubut néꞌtilelh.

Luke 13:29

ꞋOh de ndaz de ꞌinkꞌez nooz de, ꞌinkꞌez nus de, ꞌinkꞌez nyaz de ha há tidulh ꞌinkꞌez Yakꞌusda whe lerwe unli-un, ꞌet nátlꞌa hudutiltsꞌilh.

Luke 22:16

ꞋAlhaꞌ nohdusni, Yakꞌusda whe lerwe unli-un, ndi butus lhuseya-un lhaoodutaneh, ꞌet whutsꞌun, ꞌaw ꞌon ꞌat oosꞌalh ꞌaitꞌoh.”

Luke 22:30

ꞋEt whe lerwe usdli-un, ꞌet slutab kꞌut sulh ꞌutihꞌulh ꞌinkꞌez sulh utihtnelh. Kwꞌutsꞌuzda cho diztiꞌ-i, ꞌet hukwꞌu dutálhtsꞌilh ꞌinkꞌez whunizyat ꞌon ꞌat nat-un Israel ootsꞌu hainzutne bulh didowhne buba nahutihyeh.”

Revelation 19:9

ꞋEt ndun yalhduk-un, ꞌen ꞌusúlhni, “Njan ꞌukꞌehoonges, ꞌusbaiyaz ꞌat titꞌelh-un naꞌhutitꞌulh-un, mbene ooghu nusjane, ꞌenne ꞌukꞌenus hoonzoo-un bugha whútaltsꞌulh.” ꞋInkꞌez ꞌusulhni, “Ndi ꞌi soo tsꞌihꞌun Yakꞌusda ooghuni ꞌutni.”