Luke 12:48 - Yak'usda Ooghuni

⁴⁸ ꞋEt hoontsꞌi mbe tꞌeoonúszun dumoodih ndet la yutsꞌu hukwaꞌ ninzun-un, ꞌinkꞌez dude ꞌutꞌen kꞌoh huwa ootaltsus huba, dzoh tsulyaz za ootaltsus. ꞋEt mbe la dune lhai oogha ntꞌai-un, ꞌen lhat-un yutsꞌu hukwaꞌ ntizilh. ꞋInkꞌez mbe la lhat-un ootlꞌa hoolya, ꞌon nus lhat-un yutsꞌu hukwaꞌ untizilh.”

Luke 12:48 Iomraidhean Croise

Matthew 13:12

Mbe la eꞌutiꞌ-un, ꞌon nus lhat oogha whútiltsꞌulh. ꞋInkꞌez mbe hoonli lhitiꞌ-un, ꞌi hoontsꞌi bughu nayitálchulh.

Matthew 23:14

Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Tsandilhne buyoh bugha ha oondunahtꞌah. Tenadudli ꞌi be whuz unꞌa za ꞌonilha saꞌ cho tenadahdli. ꞋEt huwa ꞌon nus ꞌuwhulcho whe nohba nahutideh.

Luke 12:41

ꞋInkꞌez ꞌet Peter ꞌuyulhni, “NeMoodihti, ndi khuni oogha whutsꞌodulꞌeh-i be yailhduk, ꞌi wheni za tilah kꞌus tsꞌiyanne ba tilah ꞌudini?”

Luke 12:49

“Ndi yun kwun ookwꞌítasꞌalh ha whusasya. ꞋUdaꞌ ncha duzkꞌan.

Luke 16:2

ꞋInka ꞌanih yudaniꞌ ꞌinkꞌez ꞌuyulhni, ‘Daja hutni wheꞌ hutni njan nyulh udustsꞌo? Ntsꞌenꞌa syoh whumoodih inli-un tsꞌiyawh sba ꞌukꞌehóonges. Syoh whumoodih inli-un ꞌetsul ꞌinja ꞌet huwa!’

John 15:22

ꞋAw si whusálhusyal ꞌinkꞌez bubulh yálhusdih de, lubeshi ꞌulhꞌenne hinli ꞌaw tꞌéhonózin ꞌaítꞌoh. ꞋEt ꞌandit whutsꞌun dulubeshi ꞌaw whé nuhínoolhꞌiꞌ-un hooloh.

Acts 17:30

ꞋEt ꞌoh daꞌ dune tꞌehonúszun huwa Yakꞌusda dzoh nulhúbilhdzulh, ꞌet hoontsꞌi ꞌawet ꞌandit Yakꞌusda tsꞌiyanne dune ndulcho dudeni nahondunooleh ꞌubulhni.

1 Timothy 1:11

Ndi khuni unzoo-i ꞌukꞌenus diztiꞌ, ꞌinkꞌez Yakꞌusda za unzoo-un, ꞌen ghun za ꞌuntꞌoh. ꞋEt stꞌa ninintan whe stlꞌa idanꞌai.

1 Timothy 1:13

Niz de ha oodanzut Yakꞌusda chꞌaz dasni ꞌinkꞌez ooba ꞌalha ꞌuhoontꞌohne, dzoh nubuzusde. Tsꞌiyanne ba dzoh ꞌudusni inleꞌ. ꞋEt hoontsꞌi ꞌaw tꞌeoonuzuszun-un, sba ꞌalhaꞌ lheꞌhootꞌoh ꞌet huwa ꞌistꞌen, ꞌet hoontsꞌi sgha teꞌduninzin.

1 Timothy 6:20

Syeꞌ Timothy ndi khuni ntlꞌa disꞌa-i, ꞌi soo cho ookꞌuneꞌ tantꞌen, ꞌet wheni ꞌusdla. ꞋAntsꞌi ꞌoh neyalhdukne ꞌinkꞌez Yakꞌusda chꞌaz yalhdukne, khun buzih nonyaꞌ junih. Ndunne whuz unꞌa yalhdukne, tꞌehoninzun huninzun hoontsꞌi, ꞌenne nechꞌaz ditnine hinli.

Titus 1:3

ꞋEt ꞌawet ntsꞌoya whudizulh Yakꞌusda hukwaꞌ ninzun-un, ꞌet whusahooltsꞌut. ꞋInkꞌez ndi Yakꞌusda be ba yaduk-i, ꞌi yubunilhtan. ꞋEt Yakꞌusda, neulhyis-un, ndi khuni ꞌi stlꞌa ídanꞌai.

James 3:1

Sulhutsinke nohtoh khun te stalhane dune hodulhꞌehne oohleꞌ hukwaꞌoohtꞌen junih. Wheni dunne hodulhꞌehne, ꞌon nus hooncha whe neba nahutideh ꞌet huwa.