Luke 11:53 - Yak'usda Ooghuni

⁵³ ꞋEt ꞌawhuz ꞌoh whúya hiyilh whe, Moses be ꞌudustlꞌus ꞌukꞌu nunáguzne, ꞌinkꞌez Phariseene tube huyóolhdzi. Khun tilah hoonliyaz ꞌutsꞌun unꞌa ꞌudooniꞌ ꞌinka lhelhdun hukwaꞌ huyoodulhkut.

Luke 11:53 Iomraidhean Croise

Luke 11:52

Moses be ꞌudustlꞌus kꞌut daja ni whe beni hoonli be yalhdukne, ꞌawet dawhultsiꞌ-un ꞌet nohtsꞌu hóoltsꞌulh! Dune tꞌehonózin-un, ꞌet bughu nawhúlhchoot! Nohnichꞌoh ꞌaw lhuwhúlhchulh. ꞋInkꞌez mbene la hóolhdzihne, ꞌenne cha kꞌoh úboohtun!”

Luke 11:54

ꞋAhoolhyiz hinilhꞌen ꞌonilha khun tilah tankꞌus ꞌúdooniꞌ. Hoonli ꞌudija de, ꞌet hikꞌehóotaꞌalh ꞌinka.

Luke 20:20

ꞋInkꞌez highunli, ꞌinkꞌez tsꞌihꞌun ꞌuntꞌoh naꞌdudilꞌi nunúlꞌiꞌne, ꞌenne hitsꞌun whílhꞌaꞌ. Khun tilah Jesus ye yalhduk-i, ꞌi gha la huyoolhgooh. ꞋEt de la yun kꞌut whutꞌenne bumoodih yutlꞌa húyoolhtelh. ꞋEn ꞌuntꞌoh hoolhtus te neꞌutꞌen, ꞌinkꞌez tsꞌiyanne kꞌuneꞌ ꞌulꞌen.

Luke 20:27

ꞋEt oolune Sadduceene Jesus highu nindil. ꞋEnne ꞌuhutni datsꞌúzsai ꞌinkꞌez ꞌaw natsꞌukhótnah ꞌaítꞌoh. ꞋInkꞌez huyoodulhkut,

Acts 26:9

Ndun Jesus Nazareth whutꞌen-un tsꞌiyantsuk whe oochꞌaz dosni nuszun ínleꞌ.

1 Corinthians 13:5

Ndi be nékꞌetsꞌinsiꞌ-i, ꞌi gha ꞌaw ꞌuyoonne hoontsiꞌ kꞌunꞌa bubulh útsꞌootꞌeꞌ ꞌaitꞌoh. ꞋAw whenichꞌoh hukwa ꞌuzninzun te néꞌtsꞌootꞌen ꞌaítꞌoh. ꞋI gha ꞌaw ꞌa cho tsꞌonólchꞌe ꞌaítꞌoh ꞌinkꞌez ꞌaw hoontsiꞌ-un huwun nuní uznoozut ꞌaítꞌoh.

2 Corinthians 8:6

ꞋEt ꞌinka Titus khuni ulhtus-i be uzdániꞌ, ꞌutꞌen unzoo-i nohni ꞌudechoo nohbulh wheꞌ yudilhꞌen, ꞌet tsꞌiyawh lhaóodooleh ha.