Luke 12:37 - Yak'usda Ooghuni

³⁷ ꞋEt moodih whusanaja de, ꞌinkꞌez be ꞌulhnane hika tse hooli, ꞌinkꞌez hika ítisꞌen. Moodih ndutꞌenne bunilhꞌen de, ꞌukꞌenus hoonzoo-un bugha whultsꞌut. ꞋAlhaꞌ nohdúsni, bumoodih soo nadutitneh ha, ꞌinkꞌez dude ꞌulhnane nátlꞌa dulhtsꞌi budutánelh, ꞌinkꞌez bubut néꞌtilelh.

Luke 12:37 Iomraidhean Croise

Matthew 24:42

ꞋEt huwa huwahli! Ntsꞌoya hoozulh whe nohMoodihti whusatiyalh ꞌaw tꞌeoonuzahzun.

Luke 12:36

ꞋInkꞌez nohnichꞌoh dune dumoodih ba sulhꞌine bukꞌunꞌa oohtꞌeꞌ. Dune lhghuske tsꞌe ha nája, ꞌinkꞌez dati dunulkwꞌuz de, ꞌaho la hiba dáhaꞌ dootan.

Luke 12:43

ꞋEt oomoodih whusanaja de, ꞌinkꞌez hibe ꞌulhna-un whuz unꞌa ndutꞌen yunilhꞌen de, ꞌet de yoh whumoodih yulhtsi-un, ꞌen ꞌukꞌenus hoonzoo-un bulh ꞌuwhútanelh.

Luke 17:8

ꞋAwundooh! Kꞌus njan dúdoniꞌ, ‘Hulhgha natistꞌulh-i sba lhadinle, soo nadintneh! ꞋInkꞌez sba hukwꞌeꞌ inle, bulh naꞌtistꞌulh-i cha sba hukwꞌe ínkaih. ꞋInkꞌez naꞌistꞌal hukwꞌelhꞌaz de la naꞌontꞌalh.’

Luke 21:36

ꞋEt huwa ꞌahoolhyiz hukwa tse hóhleꞌ ꞌinkꞌez ꞌahoolhyiz tenadoodli ntsꞌoh daóotanelh-un nohyit ꞌuwhutánelh-un huba soo ꞌúlhdzooꞌ ꞌinkꞌez Yinka Dune Yeꞌ ꞌen oobut tihyin.”

Luke 22:27

Daja nahzun? Mbe ꞌukꞌenus ꞌuntꞌoh-un ꞌuntꞌoh? Ludab kꞌusda ꞌutiꞌulh ha, kꞌus yuba neꞌútꞌen-un? ꞋEt hoontsꞌi nohni nohtoh nohba neꞌútꞌen-un usdli.

John 12:26

Mbe la sba néꞌutꞌen de, ꞌenne suntooyaꞌ ꞌinkꞌez ntsꞌe la ꞌustꞌoh-un, ꞌet la oodaꞌ. Mbe la sba neꞌutꞌen unlí-un, ꞌen SBá bubudutálhtiꞌ.”

1 Corinthians 2:9

ꞋEt hoontsꞌi ndiz unꞌa Yakꞌusda neba lhaoodinla. Ntsꞌenꞌa la ꞌukꞌehooguz-un, ꞌet huwa ꞌuhooja whe ndutni, “Mbene la Yakꞌusda kꞌensiꞌne, ndet whe Yakꞌusda buba lhaoodinla, ꞌi tsꞌiyawh duna be lhuhuhoosꞌen, ꞌinkꞌez dudzeh whe ꞌaw lhuhodítsꞌil, whuz buba hooncha kꞌet ꞌaw howu nuni hunoozut ꞌaitꞌoh.”

Philippians 1:21

Sba njan nduhoontꞌoh, ꞌawhuz khusna za ꞌustꞌoh de, Christ, ꞌen za ꞌuntꞌoh. Kꞌus dasúsai de, ꞌet de whuchꞌa hootásdoh.

Philippians 1:23

ꞋEt sba nawh ꞌuhooja ꞌet ꞌantsꞌi whulhetoh nenúztsꞌut. Ntsꞌe suba hoolhtus ooleꞌ, ꞌet whuz unꞌa la oosneh. Ndo Christ bulh ꞌutistꞌelh hukwaꞌ nuszun. ꞋEt ꞌukꞌenus hootázooꞌ wheꞌ hoontꞌoh.

2 Peter 1:11

Ndiz unꞌa neMoodihti ꞌinkꞌez neulhyis-un Jesus Christ, ntsꞌe ꞌilhiz wheni lerwe unli-un, ꞌet hoonzoo whe nohba dáhaꞌ dutikwus.

2 Peter 3:14

ꞋEt huwa nohni ookꞌesiꞌne ndi ꞌi tsꞌiyawh ooka tse hóhleꞌ. Nahtꞌi, ꞌaw hoonliyaz hukwaya lhuzoohleꞌ. ꞋEt de la hoonliyaz nohkꞌelhúholhtsꞌit, ꞌinkꞌez Yakꞌusda be tsꞌihꞌun ꞌahtꞌoh-i, ꞌet whuz unꞌa ꞌen ba hóolhdzih. ꞋEt Jesus Christ whusanája de, bulh tsꞌihꞌun oohtꞌeꞌ.

Revelation 14:13

ꞋEt ndo yakꞌuz tsꞌe ꞌusuhútni, “Ndi ꞌukꞌinges, ꞌandit whutsꞌun mbene neMoodihti tꞌeinínzun whe yahadlane, ꞌenne ꞌukꞌenus hoonzoo-un bubulh ꞌúhooja.” Ndoni, “A,” ni. “ꞋUtꞌen ꞌuhalhꞌen-un, ꞌinka nahutilyis. ꞋInkꞌez dahítꞌen-un bube ꞌutꞌen unzoo-i bubulh yutikulh.”

Revelation 16:15

“Soo zúlhtsꞌai, ꞌundunutꞌih-un kꞌunꞌa whuz de nízꞌilh. Mbene ꞌahoolhyiz khudline ꞌinkꞌez dunaih lhadilhdzunne, ꞌenne ꞌet nduhútꞌen de, ꞌaw ꞌustꞌet nohooyaꞌ ꞌaitꞌoh ꞌinkꞌez bube ꞌustꞌet óotꞌen ꞌaitꞌoh, ꞌenne ꞌukꞌenus hoonzoo-un bugha whútaltsꞌulh.”

Revelation 3:21

Mbe la ndi ꞌutꞌen ntsiꞌ-i chꞌaꞌ ꞌulhdeh-un, skwꞌutsꞌuzda cho kꞌut szih tidalh-un oogha óotasꞌalh. Whuz unꞌa Si cha cha whuchꞌaꞌ nus de ꞌinkꞌez ꞌuBá ookwꞌutsꞌuzda cho diztiꞌ-i, ꞌi kꞌut oozih natlꞌa disdaꞌ.

Revelation 7:17

ꞋEt huwa ꞌubinla, ꞌusbaiyaz kwꞌutsꞌuzda cho diztiꞌ-i butoh ꞌuntꞌoh, ꞌen bughu tileh whe butso tiyalh ꞌinkꞌez ndi too ꞌilhiz wheni ookꞌu tsꞌukhuna-i, ꞌi tsꞌun ꞌúbutilelh. ꞋInkꞌez Yakꞌusda bunatsul tooꞌ tsꞌiyawh buna kꞌet yúnaitilhdoh.”