Luke 13:24 - Yak'usda Ooghuni

²⁴ “Hoondat-un datí-un hukwa daóohtni. ꞋEt nohdusni lhane ꞌet datí-un dahátidulh hukwaꞌ huntizilh, ꞌet hoontsꞌi ꞌaw ꞌuhooneh ꞌaitꞌoh.

Luke 13:24 Iomraidhean Croise

Matthew 11:12

ꞋEt ꞌoh daꞌ John dune too ꞌulhꞌen-un be wheꞌ whuditꞌen, ꞌandit dzin whutsꞌun, yakꞌuz kꞌúneꞌ whulꞌen-un, ꞌet yakꞌuz huhoolhdil, ꞌinkꞌez huhoolhdilne, yakꞌuz daꞌ hudolhdis hukwaꞌ hutꞌen.

Luke 13:23

ꞋEt ꞌilhoghun ꞌuyulhni, “Nemoodihti oolune za eh hudutijih?” ꞋEt Jesus ꞌubulhni,

Luke 21:36

ꞋEt huwa ꞌahoolhyiz hukwa tse hóhleꞌ ꞌinkꞌez ꞌahoolhyiz tenadoodli ntsꞌoh daóotanelh-un nohyit ꞌuwhutánelh-un huba soo ꞌúlhdzooꞌ ꞌinkꞌez Yinka Dune Yeꞌ ꞌen oobut tihyin.”

John 13:33

Suzkehke ꞌaw saꞌ iloh nohbulh ꞌutistꞌelh. Skuntihtalh ꞌet hoontsꞌi Lizwifne ꞌubudásniꞌ, whuz unꞌa nohni cha nohdúsni, ntsꞌe la tisyalh tsꞌe ꞌaw nohni cha sulh tóohdilh ꞌaítꞌoh.

John 5:4

Soo nenaóodudzuk leꞌ whutꞌih totsuk la, lizas ndus de ha dúdoh ꞌinkꞌez tadizꞌaí-un, ꞌet too nunáhuyilnaih. Mbe la soo ꞌudechoo toot tayaih-un, ntsꞌoh dantꞌi-i dada be nduda, ꞌet hoontsꞌi soo naꞌutꞌih.

John 6:27

Ndi tꞌalh-i gak nadleh whe ꞌuntꞌoh, ꞌaw ꞌi iloh ookunáhta, kꞌus ndi ꞌutꞌalh-i dune ꞌilhiz ooleꞌ huye khúna-i, ꞌi ookunáhta. Yinka Dune Yeꞌ, ꞌi nohghá yoꞌalh, ooBá Yakꞌusda ꞌen yugha óoninꞌai, ꞌen ooYeꞌ ꞌuntꞌoh ꞌet huwa.”

John 7:34

Nohni skunoohtaꞌ la ꞌet hoontsꞌi ꞌaw nasólhtelh ꞌaítꞌoh, ntsꞌe la ꞌustꞌoh tsꞌe ꞌaw nohni whuz toohyaꞌ ꞌaítꞌoh.”

John 8:21

ꞋEt Jesus doo cha ubúlhni, “Nohghu tisyalh. Ska itóhꞌen la ꞌet hoontsꞌi nohlubeshi bulh la yaóohdlah, ꞌet huwa ntsꞌe la tisyalh tsꞌe nohni cha ꞌaw whuz toohdilh ꞌaítꞌoh.”

Romans 10:3

Tsꞌihꞌun unꞌa Yakꞌusda kꞌúneꞌ hutitꞌen-un ꞌet ꞌaw tꞌéhonúszun. ꞋEt ntsꞌenꞌa la dichꞌoh ꞌuhuhóonla whuz unꞌa tsꞌihꞌun unꞌa ꞌuhintꞌoh naꞌhududilꞌi. ꞋInkꞌez ndet la Yakꞌusda butsꞌu húkwaꞌ ninzun-un ꞌaw hukwꞌunꞌa lheꞌhínel.

Colossians 1:29

ꞋEt huba soo hoolhtus whe ꞌustꞌen. Ntsꞌenꞌa ye ulhtus-i, ꞌi ye sílhtus whe ꞌustꞌen, ꞌet ꞌuwhultus whe ꞌustꞌen.

Hebrews 4:11

ꞋEt huwa Yakꞌusda ooduneꞌne nahulyis-un, nedzi ndulcho ꞌi be whuz unꞌa tsꞌuhólhchoot. ꞋEt ꞌaw ndúlhtsꞌustꞌen de, ꞌet de ndunne ꞌukꞌu nulheꞌustꞌenne whuz unꞌa wheni cha ꞌenne bukꞌunꞌa za nintaꞌtsꞌotaꞌalh wheꞌ hoontꞌoh.

2 Peter 1:10

ꞋInka sulhutsinke nohdzi ndulcho-i be ꞌinkꞌez ꞌon ꞌun cha, ꞌet ntsꞌenꞌa la dutihjih ha nohkaꞌ daniꞌ, ꞌinkꞌez ꞌutahalyane ꞌahli soo tsꞌihꞌun unꞌa njan ꞌet whunaoodoolhnoh junih. ꞋEt ndi tsꞌiyawh ꞌi be whuz unꞌa ndahtꞌen de, ꞌet de ꞌaw ntoohghalh ꞌaitꞌoh.