Luke 13:32 - Yak'usda Ooghuni

³² ꞋInkꞌez ꞌubulhni, “Nyoon ꞌuyoo unli-un dáhni, ‘Whunulhꞌen! ꞋAndit dzin ꞌinkꞌez bunde cha ntsiꞌ-i nududeh-i dune chꞌa ha nánusyoot ꞌinkꞌez dune soo náꞌusꞌen, ꞌinkꞌez whulh tat dzin hukwa whusásya-un, lhadúlya-un tisdleh.’

Luke 13:32 Iomraidhean Croise

Mark 6:14

Bulerwe Herod huyúlhni-un yulh ꞌúdantsꞌo Jesus ndulcho whe búlh nukhuni uzut. ꞋInkꞌez ꞌutni, “John dune too be ꞌulhꞌen-un ꞌutꞌen. Dazsai inleꞌ ꞌinkꞌez nahítnaꞌ ꞌet huwa Yakꞌusda ye ulhtus-i ooghi dizꞌai whe ꞌútꞌen whunulꞌen teneꞌútꞌen.”

John 10:32

ꞋEt Jesus ꞌubulhni, “SBá be ꞌutꞌen kꞌoh hoonzóo-un lhat-un si sgha whunulhꞌen. ꞋInkꞌez kꞌus ndet hukwa sutilhlelh tse be suzoolhghelh hukwaꞌ nahzun?”

John 19:30

ꞋEt nyoo tsꞌekoo tooꞌ tsꞌulkiꞌ-i yunawhúzdlih ꞌinkꞌez ꞌutni, “ꞋAwet tsꞌiyantsuk lhawhúduja.” Yo nenintꞌai ꞌinkꞌez ye khúna-i yula ditni.

Hebrews 2:10

ꞋEt Yakꞌusda ꞌen gha tsꞌiyaitsuk ꞌuhoontꞌoh, ꞌinkꞌez tsꞌiyantsuk ootsꞌu ha honkat. Lhane duduzke Jesus whe diztiꞌ-un, ꞌet butlꞌa óotiꞌalh hukwaꞌ ninzun. Jesus ꞌen whezdutijih-un neba tso nuya-un ꞌuntꞌoh. ꞋEt huwa Yakꞌusda ꞌen ooba tsꞌihꞌun ꞌuhoontꞌoh whe Jesus whe dzoh nusuzut-un, ꞌet ꞌi gha tsꞌihꞌun ꞌulya-un suliꞌ yulhtsi.

Hebrews 5:9

ꞋInkꞌez tsꞌihꞌun ꞌulya-un suliꞌ. ꞋInka mbene yukꞌúneꞌ ꞌutꞌenne, ꞌenne ꞌilhiz wheni hudujis-un, ꞌet bugha óoninꞌai.

Hebrews 7:28

Dune bulubeshi gha tehutsun ꞌet hoontsꞌi ndai la ꞌoh daꞌ Yakꞌusda khuni netlꞌa ídanꞌai, ꞌi be dune lubret ꞌukꞌenuz diztiꞌne hutileh. Yakꞌusda ooghuni Moses ꞌukꞌu néyuzguz-i, ꞌi ookꞌelhꞌaz, Yakꞌusda duYeꞌ ꞌen ghun netsꞌu nahizya lubret ꞌukꞌenus diztiꞌ-un tileh. ꞋEn ꞌuntꞌoh, duYeꞌ ꞌen ꞌilhiz wheni soo ꞌet lhadulya-un suliꞌ.