Luke 12:31 - Yak'usda Ooghuni

³¹ ꞋEt hoontsꞌi Yakꞌusda whe lerwe unli-un, ꞌet za hukwa itahꞌen de, ndohwhi tsꞌiyawh nohgháꞌ tikulh.

Luke 12:31 Iomraidhean Croise

Matthew 6:33

ꞋEt hoontsꞌi ntsꞌenꞌa Yakꞌusda nohba lerwe tileh ꞌinkꞌez be tsꞌihꞌun unꞌa ꞌuhoontꞌoh-i nohchꞌeꞌ tileh, ꞌet za hukwaꞌ nahzun, ꞌinkꞌez ꞌon ꞌun cha tsꞌiyawh nohgha tíkulh wheꞌ hoontꞌoh.

Luke 10:42

ꞋEt hoontsꞌi ꞌaw ꞌilhoghun ndutsꞌooneh-un ꞌuhoontꞌoh. Mary ꞌukꞌenus hoonzoo-un ꞌutahahónꞌai whe ꞌuhoontꞌoh ꞌinkꞌez ꞌaw oola kꞌéha hooltsꞌit ꞌaitꞌoh.”

Luke 12:30

ꞋEt ndi yun kꞌut whutꞌenne ꞌet za hukó nuta. ꞋInkꞌez Yakꞌusda nohBá ndai la be ndunahdzit-i tsꞌiyawh tꞌeinínzun whe ꞌuntꞌoh.

John 6:27

Ndi tꞌalh-i gak nadleh whe ꞌuntꞌoh, ꞌaw ꞌi iloh ookunáhta, kꞌus ndi ꞌutꞌalh-i dune ꞌilhiz ooleꞌ huye khúna-i, ꞌi ookunáhta. Yinka Dune Yeꞌ, ꞌi nohghá yoꞌalh, ooBá Yakꞌusda ꞌen yugha óoninꞌai, ꞌen ooYeꞌ ꞌuntꞌoh ꞌet huwa.”

Romans 8:31

ꞋEt njan daja ꞌuzdooniꞌ suba? Yakꞌusda netsꞌún ditni de, mbe suba nechꞌaz dotni?

1 Timothy 4:8

ꞋEt neyustꞌe ba neꞌuzdunuldzeꞌ te, ꞌatsul za neba hootazooꞌ, ꞌet hoontsꞌi Yakꞌusda ba ndi yun kꞌut uzdoltsꞌiꞌ ha, ꞌet tsꞌiyantsuk whe whudíztiꞌ. ꞋI gha la ndi yun kꞌut uzdilhtsꞌi-un nelaꞌ ꞌewhudutitꞌelh ꞌinkꞌez yakꞌuz neztiyalh ꞌet cha nelaꞌ ꞌewhudutanelh.

Hebrews 13:5

Ndi yun dulhtsꞌi-un huwahli. Ndai ꞌandit ahtꞌi-i, ꞌon nus ꞌuyoo ka daoohtni junih. ꞋEt huwa neMoodihti njan ndutni, “ꞋAw nohghu toosyaꞌ ꞌaitꞌoh, ꞌinkꞌez nohla doosnih ꞌaitꞌoh.”