Luke 12:9 - Yak'usda Ooghuni

⁹ ꞋEt hoontsꞌi mbe dune nalh stsꞌooditdlaine, Yakꞌusda oolizas bunalh butsꞌoodutásdlai.

Luke 12:9 Iomraidhean Croise

Matthew 10:33

ꞋEt hoontsꞌi mbene la dune nalh stsꞌooditdlaine, si cha ꞌuBá yakꞌuz usda-un ndunne, ꞌenne ꞌaw schꞌeꞌ lhuhiloh dósniꞌ la.”

Matthew 25:12

ꞋEt ndúbulhni, ‘ꞋAlhaꞌ ꞌaw tꞌenohnuzúszun!’

Matthew 25:31

“ꞋEt Yinka Dune Yeꞌ nkede ootsꞌu haꞌ ꞌánduz whe whusanátidalh, lizas lubeshi ooghu hoolohne, tsꞌiyawh huyulh whusanátidulh. ꞋOh de de, ookwꞌutsꞌuzda cho diztiꞌ-i, ꞌi kꞌut nanátlꞌa dutidalh.

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Matthew 7:23

Nduntꞌohne dune tsꞌiyawh budutásnelh, ‘ꞋAw tꞌenohnuzúszun. Schꞌa nasahdilh! Nohni ꞌaw ꞌukꞌu nulheꞌustꞌenne ꞌahtꞌoh!’”

Mark 8:38

ꞋAndit yukꞌedinzutne lubeshi ꞌuhutꞌen ꞌinkꞌez dune tsꞌeke bulh nintaꞌhutꞌih hinli, ꞌet hoontsꞌi mbe la si ꞌinkꞌez sughuni cha yukaya unli de, Yinka Dune Yeꞌ, ꞌen cha yukaya tileh, lizas bulh ooBá ootsꞌu ha yánduz-i toh whusanája de.”

Luke 15:10

Whuz unꞌa za nohdusni, ꞌilhoghun dudeni nahundunizꞌai de, Yakꞌusda oolizasne tsꞌiyawh howun tálhni.”

Luke 22:57

ꞋEt hoontsꞌi yutsꞌoo dildlai ꞌinkꞌez ꞌuyulhni, “Tsꞌeke, ndun dune ꞌaw tꞌenuzuszun.”

Luke 9:26

ꞋEt mbene la dune si cha ꞌinkꞌez sghuni cha yukayá unli-un, ꞌet de Yinka Dune Yeꞌ, ntsꞌo de dichꞌoh ye diztiꞌ-i cha, ooBá ye diztiꞌ-i cha, ꞌinkꞌez Yakꞌusda oolizas hiye diztiꞌ-i cha, whuz unꞌa whusanaja de, ꞌoh de bukayátileh.

2 Timothy 2:12

Ntsꞌoh dawhutꞌen hoontsꞌi whulh tsꞌúzyin de, ꞌet de ꞌen bulh lerwe ꞌuztileh. Oochꞌaz natsꞌulhꞌa de, didut cha nechꞌaz nátilꞌa.

1 John 2:23

Mbe la neBá ooYeꞌ tsꞌoodidlai-un, neBá cha lhiyítꞌih whe ꞌuntꞌoh. Mbe neBá ooYeꞌ ooba ꞌalhaꞌ yintꞌoh de, ooBá cha yutꞌi whe ꞌuntꞌoh.

1 John 2:28

Suzkehkeyaz ndun ꞌen za bulh óohtꞌeꞌ. ꞋEt whe la nohnalhtsꞌet hainya de, ꞌinkꞌez whusanája de, nedzi ulhtus unli ꞌinkꞌez ꞌaw hoonli hukwaya lhtsꞌiloh whe la oobut núzdolyaꞌ.

Revelation 3:8

Nohꞌeꞌutꞌen tꞌenuszun. Whunulhꞌen dati ꞌudun ꞌudiztan-un nohbut neóonusꞌai. ꞋInkꞌez ꞌaw dune dánaꞌ dotan ꞌaitꞌoh. Be ulhtus-i ntsool-iyaz ahtꞌi, sghuni cha oohtun, ꞌinkꞌez sooziꞌ ꞌaw ootsꞌu lhoodáhdlai ꞌet huwa.