Luke 12:41 - Yak'usda Ooghuni

⁴¹ ꞋInkꞌez ꞌet Peter ꞌuyulhni, “NeMoodihti, ndi khuni oogha whutsꞌodulꞌeh-i be yailhduk, ꞌi wheni za tilah kꞌus tsꞌiyanne ba tilah ꞌudini?”

Luke 12:41 Iomraidhean Croise

Mark 13:37

ꞋInkꞌez daja nohdúsni-un, ꞌet tsꞌiyanne cha budúsni, huwahli!”

Mark 14:37

ꞋEt nyoonne yugha hodulꞌehne nahunistez whe bughu nanja ꞌinkꞌez Peter ꞌulhni, “Simon nanínti whe ꞌintꞌoh. ꞋAw eh ꞌatsulyaz honih ꞌaitꞌoh?”

Luke 12:47

ꞋInkꞌez mbe ꞌulhna-un oomoodih ndet yutsꞌu hukwaꞌ ninzun-un, tsꞌiyawh tꞌeooninzun, ꞌet hoontsꞌi ꞌaw wheni lhálhditꞌoh ꞌinkꞌez yukꞌunulheꞌustꞌen, ꞌet huwa lhat whe ootaltsus.

Luke 12:48

ꞋEt hoontsꞌi mbe tꞌeoonúszun dumoodih ndet la yutsꞌu hukwaꞌ ninzun-un, ꞌinkꞌez dude ꞌutꞌen kꞌoh huwa ootaltsus huba, dzoh tsulyaz za ootaltsus. ꞋEt mbe la dune lhai oogha ntꞌai-un, ꞌen lhat-un yutsꞌu hukwaꞌ ntizilh. ꞋInkꞌez mbe la lhat-un ootlꞌa hoolya, ꞌon nus lhat-un yutsꞌu hukwaꞌ untizilh.”

1 Peter 4:7

ꞋAwet ndi yun oolatoh nilhdukw suliꞌ. ꞋInka nohnichꞌoh duba whahtnih ꞌinkꞌez ꞌahoolhyiz khahdli. ꞋEt whe la soo tsꞌihꞌun unꞌa tenadoohdli.

1 Peter 5:8

Duba whahtnih ꞌinkꞌez soo cho huwahli! Netsudule, nohchꞌaz ditni-un, ndi khuna-iti, lion tsꞌutni, ꞌi kꞌunꞌa nohtunudúlgho. Nintaꞌ butalhꞌelhne, ꞌenne bukunúta.