Luke 13:16 - Yak'usda Ooghuni

¹⁶ Ndun tsꞌeke ꞌilhoghun Abraham ootsꞌu haínzut-un ꞌinkꞌez Satan whunizyat ꞌon ꞌat lhkꞌu dit yus kꞌut whe yulhghel. Soo cho howu nuni nahzut! ꞌalhaꞌ lawk natsꞌulyis dzin ꞌet ꞌaw kꞌunaootꞌuk ꞌaitꞌoh wheꞌ dahni?”

Luke 13:16 Iomraidhean Croise

Matthew 4:10

ꞋInkꞌez Jesus yulhni, “Satan naindalh! ꞋUkꞌehooguz whe njan ndutni, ‘Moodihti nYakꞌusda, ꞌen za Oobut negwutsi be netsꞌiyaih, ꞌinkꞌez Ootsꞌu téniꞌ uznilhdzun, ꞌinkꞌez ꞌen za Ooba néꞌtsꞌutꞌen.’”

Mark 2:27

ꞋEt Jesus ubúlhni, “Nahulyis dzin dune whe sooꞌ hootꞌeꞌ ha ꞌoohoolya, ꞌinkꞌez dune, ꞌaw nahulyis dzin huba lheꞌhílnel.

Luke 16:24

ꞋEt ꞌultus-un yutsꞌu huyih ꞌinkꞌez ꞌuyulhni, ‘ꞋUbá, Abraham, sgha teꞌninzeh! Lazarus ꞌen stsꞌilhꞌalh! Dzoh tsulyaz dulasga be toot nudoolga ꞌinkꞌez ꞌi be stsoola kꞌut nawhunoolhtsul! Ndi kwun be dzoh nuszut!’ yulhni.

Luke 19:9

ꞋEt Jesus ꞌuyulhni, “ꞋAndit dzin dune ye dujis-i whe njan yoh dilhtsꞌine bugha íyultsꞌut. Ndun ꞌen cha Abraham tsꞌu hainzut whe ꞌuntꞌoh ꞌet huwa.

Luke 3:8

ꞋEt huwa nohlubeshi chꞌa noheni náhandunoohleh de, ndahtꞌen-un tsꞌiyanne tꞌehonózin ndahtꞌoh la. ꞋInkꞌez khun njan ndunadudoohtniꞌ junih wheni Abraham ootsꞌu haindene ꞌutsꞌintꞌoh. ꞋAlhaꞌ tsꞌihꞌun unꞌa nohdusni, Yakꞌusda soo ꞌultus whe ꞌuntꞌoh, ndi tse ꞌi hoontsꞌi ꞌi Abraham ootsꞌu haindene yutilhtselh.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

Acts 13:26

ꞋEt Paul ꞌon ꞌun ubúlhni, “Sulhutsinke, Abraham ekédinzutne, ꞌinkꞌez ꞌudun yun kꞌut whutꞌenne, mbene la Yakꞌusda tsꞌun tenadudline, nohni tsꞌiyawh, wheni cha, ndi khuni ꞌi netilhyis wheni netsꞌó tlꞌa diltsꞌut.

2 Timothy 2:26

ꞋInkꞌez ꞌet la bubeni bugha nádoltsꞌit, ꞌinkꞌez netsudule hubilhchoot inleꞌ hikꞌuneꞌ ootꞌen ha, ꞌet la ntsꞌoh whe tankꞌus hunintꞌi-un whuchꞌa nahoojaꞌ. ꞋEt ꞌudekꞌez dzin whenghoh de, tube howa whútilnaꞌ.