Luke 13:13 - Yak'usda Ooghuni

¹³ ꞋEt yukꞌedilni ꞌinkꞌez ꞌaho tsꞌeke lhtsꞌe nadiski ꞌinkꞌez Yakꞌusda dálhtiꞌ.

Luke 13:13 Iomraidhean Croise

Matthew 9:8

ꞋIlhunaoodúlhne tsꞌiyawh buba hooncha ꞌinkꞌez Yakꞌusda hudálhtiꞌ, lheꞌultus dunne butlꞌa honꞌai ꞌet huwa.

Mark 16:18

Nahunitꞌa whe tlꞌughus ntsiꞌ-i hílhchoot, kꞌus lubezo whe hítnaiꞌ de, ꞌet hoontsꞌi ꞌaw dalhótisnel. ꞋInkꞌez undudáne butsi kꞌehudilnih, ꞌenne cha soo náꞌhutitnelh.”

Mark 5:23

ꞋInkꞌez soo cho yutsꞌu tédudlih, “Ustseꞌyaz ꞌawet datítsah, sulh naíntꞌus ꞌinkꞌez ookꞌu dólni sih soo náꞌootne ꞌinkꞌez khoonaꞌ sih.”

Mark 6:5

ꞋEt huwa nyo ꞌet Jesus ꞌaw huwa ꞌítꞌen te neꞌóotꞌen ꞌaítꞌoh, whulohne ndudáne, ꞌenne za bukꞌudílhni whe soo náꞌbalhꞌen.

Mark 8:25

Jesus doo cha za lhchꞌaz dune yuna kꞌúdalni ꞌinkꞌez ndo yutanꞌen yulhtsꞌi. ꞋEt ꞌahoh hooꞌen nasdliꞌ ꞌinkꞌez tsꞌiyaitsuk ooba hooltsai.

Luke 13:12

Jesus yunilhꞌen whe yuka huyih ꞌinkꞌez ꞌanih yulhni, ꞌinkꞌez ꞌuyulhni, “Tsꞌeke huwun dinda-un ꞌawet ntsꞌu hanahooltsꞌut.”

Luke 18:43

ꞋEt ꞌaho hooꞌen sulih, ꞌinkꞌez Jesus yuntizya ꞌinkꞌez Yakꞌusda dilhtiꞌ. ꞋEt tsꞌiyanne whunalhꞌenne cha tsꞌiyawh Yakꞌusda hudálhtiꞌ.

Luke 4:40

ꞋAwet sa yo táꞌaih whe mbene ookꞌekene lhelhdowh didowh-i dada be ndudane tsꞌiyawh Jesus highu bonínla. ꞋInkꞌez tsꞌiyawh bukꞌudálni ꞌinkꞌez whuz unꞌa soo náꞌbinla.

Acts 9:17

ꞋInka Ananias whuz whenya ꞌinkꞌez yoh danínya whe Saul yekꞌédilni ꞌinkꞌez ndutni, “Saul, sulhutsin neMoodihti sutílhꞌaꞌ, Jesus dichꞌoh, ndiz ínyalh whe ti nye nghun be hóodiltsai-un, ꞌen sutílhꞌaꞌ honꞌen naoondleꞌ ꞌinkꞌez Ndoni nyudóoltsꞌit ha.”