Luke 13:28 - Yak'usda Ooghuni

²⁸ Abraham, Isaac, Jacob, ꞌinkꞌez nus hooꞌenne tsꞌiyawh, Yakꞌusda whe lerwe unli-un, ꞌet hudutáltsꞌilh ꞌinkꞌez ꞌet la bunoolhꞌen. ꞋEt ꞌoh de nohni tenanohonilhdil. ꞋEt tihtso ꞌinkꞌez nohghoo lhudutihkꞌus.

Luke 13:28 Iomraidhean Croise

Matthew 13:42

ꞋInkꞌez ntsꞌe la kwun dizkꞌun hubaꞌ hoontꞌoh-un, whuz hubotilhdulh. ꞋInkꞌez tso yahutilhduk ꞌinkꞌez dughoo lhuhidutikꞌus.

Matthew 13:50

Ntsiꞌne, kwun dizkꞌun tsꞌe tsꞌubotutilhlelh. Tso yahutilhduk ꞌinkꞌez dughoo lhuhidutikꞌus.”

Matthew 22:13

ꞋEt lerwe duba neꞌutꞌenne ubúlhni, ‘Ndun dune ulhchoot ꞌinkꞌez ꞌulhghel. ꞋAz tsalhgus yo tsꞌe táhneh! Whuz titso ꞌinkꞌez dughoo lhudookꞌus si.’

Matthew 24:51

ꞋEt kꞌubeꞌ yutálhtꞌoh ꞌinkꞌez ootsꞌitikulh-i, ꞌi tsꞌiyawh mbe duba naꞌudzooꞌne butsꞌitikulh-i, bukꞌunꞌa ꞌi za ootsꞌitikulh. ꞋEt whe la tso bulh dughoo lhidutikꞌus.”

Matthew 25:30

ꞋEt ndun ꞌulhna-un ntsiꞌ-un, ulhchoot ꞌinkꞌez ꞌaz tsaholhgus yo tsꞌe táhneh.’ ꞋEt whe la tso bulh dughoo lhudookꞌus si.”

Luke 10:15

ꞋEt nohni Capernaum whutꞌenne ndo yat huba soo ꞌáhtꞌoh nahzun eh? ꞋAwundooh! Kwuncho yo tsꞌe nóhotilhdulh!

Luke 14:15

ꞋEt ꞌilhoghun dune lutab kꞌut yulh usda-un, whudantsꞌo, ꞌen ꞌuyulhni, “Yakꞌusda whe lerwe unli-un, mbe la ꞌet ꞌaꞌalhne, ꞌukꞌenus hoonzoo-un bugha whutaltsꞌulh!”

Luke 16:23

ꞋInkꞌez yaidlane toh usda ꞌinkꞌez tube dzoh nuzut. ꞋEt ndo yútanꞌen whe nilhdzaꞌ ꞌet Lazarus, Abraham yuzih usda whe ꞌubutilhꞌen.

2 Thessalonians 1:5

ꞋInka tsꞌiyanne tꞌehininzun Yakꞌusda tsꞌihꞌun nahiyilh-un ꞌuntꞌoh. ꞋEt huwa ndet Yakꞌusda lerwe unli, ꞌet soo ꞌúlhdzooꞌ ooleꞌ ookꞌélhꞌotihꞌalh. ꞋEt huba ꞌandit dzoh nahdeh.

2 Peter 1:11

Ndiz unꞌa neMoodihti ꞌinkꞌez neulhyis-un Jesus Christ, ntsꞌe ꞌilhiz wheni lerwe unli-un, ꞌet hoonzoo whe nohba dáhaꞌ dutikwus.

Revelation 21:8

ꞋEt hoontsꞌi mbene la whénuljutne, ooba ꞌalhaꞌ lheꞌhóotꞌohne, hubaꞌ whuninzun tuneꞌ ꞌutꞌenne, neghanne cha, hoontsiꞌ túneꞌ ꞌutꞌenne, duyunne, ꞌukꞌeltsi tsꞌun tenadudline, ꞌinkꞌez whutsꞌitne cha, ꞌenne tsꞌiyawh nyo bunghun dúwhulcho-un kwun sulphur be dizkꞌun-un, ꞌet ꞌuwhutitꞌelh. ꞋEt whúlh nat yatsꞌitádlah-un ꞌuhoontꞌoh.”

Revelation 22:15

ꞋEt hoontsꞌi njan keyoh whuti yoo ꞌaz tsꞌe, ꞌet lhike ndultꞌohne, ꞌinkꞌez duyunne, dune kꞌus tsꞌekoo bulh níntaꞌ ꞌutꞌihne, neghane cha, ꞌinkꞌez ꞌukꞌeltsi tsꞌun tenadudline cha, ꞌinkꞌez mbene hoohóontꞌiꞌ whe huwhutsꞌitne, ꞌenne tsꞌiyawh yoo ꞌaz tsꞌe ꞌuhintꞌoh.