Luke 11:41 - Yak'usda Ooghuni

⁴¹ ꞋEt hoontsꞌi ndai la ahtꞌi-i, ꞌi be ꞌi ooloh telꞌenne be la oohtꞌen. ꞋEt tsꞌiyaitsuk nohba whunaꞌoodeh.

Luke 11:41 Iomraidhean Croise

Matthew 26:11

ꞋAhoolhyiz telꞌenne bubulh ꞌáhtꞌoh, ꞌet hoontsꞌi si ꞌahoolhyiz ꞌaw nohbulh lheꞌtuzistꞌel.

Matthew 5:42

Mbe la hoonli ntsꞌu háꞌ ꞌutni de, ooghá yonꞌalh. Hoonli dughu sinla nyulhni de, oochꞌaz naoolꞌah junih.”

Mark 7:19

ꞋAw oodzi be lhéyuskat oobut be yúkuk ꞌinkꞌez ooyustꞌe ootsꞌahaꞌ náyakat, whuz unꞌa ꞌutsiꞌ-i neyustꞌe táhanakat.”

Luke 12:33

Ndai ahtꞌi-i be ꞌóhket ꞌinkꞌez telꞌenne bugha yohlelh. Sooneya zus ninta lheꞌustꞌi-i ꞌudulhneh. ꞋInkꞌez di la unzoo-i ꞌilhiz wheni oolatoh hoolóh-i, ꞌi be yóohlelh, ꞌi la yakꞌuz tsꞌe neóohlelh. ꞋAw whuz ꞌundunutꞌih-un daooyaꞌ ꞌaitꞌoh ꞌinkꞌez ꞌaw yun nulhꞌas-i nintaꞌyolhꞌen ꞌaitꞌoh.

Luke 16:9

ꞋInkꞌez nohdusni, ndi sooniya, ꞌi be kꞌeke nahultsih. ꞋInkꞌez datíhtsah de, ꞌet de si, ꞌilhiz ꞌuhoontꞌoh tsꞌe, whuz la danóhoholelh.

Luke 18:22

ꞋEt Jesus njan whudantsꞌo whe ꞌet ꞌuyulhni, “ꞋAwhuz ꞌilhoghun mba ꞌet whuzꞌai. Ndai la ꞌintꞌi-i tsꞌiyawh be ꞌóonket, ꞌinkꞌez telꞌenne gha nínꞌaih. ꞋEt de la yakꞌuz diztiꞌ-i, ꞌet mba oolaꞌ. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 19:8

ꞋEt hoontsꞌi Zacchaeus dudinya ꞌinkꞌez Moodihti ꞌuyulhni, “SMoodihti whunilhꞌen, ndai la ꞌustꞌi-i lhulcho telꞌenne gha sdle. ꞋInkꞌez mbene la bubeꞌ hoostsꞌitne, dit ꞌet ꞌuniltsuk-i butlꞌa násꞌalh.”

Acts 10:15

ꞋEt doo cha za ꞌuwhútni, “Ndai la Yakꞌusda ootꞌalh ni-i, ꞌaw, ‘Laitꞌi ꞌuntꞌoh,’ dini iloh!”

Acts 11:29

ꞋInka Jesus Christ yugha hodulꞌehne lhgha ꞌúhudija whe ꞌilhoghun hinli whe bubulh ooba ꞌalha ꞌuhoontꞌohne, Judea dilhtsꞌine, ndet ꞌúhintꞌoh whe bulaꞌ hutitꞌelh hutni.

Acts 24:17

ꞋEt lhat nawhudizut Jerusalem whuchꞌoh ꞌistꞌen inleꞌ whe sulh whutꞌenne ba ndai sooniya buba lhunayostꞌai-i butsꞌu naítusꞌai ꞌinkꞌez Yakꞌusda tsꞌun loodel kꞌut ꞌudutáskꞌun wheni whuz naoozúsja.

2 Corinthians 8:12

ꞋEt dune dudeni lhaídinla whe sooniya daltsuk huwa ítaꞌalh, ꞌi ꞌaw ꞌet soo ꞌúltsuk whe ꞌuntꞌoh. Huwa ítaꞌalh-i ꞌon ꞌunyaz huwa ítaꞌalh hukwaꞌ ninzun hoontsꞌi, ꞌaw ooneh ꞌaitꞌoh-un, ꞌet sooꞌ hoontꞌoh.

Ephesians 4:28

Ndunne ꞌundunutꞌihne, ꞌenne tsꞌiyawh ꞌetsul ꞌuhooneh, ꞌantsꞌi ꞌuhootꞌen, ꞌet de la buba ꞌukꞌelha holeꞌ. Dula be hoonzoo-un huwaóonaꞌ. ꞋEt de la dune hoonli undunidzitne hoonli be bulaꞌ ooneh.

Titus 1:15

ꞋEt mbene la buyo tsꞌe lhoditsunne, ꞌenne hoonli buba me lhiloh. ꞋEt hoontsꞌi mbene la budzi dutsun suliꞌne, ꞌinkꞌez buba ꞌalhaꞌ lheꞌhóotꞌohne, tsꞌiyai buba me yinli. ꞋInkꞌez bubeni ꞌinkꞌez buyo tsꞌe ꞌi gha tꞌetsꞌoninzun-i, ꞌi tsꞌiyai dutsun whe ꞌuntꞌoh.

Hebrews 13:16

ꞋEt hoonzoo-un ꞌuwhulhꞌen ꞌinkꞌez tsꞌiyawh ꞌalhgoh lhla ꞌahtꞌen, ꞌet khun whunaoodoolhnoh junih. ꞋEt whuz unꞌa Yakꞌusda gha whutꞌaih-un, tsꞌiyawh ꞌet tube hóontꞌiꞌ.

Hebrews 6:10

Yakꞌusda oochꞌeꞌne, ꞌenne nohni ooba neꞌútꞌenne ꞌahli ínleꞌ, ꞌinkꞌez ꞌawhuz ꞌet za nduhtꞌen. Nohꞌeꞌutꞌen ꞌinkꞌez Yakꞌusda ookꞌehsiꞌ whe ꞌahtꞌen, ꞌet tsꞌiyawh Yakꞌusda whunilhꞌen. Yakꞌusda tsꞌihꞌun unꞌa ꞌuntꞌoh, ꞌet huwa ꞌaw whunaoodoolnoh ꞌaitꞌoh.

James 1:27

ꞋEt tsꞌihꞌun ꞌuhoontꞌoh, ꞌinkꞌez ꞌalha ꞌuhoontꞌoh whe Yakꞌusda neBá, ꞌen ba néꞌtsꞌutꞌen-un, ꞌet njan dúhoontꞌoh: tsꞌunohne ꞌinkꞌez tsandilhne, ꞌenne dzoh nahudeh huwa buzih nutsꞌoodilh hubaꞌ hoontꞌoh bula tsꞌootꞌen ha. ꞋInkꞌez cha ndi yun kꞌut dawhútꞌen lubeshi ꞌulꞌen, ꞌet whuchꞌa khutsꞌoodleꞌ.