Luke 13:15 - Yak'usda Ooghuni

¹⁵ ꞋEt neMoodihti ꞌuyulhni, “Dune nalh duba naꞌudzooꞌ-un ꞌintꞌoh! ꞌalhaꞌ lawk ilohghun ꞌahli whe natsꞌulyis dzin nohmusdoos dune kꞌus nohmuyool te musdoos bayoh ꞌadultsiꞌ-un, kꞌunawhꞌuk ꞌinkꞌez too kꞌez toolhdlooh ꞌaitꞌoh?

Luke 13:15 Iomraidhean Croise

Matthew 15:14

Butsꞌá ha lhozahꞌai! Moodih hoos̱ꞌenne leꞌ hintꞌoh. ꞋEt ndiz unꞌa njan duhoontꞌoh, ꞌilhoghun hoos̱ꞌen-un ꞌinkꞌez ꞌilhoghun hoos̱ꞌen-un ghunli de, nahúltꞌoh tsa kꞌet ꞌá hatiltsꞌulh.”

Matthew 15:7

Duba naꞌudzooꞌne ꞌahli! Nus hooꞌen Isaiah, ꞌen ꞌudaꞌ honꞌen ꞌinkꞌez tsꞌihꞌun unꞌa ꞌutni nohni nohghun. Njan ndutni,

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 23:28

Dune nalh nohyustꞌe yoo ꞌaz tsꞌe tsꞌihꞌun dune unline dóhtꞌen. ꞋEt hoontsꞌi nohyo tsꞌe tsꞌihꞌun lheꞌahtꞌoh. Duba naꞌudzooꞌ ꞌinkꞌez ꞌukꞌú nulheꞌustꞌen-i cha, be whudizbun.

Matthew 7:5

Duba naꞌindzooꞌ! ꞋUdechoo lhelcho-i nyuna kꞌéltsꞌut-i, ꞌi cho nyuna kꞌéhanainꞌaih. ꞋEt de la soo whunilhꞌen whe oona kꞌéltsꞌut-i oona kꞌehanáyonꞌalh.

Luke 12:1

ꞋOh daꞌ whe lhane dune ꞌilhuhozdil. Huldlai kꞌet lhkꞌunuhúdilh chaꞌ hutꞌen. Mbene la yugha hodulꞌehne, ꞌenne cho ndubulhni, “Phariseene bules be untuldoh-i, ꞌi chꞌa soo cho howahli. ꞋI dune nalh ye dúba naꞌudzooꞌ-i, ꞌi ꞌuntꞌoh.

Luke 14:5

ꞋEt ꞌubulhni, “Mbe nohtoh muyool ꞌutꞌi-un kꞌus oomusdoos dune tsa kꞌet ꞌaltsꞌut de, ꞌaw natsꞌulyis dzin huwa eh ꞌaho ꞌaw ha nálhuhitilhtelh nahzun eh?”

Luke 6:42

Ntsꞌenꞌa nyulhutsin ꞌudutanelh, ‘Sulhutsin nyo tsunyaz nyuna kꞌet ha náoosalh.’ Nyunchꞌoh duchun cho nyuna kꞌet diztan-i ꞌaw lhuzanꞌen. Nyunchꞌoh duba naꞌindzooꞌ! ꞋUdechoo duchun cho nyuna kꞌehanadintih. ꞋEt de la soo hónꞌen whe nyulhutsin oona kꞌet yuzꞌai ꞌi oona kꞌéhanaiyonꞌalh.”

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Luke 7:19

ꞋInkꞌez nane ꞌanih ꞌubulhni ꞌinkꞌez Jesus tsꞌun whe balhꞌaꞌ huyoodutalhkut ha, “Nyun eh whusatíyalh-un inli, kꞌus ꞌuyoon tilah ka tsꞌitóꞌen?”