Luke 13:19 - Yak'usda Ooghuni

¹⁹ Njan nduhoontꞌoh, ndi mai nintꞌum-i mustard huyulhni, ꞌi kꞌunꞌa ꞌuntꞌoh. ꞋI dune yunílhchoot ꞌinkꞌez ha níyeh kꞌet ꞌainanꞌai ꞌinkꞌez ha nányai. ꞋInkꞌez duchun dincha suliꞌ. ꞋInkꞌez dutꞌaiyaz oozooschum kꞌut tꞌo nenínla.”

Luke 13:19 Iomraidhean Croise

Matthew 17:20

ꞋEt Jesus ꞌúbulhni, “Nohba ꞌalha lheꞌhootꞌoh ꞌet huwa ꞌaw oohleh ꞌaitꞌoh. ꞋAlha nohdusni ꞌanukat-i lheꞌniltsool-i, ꞌi mustard huyulhni, ꞌi kꞌunꞌa be nohba ꞌalha ꞌuhoontꞌoh de, ꞌet ꞌulcho de, dzulh njan whutsꞌun, nguz nailtsꞌut dahni de, ꞌaho ndutínelh. ꞋEt whuz unꞌa tsꞌiyaitsuk whuz unꞌa ꞌudahni de, ꞌet ndutítꞌelh.

Mark 4:30

ꞋEt Jesus ꞌutni, “Daja uzdutinelh whe Yakꞌusda ookꞌúneꞌ whutꞌen-un, hukwꞌu nutsꞌúhulhyeꞌ whe hígha hódoolꞌeh ꞌi ookꞌú natsꞌotilnuk?

Luke 17:6

ꞋEt neMoodihti ꞌubulhni, “ꞋUkꞌenus ha níyeh maiꞌ nintsool-i, mustard huyulhni, ꞌet nohba ꞌalha ꞌuhoontꞌoh-un, ꞌet ꞌuwhulcho de, duchun ha níyeh-i, mulberry huyulhni, ꞌet oodulhkut, ‘Ndi duchun ooghih tubulh ha ílhchꞌoolh ꞌinkꞌez bun cho kꞌut ꞌet ꞌana nꞌaih.’ ꞋEt nohkꞌoh tsꞌe ooneh.

Acts 2:41

Lhane huhóontꞌiꞌ whe highuni huyílhchoot ꞌinkꞌez too beꞌ hulya. 3,000ne atꞌenne, ꞌenne butsꞌúnne hudindil.

Acts 21:20

ꞋEt hidántsꞌo whe tsꞌiyawh Yakꞌusda ba hodálhtiꞌ ꞌinkꞌez Paul ꞌuhuyúlhni, “Neulhutsin whunilhꞌen dáhoontꞌoh tube lhane Lizwifne ooba ꞌalha ꞌuhoontꞌoh suliꞌne hoonli ꞌinkꞌez tsꞌiyawh Moses ooghuni ꞌukꞌu nusguz-i soo cho hikꞌúneꞌ ꞌutꞌen.

Acts 4:4

ꞋEt hoontsꞌi lhane ubudántsꞌone Jesus dazsai ꞌinkꞌez dunadija-un buba ꞌalha ꞌuhoontꞌoh suliꞌ. ꞋEt ꞌawet ꞌalhgoh buba ꞌálhaꞌ hoontꞌohne 5,000ne atꞌenne huzdliꞌ.

Romans 15:19

Ndoni ye ulhtus-i, ꞌi be hoolhtus ꞌinkꞌez huwa ꞌítꞌen te cha neꞌzustꞌen, ꞌet Jerusalem Ilyricum keyoh dúwhulyiz tsꞌe tsꞌiyanne ꞌet Christ ooghuni unzoo-i tsꞌiyawh budásniꞌ.

Revelation 11:15

ꞋEt ꞌawet whúlh lhtakꞌantꞌit-un lizas be tsꞌújih-i be ꞌudíja. ꞋEt yakꞌuz tsꞌe lhane tube njan duhutni, “Ndi yun kꞌut lerwene bukeyoh neMoodihti ꞌinkꞌez ooChrist, buchꞌeꞌ whuzdliꞌ. ꞋInkꞌez ꞌilhiz ꞌinkꞌez ꞌilhiz wheni lerwe tileh.”