Luke 11:49 - Yak'usda Ooghuni

⁴⁹ ꞋEt huwa Yakꞌusda ye whunih-i, ꞌi be ꞌet ndutni, ‘Nus hooꞌenne ꞌinkꞌez whelꞌaꞌne, ꞌenne butsꞌu butisꞌalh. ꞋEnne whulohne dzoh nubotilhdzut ꞌinkꞌez ꞌonghohne cha hubotighan.’

Luke 11:49 Iomraidhean Croise

Matthew 22:6

Whulohne lerwe be ꞌulhnane ubihílhchoot ꞌinkꞌez dzoh neꞌbuhalhꞌen ꞌinkꞌez ubuhanghan.

Luke 11:48

ꞋEt ꞌalhaꞌ nohbáke ꞌet ndahája, ꞌet nohni nohba tsꞌihꞌun ꞌuhoontꞌoh nahzun. Nohbáke nus hooꞌenne ubuhanghan ꞌinkꞌez nohni ꞌahudutilalh-un buba ꞌuwhulhꞌen.

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

John 16:2

Lugliz whuchꞌa nóhjoot la. ꞋEt ꞌawet ꞌoh de whuz de whudizulh, ꞌet de la mbe la nohzilhghi-un Yakꞌusda ba ꞌuhutꞌen untizilh.

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

Acts 11:27

ꞋEt ꞌoh daꞌ Yakꞌusda be nus hóoꞌenne Jerusalem whehúdindil whe Antioch tsꞌe hoozdil.

Acts 22:20

ꞋInkꞌez Stephen nyun nghun dune bubulh yálhduk ꞌet hukwa hizilhghi whe ꞌoh daꞌ si cha ꞌet susyin inleꞌ, sba tsꞌihꞌun ꞌuhutꞌen. Mbene la yuzilhghine buluglok nahuyitsꞌuz-i buba ooghusdli.’

Acts 7:57

ꞋEt soo ꞌuhultus whe ꞌuhúldzul ꞌinkꞌez dudzeh whuduhúdilni ꞌinkꞌez tsꞌiyawh ꞌalhgoh huyúlh tilhtsut

Acts 8:3

ꞋEt hoontsꞌi Saul, ꞌen Jesus Christ gha ꞌilhozdílne gak hubutilhtselh hukwaꞌ ninzun. Yoh totsuk dune cha, tsꞌekoo cha tébugus ꞌinkꞌez ꞌabule.

1 Corinthians 1:24

ꞋEt hoontsꞌi mbene hudutijih ha bukaꞌ daniꞌ Lizwifne ꞌinkꞌez Greekne, Christ ꞌen Yakꞌusda ye ulhtus-i buba unli, ꞌinkꞌez ye whunih-i cha buba unli.

1 Corinthians 1:30

ꞋEt huwa Yakꞌusda gha Christ Jesus ꞌen oochꞌeꞌne ꞌahli. ꞋEn ꞌuntꞌoh Yakꞌusda gha be tsꞌuwhunih-i neba yulhtsi, ꞌinkꞌez be tsꞌihꞌun unꞌa ꞌuhoontꞌoh-i cha neba yulhtsi, ꞌinkꞌez ꞌen gha ꞌudun neneninla, ꞌinkꞌez naneoket cha ꞌuja.

Ephesians 4:11

ꞋEn za ꞌutꞌen, whulohne cha whelꞌaꞌne butlꞌa hónꞌai. Whulohne cha nus hooꞌenne butlꞌa hónꞌai. ꞋEt whulohne cha khuni unzoo-i be yahutilhduk-un, ꞌet butlꞌa hónꞌai. ꞋInkꞌez whulohne cha Yakꞌusda ba ꞌilhunaoosdilne bughu tilehne ꞌinkꞌez dune hodutilhꞌehne, ꞌet cha butlꞌa hónꞌai wheꞌ hutꞌen.

Colossians 2:3

Dawhuldzooꞌ-i be tsꞌuwhunih-i ꞌinkꞌez daldzooꞌ-i be tꞌeoonúdzun-i cha, ꞌi tsꞌiyawh ꞌen ooyo tsꞌe neba whuntilhꞌi.

Revelation 16:6

Ndunne Yakꞌusda oochꞌeꞌne ꞌinkꞌez mbe nus hooꞌenne buba ha nghan. ꞋEt huwa khuna-iti ntsiꞌ-i unidulhne, ꞌenne ꞌuskai hootnaiꞌ ha bubaꞌ yínla. Njan ꞌet whuchꞌa honílhde ꞌet huwa.”

Revelation 18:20

“Nohni yakꞌuz whutꞌenne ꞌinkꞌez nohni Yakꞌusda oochꞌeꞌne, whelꞌaꞌne cha, ꞌinkꞌez nus hooꞌenne cha ndun tsꞌeke ꞌulꞌen-un bulh dahooja, ꞌet huwa soo cho whunúlhni! Ntsꞌenꞌa nohba nahizya whuz unꞌa Yakꞌusda nohba yukꞌelha whulhtsi ꞌet huwa.”