Luke 12:17 - Yak'usda Ooghuni

¹⁷ ꞋInkꞌez didutchꞌoh ꞌuninzun, ‘Ntsꞌenꞌa cha la daoosneh? Ha níyeh-i bayoh whudizbun. ꞋAw ꞌon ꞌun ꞌuyoo dánosdzaih ꞌaitꞌoh.’

Luke 12:17 Iomraidhean Croise

Matthew 16:7

Lhulh yawhehunilhduk, “ꞋAw lhes lhtsꞌíꞌal ꞌet huwa ꞌutni.”

Matthew 5:42

Mbe la hoonli ntsꞌu háꞌ ꞌutni de, ooghá yonꞌalh. Hoonli dughu sinla nyulhni de, oochꞌaz naoolꞌah junih.”

Luke 10:25

ꞋEt hukwꞌelhꞌaz ꞌilhoghun Moses beꞌ ꞌudustlꞌus ꞌuyoo unli be yalhduk-un dudinya ꞌinkꞌez Jesus ꞌonilha yoodulhkut, “Nehodulhꞌeh-un datistꞌelh whe ꞌilhiz be tsꞌukhuna-i stlꞌa ootiltsꞌulh?”

Luke 11:41

ꞋEt hoontsꞌi ndai la ahtꞌi-i, ꞌi be ꞌi ooloh telꞌenne be la oohtꞌen. ꞋEt tsꞌiyaitsuk nohba whunaꞌoodeh.

Luke 12:16

ꞋInkꞌez ꞌet khuni oogha whutsꞌodulꞌeh huwun bubulh yalhduk whe ndutni, “ꞋIlhoghun dune hoonzoo ꞌuntꞌoh-un, ooyun kꞌut tsꞌiyaitsuk soo ha níyeh.

Luke 12:18

ꞋInkꞌez ꞌet ndutni, ‘Njan dutísnelh lhat-un ha niyeh-i yoh nanáꞌwhuduntisyus ꞌinkꞌez ꞌon nus ꞌuhoolcho-un naꞌwhutisdlelh. ꞋEt ha nísyai-i ꞌinkꞌez ꞌustꞌi-i, tsꞌiyawh tísdlalh.

Luke 12:22

ꞋInkꞌez yugha hodulꞌehne ꞌubulhni, “ꞋEt huwa nohdúsni, yinka dúlhtsꞌi-un, ndai la tihꞌulh-i ꞌinkꞌez be sóo nadutihtneh-i, ꞌi tsꞌiyawh ooghuni oohleꞌ junih!

Luke 12:29

Tihꞌulh-i ꞌinkꞌez tihtnelh-i cha, ooka daóohtni ꞌinkꞌez ooghuni oohleꞌ junih.

Luke 12:33

Ndai ahtꞌi-i be ꞌóhket ꞌinkꞌez telꞌenne bugha yohlelh. Sooneya zus ninta lheꞌustꞌi-i ꞌudulhneh. ꞋInkꞌez di la unzoo-i ꞌilhiz wheni oolatoh hoolóh-i, ꞌi be yóohlelh, ꞌi la yakꞌuz tsꞌe neóohlelh. ꞋAw whuz ꞌundunutꞌih-un daooyaꞌ ꞌaitꞌoh ꞌinkꞌez ꞌaw yun nulhꞌas-i nintaꞌyolhꞌen ꞌaitꞌoh.

Luke 16:3

ꞋEt nyoh whumoodih dichꞌoh naꞌdudutni, ‘Daoosneh cha há la? Smoodih ꞌawet seꞌ ꞌutꞌen sghu nahootalhchoot. ꞋAw yun hooskah ꞌaitꞌoh. ꞋInkꞌez datisó cha hukwayá usdli.

Luke 16:9

ꞋInkꞌez nohdusni, ndi sooniya, ꞌi be kꞌeke nahultsih. ꞋInkꞌez datíhtsah de, ꞌet de si, ꞌilhiz ꞌuhoontꞌoh tsꞌe, whuz la danóhoholelh.

Luke 18:22

ꞋEt Jesus njan whudantsꞌo whe ꞌet ꞌuyulhni, “ꞋAwhuz ꞌilhoghun mba ꞌet whuzꞌai. Ndai la ꞌintꞌi-i tsꞌiyawh be ꞌóonket, ꞌinkꞌez telꞌenne gha nínꞌaih. ꞋEt de la yakꞌuz diztiꞌ-i, ꞌet mba oolaꞌ. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 19:17

ꞋInkꞌez ꞌuyulhni, ‘Seꞌulhna-un, tube soo ꞌínja! Ntsool-iyaz ntlꞌasꞌai-i, tsꞌihꞌun unꞌa be neꞌzintꞌen. ꞋEt huwa whunizyat-un keyoh whuti whumoodih tanleh ꞌet ntlꞌa hóosꞌai.’

Luke 3:11

ꞋEt ꞌubulhni, “Mbe la dzootꞌan nanki ꞌutꞌi-un, mbe la tsꞌootꞌan lhitꞌíh-un, ꞌilho yugha óolhchoos. ꞋInkꞌez mbe la tꞌalh-i ꞌutꞌi-un, ꞌen cha whuz unꞌa za edóneh.”

Acts 16:30

ꞋEt tenábunilhti ꞌinkꞌez uboodulhkut, “Soo sudutáhnelh datísnelh whe dutisjih?” ubúlhni.

Acts 2:37

ꞋEt Peter hidántsꞌo whe soo tsꞌihꞌun budzi tꞌaíznai. ꞋInkꞌez Peter ꞌinkꞌez ꞌuyoonne whelꞌaꞌne bulh hubuhoodulhkut, “Neulhutsinke, Peter nedaniꞌ-un huwun dáztinelh?”

Romans 12:13

Mbene la Yakꞌusda oochꞌeꞌne ꞌen dunidzítne, ndai la ꞌuhtꞌí-i whuloh be bula ꞌuhtꞌen. ꞋAhoolhyiz huba nohyoh ꞌudun udólhtan.

1 Timothy 6:17

Ndi yun kꞌut hoonzooꞌ ꞌuntꞌohne, ꞌenne khuni ulhtus-i be budoniꞌ, ꞌaw ndi yun kꞌut beꞌ hoonzooꞌ tsꞌintꞌoh-i hoonli lhiloh. ꞋAw sooniya ootꞌa ninintan-i iloh ꞌuntꞌoh. ꞋEt kꞌus Yakꞌusda mbe la khuna-un, ꞌaw ꞌen za ootꞌa ninoohtan. Yakꞌusda ꞌen oola hoonli whe tsꞌiyaitsuk be tsꞌohotꞌeꞌ ha negha yunleh.

1 John 3:16

Jesus Christ ꞌen ye khuna-i neba yula ditni, ꞌet huwa be lhkꞌetsꞌusiꞌ-i tꞌezninzun. ꞋInkꞌez wheni cha neulhutsinke be tsꞌúkhuna-i buba oolazdootnih hubaꞌ hoontꞌoh.