Luke 12:33 - Yak'usda Ooghuni

³³ Ndai ahtꞌi-i be ꞌóhket ꞌinkꞌez telꞌenne bugha yohlelh. Sooneya zus ninta lheꞌustꞌi-i ꞌudulhneh. ꞋInkꞌez di la unzoo-i ꞌilhiz wheni oolatoh hoolóh-i, ꞌi be yóohlelh, ꞌi la yakꞌuz tsꞌe neóohlelh. ꞋAw whuz ꞌundunutꞌih-un daooyaꞌ ꞌaitꞌoh ꞌinkꞌez ꞌaw yun nulhꞌas-i nintaꞌyolhꞌen ꞌaitꞌoh.

Luke 12:33 Iomraidhean Croise

Matthew 19:21

Jesus ndúyulhni, “Lhadulya-un tanlelh hukwaꞌ ninzun de, ndai la ꞌintꞌi-i, ꞌi tsꞌiyawh beꞌ oonket, ꞌinkꞌez telꞌenne butainínle. ꞋEt de la ndo yakꞌuz ndai ꞌilhoozanla-i, ꞌet mba tilalh. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 11:41

ꞋEt hoontsꞌi ndai la ahtꞌi-i, ꞌi be ꞌi ooloh telꞌenne be la oohtꞌen. ꞋEt tsꞌiyaitsuk nohba whunaꞌoodeh.

Luke 12:21

ꞋEt whuz unꞌa mbe lhai duba ꞌilhozdla-un ꞌinkꞌez Yakꞌusda ba hoonli lhitꞌiꞌ.”

Luke 16:9

ꞋInkꞌez nohdusni, ndi sooniya, ꞌi be kꞌeke nahultsih. ꞋInkꞌez datíhtsah de, ꞌet de si, ꞌilhiz ꞌuhoontꞌoh tsꞌe, whuz la danóhoholelh.

Luke 18:22

ꞋEt Jesus njan whudantsꞌo whe ꞌet ꞌuyulhni, “ꞋAwhuz ꞌilhoghun mba ꞌet whuzꞌai. Ndai la ꞌintꞌi-i tsꞌiyawh be ꞌóonket, ꞌinkꞌez telꞌenne gha nínꞌaih. ꞋEt de la yakꞌuz diztiꞌ-i, ꞌet mba oolaꞌ. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

John 12:6

ꞋEt ꞌaw telꞌenne buba dátni iloh huwa ꞌet ndutni, ꞌundunutꞌih-un unli ꞌinkꞌez sooniya zus ndai la be yúkat-i, didut buba nuyáꞌa, ꞌinkꞌez hukwaꞌ ninzun totsuk ndai la be yúkat-i ꞌantsꞌi yilhchuk, ꞌinka ꞌutni.

Acts 2:45

ꞋIlhoghun yutꞌi-i be ꞌóokuk te ꞌi la tsꞌiyanne mbene la ꞌen dunidzítne, ꞌenne sooniya butahuyudzih.

2 Corinthians 8:2

Tube teꞌhilꞌen-un whutoh ꞌet hoontꞌi tube huhóontꞌiꞌ. ꞋEt hoontsꞌi bula hoonli whe ꞌonghohne bulaꞌ huja.