Luke 12:5 - Yak'usda Ooghuni

⁵ ꞋEt hoontsꞌi mbe la be ntilhjut-un, ꞌen bunóhuntistun. Mbe la nohyustꞌe silhghi-un, ꞌet hukwꞌelhꞌaz, ꞌen oobaꞌ hoontꞌoh whe kwuncho yo tsꞌe cha nohtinoh, ꞌen za be noolhjoot! ꞋAlhaꞌ nohdusni, ꞌen be noolhjut!

Luke 12:5 Iomraidhean Croise

Matthew 10:28

Neyustꞌe ughanne bube noolhjut junih. ꞋAw nezul ꞌi hizoolhghelh ꞌaitꞌoh, ꞌet nduntꞌohne, bube noolhjut junih. ꞋEt hoontsꞌi Yakꞌusda nohzul nohyustꞌe bulh kwuncho yo tsꞌe nohtinoh, ꞌen bé noolhjut.

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Matthew 25:46

ꞋEt nduntꞌohne, ꞌilhiz wheni dzoh nuhutideh tsꞌe hutidulh. ꞋEt hoontsꞌi tsꞌihꞌun ꞌuntꞌohne, ꞌilhiz whe tsꞌukhuna-un bugha óotakulh.”

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Mark 13:23

ꞋAhoolhyiz hóohli! Tsꞌiyantsuk whutsodaꞌ nohdásniꞌ.”

1 Thessalonians 4:6

Khun te neulhutsin unline neghá whunistꞌen whe buꞌat bulh nintaꞌtsꞌootꞌen junih. ꞋEt whuz unꞌa za whutsodaꞌ nohdasniꞌ. ꞋInkꞌez doo cha za nohdusni, neMoodihti ꞌen za ndóohoontꞌoh-un huwun kꞌútneh-un ꞌuntꞌoh.

Hebrews 10:31

Yakꞌusda khuna-un, oola kꞌetsꞌultsꞌuk te, whe whunujut whe ꞌuhoontꞌoh.

2 Peter 2:4

ꞋOh daꞌ whuz unꞌa za njan dúhooja, nyoonne lizasne lubeshi inlane, ꞌenne Yakꞌusda ꞌaw buba whula lhdítnel. ꞋEt huwa tsa kꞌet whutlꞌah hooloh-un, Tartarus tsꞌutni, whuz tsꞌe whébalhdil. ꞋInkꞌez whuz tsꞌe tsalhgus yo buba nahutiyeh whutsꞌun lhuztih tlꞌool be whénubudizguz.

Revelation 14:7

ꞋUltus whe ndutni, “Yakꞌusda bé nulhjut ꞌinkꞌez dúlhtiꞌ. Dune ba nahutiyeh-un ꞌawet ꞌoh whuya háꞌ hunitꞌo ꞌet huwa. Yakꞌuz ꞌinkꞌez yun kꞌut, yatoo ꞌinkꞌez yun tsꞌu hainli-un cha, tsꞌiyawh ꞌuhoonla, ꞌet huwa ootsꞌun teniꞌ nulhdzun.”

Revelation 15:4

O neMoodihti mbe nye lhúntilhjut ꞌinkꞌez nyooziꞌ lhedutálhtiꞌ? ꞌalhaꞌ ꞌi be nyunchꞌoh za lubeshi ooghu hooloh-un inli. ꞋUdun keyoh whutꞌenne tsꞌiyawh whusahátidulh ꞌinkꞌez mbut ntsꞌun teniꞌ huntilhdzun. Dune ba nahinyeh-un ꞌawet hooltsai ꞌet huwa.”

Revelation 20:14

ꞋEt be yátsꞌadlah-i ꞌinkꞌez Hades bulh njan sulphur be dizkꞌun-un bunghun ndúwhulcho-un tsú bodalhdil. Njan ꞌet whulh nat yatsꞌitádlah-un ꞌuhoontꞌoh.