Luke 12:2 - Yak'usda Ooghuni

² ꞋEt ndai la tsꞌiyawh whunistꞌi-un, tsꞌiyawh tsꞌet ha óotikulh. ꞋEt ndai la whuꞌiz ꞌuntꞌoh-i, ꞌi cha tsꞌiyawh tꞌentidzeh.

Luke 12:2 Iomraidhean Croise

Mark 4:22

ꞋEt huwa di la whuꞌiz ꞌuntꞌoh-i, tsꞌiyawh tsꞌet ha tíkulh. Kꞌus nonutiꞌ-un tsꞌet halhoohooskat ꞌaitꞌoh.”

Luke 8:17

Di la nistꞌi-i, nus de tsꞌiyawh ha ootikulh. Di la whuꞌiz ꞌulhꞌen, ꞌi hootꞌen-un, tsꞌet ha ootikulh.

Romans 2:16

Ndet dzin Yakꞌusda ꞌudun neooninꞌai-i, ntsꞌoh la whuꞌiz whe neꞌhustꞌen, ꞌet Jesus Christ buba nahutiyeh. ꞋEt ndi sghuni unzoo-i, dune be hodusꞌeh-i ꞌet ndutni.

1 Corinthians 4:5

ꞋEt huwa ndet dzin whusaootiltsꞌulh whutsꞌun, ꞌaw hoonliyaz buba nahoohyeh-un hooloh. NeMoodihti whusatiyalh whutsꞌun huba sulhꞌi whe tsalhgus yo tsꞌe nunuꞌiꞌ-i, ꞌi tsꞌiyawh tsꞌet ha naítilelh. ꞋInkꞌez dune budzi yo tsꞌe ꞌuhuninzun-un, tsꞌiyawh tsꞌiyanne bunalhtsꞌet ha óotilelh. ꞋEt Yakꞌusda ꞌilhone hinli whe hoonzoo whe bubulh whudutalhtiꞌ.

2 Corinthians 5:10

ꞋEt ꞌilhone tsinli whe Christ ꞌen nahiyilh-un oobut néztiyalh. ꞋEt huwa ndi yun kꞌut datsꞌúltsiꞌ, kꞌus datsꞌúldzooꞌ la, ꞌet whuz unꞌa neba ꞌukꞌelha whutaleh.