Luke 14:1 - Yak'usda Ooghuni

¹ ꞋEt ꞌuhooja, ꞌilhoghun Pharisee bumoodih ooyoh, natsꞌulyis dzin, Jesus lhes naꞌtitꞌulh ha danínya. ꞋEt soo cho highunli.

Luke 14:1 Iomraidhean Croise

Matthew 12:12

Dawhulcho-i be dune ꞌusbai anus diztiꞌ whe ꞌuntꞌoh? ꞋEt huwa netlꞌa hóoltsꞌut natsꞌulyis dzin ꞌutꞌen unzoo-i ꞌutsꞌulhꞌen huba.”

Mark 3:2

ꞋEt Phariseene tube Jesus highunli nahulyis dzin tilah nyoon dune ka únli-un nayoolhyih, hukwa hikꞌé hoꞌalh-un, ꞌet hukwa highunli.

Luke 11:37

Jesus ꞌawhuz yalhduk whe ꞌilhoghun Pharisee yoodulhkut, “Slanaintꞌalh syoh tsꞌe.” ꞋEt Jesus yoh daninya ꞌinkꞌez natlꞌa didaꞌ ꞌutiꞌulh wheni.

Luke 14:2

ꞋInkꞌez ꞌilhoghun dune ooyustꞌe toh too whudizbun suliꞌ, ꞌet hukwꞌé unduda, Jesus but neninya.

Luke 17:20

ꞋEt whulohne Phariseene Jesus huyoodulhkut, “Nkede ꞌuwhutanelh Yakꞌusda whulerwe unli-un whusaootiltsꞌulh?” ꞋEt ꞌubulhni, “Yakꞌusda whulerwe unli-un, ꞌaw ntsꞌenꞌa whusaootiltsꞌulh-un, ꞌet ꞌaw whunoolhꞌen ꞌaitꞌoh.

Luke 20:20

ꞋInkꞌez highunli, ꞌinkꞌez tsꞌihꞌun ꞌuntꞌoh naꞌdudilꞌi nunúlꞌiꞌne, ꞌenne hitsꞌun whílhꞌaꞌ. Khun tilah Jesus ye yalhduk-i, ꞌi gha la huyoolhgooh. ꞋEt de la yun kꞌut whutꞌenne bumoodih yutlꞌa húyoolhtelh. ꞋEn ꞌuntꞌoh hoolhtus te neꞌutꞌen, ꞌinkꞌez tsꞌiyanne kꞌuneꞌ ꞌulꞌen.

Luke 6:7

ꞋInka Moses be ꞌudustlꞌus ꞌukꞌu nunáguzne ꞌinkꞌez Phariseene cha soo cho highunli daooneh suba. Dune nalyis-un dzin ꞌet tilah soo naꞌyooleh. ꞋEt whe hoonliyaz highu nahootáꞌalh hukwaꞌ hutꞌen.

John 3:1

ꞋIlhoghun dune Pharisee bulh dizulh-un, ꞌen ꞌilhoghun Lizwifne butso whudilhdzulh-un, ꞌen Nicodemus huyulhni.

Acts 5:34

ꞋEt hoontsꞌi ꞌilhoghun dune, Gamaliel huyúlhni-un, ꞌen Pharisee unli tsꞌiyanne hidilhtiꞌ, ꞌen butoh dudinya ꞌinkꞌez ubúlhni, “ꞋAtsulyaz ꞌaz úbilhlelh.”