Luke 12:40 - Yak'usda Ooghuni

⁴⁰ ꞋEt huwa nohni cha lhadóohtꞌeꞌ. Ntsꞌowhuya ꞌuhunitꞌoh-un ꞌet ookatselhúwhahlih-un, ꞌet Yinka Dune Yeꞌ whusanátidalh,” ni Jesus.

Luke 12:40 Iomraidhean Croise

Matthew 24:42

ꞋEt huwa huwahli! Ntsꞌoya hoozulh whe nohMoodihti whusatiyalh ꞌaw tꞌeoonuzahzun.

Matthew 24:44

ꞋEt huwa nohni cha lhadóohtꞌeꞌ. Ntsꞌowhuya whudizulh-un, ꞌet ookwa tse lhúwhahlih-un, ꞌet Yinka Dune Yeꞌ ꞌet whusatiyalh.”

Matthew 25:13

ꞋInka nohni cha soo cho huwahli! Ndet dzin ꞌinkꞌez ntsꞌoya hoozulh whe Yinka Dune Yeꞌ whusatiyalh, ꞌaw tꞌeoonuzahzun.”

Romans 13:11

ꞋEt ndi tꞌewhunáhzun ndet la whudizulh-un ꞌawet neba whula toh tileh. ꞋUdaꞌ Jesus Christ neba ꞌalhaꞌ ꞌuntꞌoh ínleꞌ. ꞋOh daꞌ whézdutijih-un nilhdzaꞌ whuzꞌai ínleꞌ. ꞋEt ꞌandit ꞌon nus nilhdukw hooltsꞌulh, ꞌet huwa tsꞌe tsꞌoodeh hubaꞌ hoontꞌoh.

Romans 13:14

ꞋEt hoontsꞌi ꞌutꞌen ntsiꞌ-i, ꞌi ookꞌet neMoodihti Jesus Christ ꞌen za ookꞌúnꞌa ꞌutsꞌootꞌeꞌ, ꞌinkꞌez ꞌaw ꞌon ꞌat neyustꞌe lubeshi tsꞌúlhnoostꞌi.

1 Thessalonians 5:6

ꞋEt huwa ꞌuyoonne kꞌunꞌa lhtsꞌoostez, whenichꞌoh khutsꞌoodleꞌ.

Revelation 19:7

Tsꞌohótꞌeꞌ ꞌinkꞌez tsꞌonólhni ꞌinkꞌez uzdólhtiꞌ. ꞋUsbaiyaz ꞌat titꞌelh-un huba whusahónzut ꞌinkꞌez ooꞌat yutáleh-un ꞌawet dichꞌoh lhadúja.