Luke 13:11 - Yak'usda Ooghuni

¹¹ ꞋEt ꞌilhoghun tsꞌeke whunizyat ꞌon ꞌat lhkꞌu dit yus kꞌut ꞌet la ntsiꞌ-i nududeh-i tetsun yulhtsi whe yudinda. ꞋEt huwa chanuti ꞌinkꞌez ꞌaw do naꞌootneh ꞌaitꞌoh.

Luke 13:11 Iomraidhean Croise

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Mark 9:21

ꞋEt Jesus oobá yoodulhkut, “Dáwhuldzoh ndun tsꞌoodun ꞌet duntꞌoh?” yúlhni. “Ntsool daꞌ whutsꞌun,” ní oobá.

Luke 13:12

Jesus yunilhꞌen whe yuka huyih ꞌinkꞌez ꞌanih yulhni, ꞌinkꞌez ꞌuyulhni, “Tsꞌeke huwun dinda-un ꞌawet ntsꞌu hanahooltsꞌut.”

Luke 13:16

Ndun tsꞌeke ꞌilhoghun Abraham ootsꞌu haínzut-un ꞌinkꞌez Satan whunizyat ꞌon ꞌat lhkꞌu dit yus kꞌut whe yulhghel. Soo cho howu nuni nahzut! ꞌalhaꞌ lawk natsꞌulyis dzin ꞌet ꞌaw kꞌunaootꞌuk ꞌaitꞌoh wheꞌ dahni?”

Luke 21:28

ꞋEt njan nduwhewhúnitꞌen de, ndo yutohꞌen ꞌinkꞌez whunólhni. Nohnahootalhkulh-un ꞌawet nilhdukw suliꞌ.”

Luke 8:2

ꞋInkꞌez tsꞌekoo cha huyulh ꞌutꞌen whe ntsiꞌ-i nududeh-i buyudultsi ꞌinkꞌez hunduda, tsꞌiyawh soo naꞌbinla. Mary Magdala whutꞌen-un cha ꞌutꞌen. ꞋEn ꞌuntꞌoh lhtakꞌantꞌi ntsiꞌ-i nududeh-i ꞌen ooyáha naidide.

Luke 8:27

ꞋEt de hainya ꞌaho dune ꞌet keyoh whutꞌen-un yududizya. ꞋEn saꞌ whutsꞌun ntsiꞌ-i nududeh-i lhai ooyudúltsꞌi. ꞋEn tsan yit nuya, ꞌinkꞌez ꞌaw yoh lhidoh, ꞌinkꞌez tsꞌun kꞌut whutꞌi.

Luke 8:43

ꞋEt ꞌilhoghun tsꞌeke tube dzoh nuzut whunizyat ꞌon ꞌat nat yus kꞌut ꞌuskaiꞌ ꞌuyulhꞌen-un, yoo be dúyunne lhane cha hukwaꞌ huyalhꞌen. ꞋEt hukwꞌuz duzooneya tsꞌiyawh gak yulhtsi, ꞌet hoontsꞌi nus za lheꞌínelh.

Acts 3:2

Hukwuti hoonzoo huwhútni-un, ꞌet la dune yinka usda ndulyiz whe nulhúsyoh-un usda. Dzin totsuk whuz huyookaih. Mbene la Lizwif bulugliz whucho tsꞌe túdilhne sooniya ha butsꞌu dátso.

Acts 4:22

Ndun dune huwa ꞌítꞌen kꞌunꞌa soo náꞌhuyinla-un, ꞌen dit whunizyat ꞌon ꞌun be yus kꞌut whe ꞌuntꞌoh.