Luke 12:1 - Yak'usda Ooghuni

¹ ꞋOh daꞌ whe lhane dune ꞌilhuhozdil. Huldlai kꞌet lhkꞌunuhúdilh chaꞌ hutꞌen. Mbene la yugha hodulꞌehne, ꞌenne cho ndubulhni, “Phariseene bules be untuldoh-i, ꞌi chꞌa soo cho howahli. ꞋI dune nalh ye dúba naꞌudzooꞌ-i, ꞌi ꞌuntꞌoh.

Luke 12:1 Iomraidhean Croise

Luke 11:44

ꞋEt nohni Moses be ꞌudustlꞌus ꞌukꞌu nunáguzne ꞌinkꞌez nohni Phariseene, dune nalh duba naꞌahdzooꞌ. Dawhultsiꞌ-un ꞌet nohtsꞌu hóoltsꞌulh! Nohni tsꞌun kꞌut ꞌa dahla-un, ꞌaw dune lhunohisꞌen leꞌ ꞌahtꞌoh, ꞌinkꞌez ꞌa dahla-un dune tꞌehonúszun whe nohkꞌunuhudilh.”

Luke 12:56

Nohni dune nalh duba naꞌudzooꞌne ꞌahtꞌoh! Ndi yun kꞌut ꞌinkꞌez yat cha dawhutanelh-un tꞌeoonahzun. ꞋEt hoontsꞌi dáhoontꞌoh huwa dawhutanelh ꞌaw tꞌeoonuzáhzun?

Luke 5:1

ꞋEt ꞌilhoh dzin Gennesaret bun taba usyin whe dunene hinat ꞌilhozdil, Yakꞌusda ooghuni ꞌi hidutátsꞌo ha.

Luke 5:15

ꞋEt hoontsꞌi be nawhutnuk-i Jesus Christ ꞌen ghun lhanꞌun te whulh ꞌúhudantsꞌo. ꞋEt whula toh tsꞌe ꞌon nus huldlai whe highudulh, ꞌinkꞌez hiye unduda-i tsꞌiyawh naitilhyih hitsꞌu hukwaꞌ ninzun.

Luke 6:17

ꞋEt whududlun-un ndus de yugha hodulꞌehne bubulh hainya ꞌinkꞌez lhtsꞌe oodizꞌa-un nehunindil. Yun kꞌut Judea whutꞌenne, Jerusalem whutꞌenne cha, ꞌinkꞌez yatoo ba keyoh Tyre ꞌinkꞌez Sidon whutꞌenne cha huldlai. Hiyootuzálhtsꞌilh ꞌinkꞌez soo naꞌbutilhꞌelh hukwa ꞌilhuhozdil.

Acts 21:20

ꞋEt hidántsꞌo whe tsꞌiyawh Yakꞌusda ba hodálhtiꞌ ꞌinkꞌez Paul ꞌuhuyúlhni, “Neulhutsin whunilhꞌen dáhoontꞌoh tube lhane Lizwifne ooba ꞌalha ꞌuhoontꞌoh suliꞌne hoonli ꞌinkꞌez tsꞌiyawh Moses ooghuni ꞌukꞌu nusguz-i soo cho hikꞌúneꞌ ꞌutꞌen.

1 Corinthians 15:3

ꞋEt ꞌudechoo daꞌ nohni nohtlꞌa hoosꞌai ndet la stlꞌa hóoltsꞌut-un, ntsꞌenꞌa la Christ nelubeshi kꞌelha dazsai. ꞋEt whuz unꞌa Yakꞌusda ooghuni ꞌet ndutni.

Hebrews 12:22

Ndi dzulh ooghun nohuzdániꞌ-i, ꞌaw whuz whe lhahdulh. Kꞌus ndi dzulh Zion tsꞌutni, ꞌi ootsꞌóozahdil. Yakꞌusda khuna-un, ꞌen ookeyoh whuti ꞌuhoontꞌoh. ꞋInkꞌez keyoh whuti Jerusalem tsꞌuwhútni. ꞋEt yakꞌuz whuzꞌai. Lizas huldlai kꞌet, ꞌaw ꞌuzdooniꞌ ꞌaitꞌoh.

James 3:17

ꞋEt hoontsꞌi ndus de be whutnih-i, ꞌudechoo-i netsun hooloh neilhꞌi, ꞌinkꞌez nedzi dizghel cha yulhtsi, ꞌinkꞌez nánilhtsulyaz néꞌtsꞌutꞌen. ꞋEt whe ꞌuyoonne hukwaꞌ huninzun kꞌunꞌa bugha tsꞌúwhunle. Be teꞌ nudzun-i, cha ꞌuztitꞌelh, ꞌinkꞌez ꞌuyoonne ba cha ꞌutꞌen unzoo-i ꞌutsꞌoolhꞌen. ꞋInkꞌez tsꞌiyanne lhgha za nebutsꞌoolhꞌen, ꞌinkꞌez ꞌaw nawh lheꞌtsꞌunizun whe neꞌtsꞌootꞌen.

1 Peter 2:1

ꞋEt huwa ꞌuyoonne tsꞌun noheni untsiꞌ-i, whutsꞌit be yalhduk-un, ꞌinkꞌez duba naꞌahdzooꞌ. ꞋInkꞌez ꞌuyoonne ghe oolhnih, ꞌinkꞌez khuni untsiꞌ-i be yálhduk-un cha, ꞌet tsꞌiyawh ꞌilhiz wheni whula doohtnih.