Luke 12:18 - Yak'usda Ooghuni

¹⁸ ꞋInkꞌez ꞌet ndutni, ‘Njan dutísnelh lhat-un ha niyeh-i yoh nanáꞌwhuduntisyus ꞌinkꞌez ꞌon nus ꞌuhoolcho-un naꞌwhutisdlelh. ꞋEt ha nísyai-i ꞌinkꞌez ꞌustꞌi-i, tsꞌiyawh tísdlalh.

Luke 12:18 Iomraidhean Croise

Matthew 6:26

Ndo dutꞌai núdilh-i nulhꞌen! ꞋAw ꞌalheꞌ nusdloh ꞌinkꞌez ꞌaw khit huba ilheꞌosdle iloh. ꞋEt hoontsꞌi nohBá yakꞌuz usda-un, ꞌen bugha ꞌáꞌaih. ꞋI iloh lakw ba nus dáhtiꞌ?

Luke 12:17

ꞋInkꞌez didutchꞌoh ꞌuninzun, ‘Ntsꞌenꞌa cha la daoosneh? Ha níyeh-i bayoh whudizbun. ꞋAw ꞌon ꞌun ꞌuyoo dánosdzaih ꞌaitꞌoh.’

Luke 12:19

ꞋInkꞌez la szul dosniꞌ, lhai unzoo-i mba ꞌilhozkat, lhat yus kꞌut whuba. ꞋInka nailyis, ꞌinꞌalh, taintnai, ꞌinkꞌez whunílhni.’

Luke 12:21

ꞋEt whuz unꞌa mbe lhai duba ꞌilhozdla-un ꞌinkꞌez Yakꞌusda ba hoonli lhitꞌiꞌ.”

Luke 12:24

Datsancho daintꞌoh la ooghu nuni nahzut. ꞋAw ꞌalhéꞌhunusdle ꞌinkꞌez ꞌaw ha lhéꞌhunusdle chaꞌ hintꞌoh. ꞋInkꞌez ꞌaw ꞌuzdla bayoh ꞌinkꞌez ha níyeh-i yoh cha lhuhuhóotꞌiꞌ. ꞋEt hoontsꞌi Yakꞌusda bugha ꞌáꞌaih. ꞋInkꞌez nohni dutꞌai anus dáhtiꞌ whe ꞌahtꞌoh.

Luke 18:4

ꞋEt ꞌaw yoozólhtsꞌaiꞌ ꞌaitꞌoh. ꞋEt hukwꞌelhꞌaz naꞌdudútni ‘ꞋAw Yakꞌusda be lhnuzjut ꞌinkꞌez dune cha ꞌantsꞌi sba hinli.

Luke 18:6

ꞋInkꞌez neMoodihti ꞌubulhni, “Ndun nahiyilh-un tsꞌihꞌun lheꞌitꞌoh-un, daja ni oozúlhtsꞌai.

James 3:15

ꞋAw ndi be whútnih-i, ꞌaw yakꞌuz tsꞌe hálhdiltsꞌulh. Kꞌus ndi yun kꞌut hiye whunih-i, ꞌi ꞌuntꞌoh. Ntsꞌenꞌa la neyustꞌe whutsꞌu nintꞌi-un hukwꞌunꞌa ꞌúhoontꞌoh. Ntsiꞌ-i nududeh-i, ꞌen ye whunih-i, ꞌi ꞌuntꞌoh.

James 4:13

Nohni tsꞌiyawh soo zúlhtsꞌai. Whulohne diz unꞌa tilah njan ndudóohtniꞌ, “Bunde kꞌus ꞌom bun tilah nguz keyoh tsꞌuztidulh, kꞌus nguz tilah ꞌutsꞌooneh. Whuz ꞌilheyus kꞌut whuz uzdutáltsꞌilh, whuz la sooniya lhai ꞌutsꞌooleh.”

James 4:15

Kꞌus ndiz unꞌa njan dudóohtniꞌ hubaꞌ hoontꞌoh, “NeMoodihti hukwaꞌ ninzun de, ꞌinkꞌez ꞌawhuz tsꞌukhuna de, ꞌet de ndi kꞌus ndi, ꞌet whuz unꞌa njan dúztinelh.”