Luke 11:9 - Yak'usda Ooghuni

⁹ ꞋEt whuz unꞌa nohdusni, Yakꞌusda ndai ooka yoodulhkut-i nohgha ítaꞌalh. Ookunáhta ꞌinkꞌez nahootáhꞌalh. Dati dunulhkwꞌuz ꞌinkꞌez nohba dáhaꞌ dutikwus.

Luke 11:9 Iomraidhean Croise

Matthew 21:22

ꞋEt ndai ookaꞌ dahni tenadudli be, nohba ꞌalha ꞌuhoontꞌoh de, ꞌi tsꞌiyawh nohgha tíkulh.”

Matthew 21:31

ꞋEt Jesus ꞌutni, “Ndunne nane kꞌus mbe oobá buba hukwaꞌ ninzun ꞌoh te hukwꞌu neꞌhustꞌen?” “ꞋUdechoo-un, ꞌen za,” hutni. ꞋEt Jesus ndúbulhni, “Tsꞌihꞌun nohdusni ndunne sooniya nalhdzoohne ꞌinkꞌez tsꞌekoo ꞌulꞌenne cha, Yakꞌusda lerwe unli-un, whuz nohtso dahutidulh.

Matthew 6:29

ꞋEt nohdusni Solomon ꞌen hoontsꞌi soo nadutꞌih te, ꞌaw ꞌindaiyaz anus lheꞌildzooꞌ.

Mark 11:24

ꞋEt huwaꞌ nohdúsni, tenadahdli de, ꞌinkꞌez hoonli haꞌ dahni te ꞌalhaꞌ nahzun whe nohgha tíkulh nahzun de, ndai la ookaꞌ dahni-i nohgha tíkulh whe ꞌuntꞌoh.

Mark 13:37

ꞋInkꞌez daja nohdúsni-un, ꞌet tsꞌiyanne cha budúsni, huwahli!”

Luke 11:10

ꞋEt mbene Yakꞌusda hoonli hitsꞌu hukwa ꞌutni de, bugha whútakulh. Mbe hoonli hukwunútane, nahuhootáꞌalh. ꞋInkꞌez mbe la dati dunulkwꞌuz-un ooba dáhaꞌ dutikwus.

John 14:13

ꞋInkꞌez ndai la si sooziꞌ gha ookaꞌ dahni-i ꞌoh te nohba neꞌtistꞌen. ꞋEt huwa la sBá ꞌen ooYeꞌ gha ooba whudóltiꞌ.

John 15:16

ꞋAw nohni ꞌutahalhúsulhtel. Si ꞌutáhanóhisdla toohdilh ꞌinkꞌez mai ha nóolhyeh ꞌinkꞌez nohmaiꞌ ꞌilhiz wheni ootꞌeꞌ, ꞌet hukwa ꞌet nenóhnusdla. ꞋEt huwa la sBá ndai la si sooziꞌ gha ootsꞌo hukwa dahni-i, ꞌi la nohgha íyoꞌalh.

John 15:7

ꞋEt si syódulhtsꞌi ꞌinkꞌez sghuni nohyo dizꞌai de, ꞌet ndet hukwaꞌ nahzun-un, ꞌet tsꞌiyawh nohba ꞌet nduwhutanelh.

John 4:10

ꞋEt Jesus uyúlhni, “Yakꞌusda huwa íninꞌai-i, tꞌeninzun de, ꞌinkꞌez mbe ꞌutni nyulh yálhduk whe too ntsꞌu ha ꞌutni-un, ꞌen tꞌenínzun de, ꞌet de nyun daꞌ oodolhkut ꞌinkꞌez ndai la too oogha huye khuna-i, ꞌi daꞌ nghá yolhdzeh ooleꞌ,” yúlhni.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

2 Corinthians 6:2

ꞋEt njan ndutni, “Soo ꞌet neóoninzut-un, ꞌet nyudástsꞌo. Ndet dzin dinjih-un, ꞌoh whuya hoozulh ꞌet nla ꞌusja,” ni. Whunulhꞌen ꞌet ꞌawet ꞌet neóoninzut. Whunulhꞌen ndi dzin ꞌet ꞌawet ndúhooja.

Hebrews 11:6

Bé ꞌalha ꞌuhoontꞌoh-i, ꞌi ooyit de, ꞌaw Yakꞌusda ooba dzoh tsꞌoozooꞌ ꞌaitꞌoh. Mbene Yakꞌusda tsꞌun hutidulh hukwaꞌ huninzun, Yakꞌusda hoonli wheꞌ hoontꞌoh, ꞌet buba ꞌalhaꞌ hotꞌeꞌ hubaꞌ hoontꞌoh. ꞋInkꞌez soo tsꞌihꞌun dudzi huwaꞌ hooli whe hikꞌoh tsꞌe hukwa hítisꞌenne, ꞌenne za buba ꞌukꞌelha whutilhtselh.

Hebrews 4:16

ꞋEt huwa Yakꞌusda ookwꞌutsꞌuzda cho diztiꞌ-i whuz de ye únzoo-i negha yúꞌaih. ꞋEt huwa ꞌaw whelhtsꞌuniljut whe whuz uztooyaꞌ. ꞋEt whuz de negha teꞌninzun, ꞌinkꞌez whé netsꞌun unzoo-un, ꞌet nduwhulcho whe tsꞌuhootálhchulh. ꞋEt whuz unꞌa la ꞌen ba ndi yun kꞌut uzdilhtsꞌi-un, ndet la whe nela ꞌeꞌ whudutánelh ꞌet negha óotaltsꞌulh.

James 1:5

ꞋEt nohni whulohne Yakꞌusda be whútnih-i ꞌaw lhahtꞌih de, ꞌet de Yakꞌusda hika huyoodolhkut. ꞋEt de ye dánzoo whe bugha ítaꞌalh. ꞋInkꞌez ꞌaw yooya uboolhtselh ꞌaitꞌoh.

James 5:15

ꞋInkꞌez be ꞌalha ꞌuhoontꞌoh-i bulh tenahudoodli. ꞋEt de nduda-un soo naꞌootneh. ꞋEt de la neMoodihti do náꞌyooleh. Lubeshi ꞌutꞌi de, ꞌi yuba whunawhudoolnoh.

1 John 3:22

Di ootsꞌo óokaꞌ tsꞌutni-i, ꞌi negha íyunle, ooghuni tsꞌoontun ꞌinkꞌez hoonzoo whe oonalh neꞌtsꞌutꞌen ꞌet huwa.

Revelation 2:24

ꞋEt hoontsꞌi nohni ꞌinkꞌez ꞌuyoonne Thyatira whutꞌenne, ndun tsꞌeke ooghuni lhuhuyóotun de, ꞌinkꞌez Satan be ꞌutꞌen ꞌukꞌenus yoo yo ꞌuntꞌoh-i, whuz unꞌa nduhutni, ꞌi cha tꞌehinúszun de, nohdusni, ꞌaw ꞌon ꞌun howa whúlnaꞌ-un nohgha lhótuzasꞌal.