Luke 12:57 - Yak'usda Ooghuni

⁵⁷ ꞋInkꞌez nohnichꞌoh dahoontꞌoh huwa ntsꞌenꞌa tsꞌihꞌun unꞌa ꞌuhoontꞌoh-un, ꞌaw tꞌeoonuzáhzun?

Luke 12:57 Iomraidhean Croise

Matthew 21:21

ꞋEt Jesus ndúbulhni, “ꞋAlhaꞌ nohdusi, bé ꞌalha ꞌuhoontꞌoh-i ahtꞌi de, ꞌinkꞌez ꞌaw nohba nawh lheꞌwhutástꞌel whe mai chun cha ꞌá dizgi, nohni cha whuz unꞌa za ꞌet ndutihnelh. ꞋInkꞌez ꞌaw ꞌet za iloh, njan shus ꞌi laꞌ dóhni, ‘Dudilhtsꞌit ꞌinkꞌez bunghun whucho tsꞌe tailhtsꞌit,’ dahni de, ꞌet whuz unꞌa nduwhútanelh.

Matthew 21:32

ꞋEt be tsꞌihꞌun unꞌa ꞌuhoontꞌoh-i, ꞌi be John dune too be ꞌulhꞌen-un nohtsꞌó whusainya, ꞌinkꞌez ꞌaw nohba ꞌalha lheꞌhootꞌoh. ꞋEt hoontsꞌi sooniya nalhdzoohne ꞌinkꞌez tsꞌekoo ꞌulꞌenne, tsꞌiyawh buba ꞌalha ꞌuhoontꞌoh ꞌet huwa. ꞋEt nohni whunulhꞌen ꞌet hoontsꞌi ꞌaw noheni kꞌoh nálheꞌuhlel. Whuz unꞌa za nohba ꞌalha lheꞌhootꞌoh.”

Luke 21:30

Bindai ha whenilhꞌaz ꞌi gha la tꞌeoonohzin danghun ꞌawet nilhdukw wheꞌ hoontꞌoh.

John 7:24

ꞋAw whunulhꞌen-un ꞌet huwa iloh dune ba nahahyeh, tsꞌihꞌun unꞌa ꞌuhoontꞌoh hukwꞌunꞌa za dune ba nahoohyeh,” ubúlhni.

Acts 2:40

ꞋEt Peter saꞌ whe bubulh yálhduk ꞌinkꞌez buba nus whúnilhtꞌi ꞌinkꞌez ubúlhni, “ꞋUdudúlhyis! Ndunne ntsiꞌne buchꞌaz nálhꞌah, ꞌinkꞌez bubulh ꞌahtꞌen iloh, Yakꞌusda dzoh nubutilhdeh wheꞌ hoontꞌoh.”

1 Corinthians 11:13

Nohnichꞌoh tsꞌihꞌun unꞌa whe duba nahutihdeh. ꞋEt tsꞌekoo tenahududli de ꞌaw dutsi kꞌulhehilhbal de, ꞌet nohba tsꞌihꞌun ꞌuhoontꞌoh eh? ꞋEt nohba dahoontꞌoh?

1 Corinthians 11:14

Njan ndet za whutsꞌodilꞌeꞌ ndi yun kꞌut? Soo cho whunulhꞌen, dune ootsighaꞌ dinyiz de, ꞌet ooba hukwaya hoonli wheꞌ hoontꞌoh.