Luke 11:4 - Yak'usda Ooghuni

⁴ ꞋInkꞌez ꞌuyoonne bulh dulhyoh tsꞌuwhulhꞌai de, buba whunatsꞌodoolnoh. ꞋEt whuz unꞌa za nelubeshi neba oonaoodolnoh. Tankꞌus uznintꞌi-un whuchꞌa neghinli. ꞋInkꞌez ntsiꞌ-un chꞌa néghinli.’”

Luke 11:4 Iomraidhean Croise

Genesis 48:16

Ndun Lizas mbe la hoontsiꞌ-un whuchꞌa nasonket-un, ꞌen ndunne duneyaz soo hoonzoo-i be za tlꞌa ookat. Ndai sooziꞌ ꞌi be bubohozi, ꞌinkꞌez sbáke Abraham ꞌinkꞌez Isaac bubooziꞌ be cha, ꞌinkꞌez soo ndi yun kꞌut ꞌet lhane cho hooleꞌ.”

Matthew 18:35

ꞋEt nohni cha nohulhutsinke nintaꞌhantꞌen de, ꞌinkꞌez nohdzi be ꞌaw buba whunalhodulhnoh de, ꞌet de sBá yakꞌuz usda-un, whuz unꞌa za ꞌaw nohba whunaoodoolnoh ꞌaitꞌoh.”

Matthew 26:41

Tankꞌus níntꞌi-un whuchꞌa howinli ꞌinkꞌez tenadinli! ꞌalha dune yughi whuz unꞌa hukwaꞌ ninzun, ꞌet hoontsꞌi ooyustꞌe tetsun.”

Luke 11:5

ꞋInkꞌez Jesus ꞌubulhni, “Nohni nohtoh mbe ꞌuntꞌoh ookꞌeke hoonli ꞌinkꞌez tuzniz yutsꞌu tíhyalh ꞌinkꞌez ꞌudutánnelh, ‘Skꞌeke lhes ta sghu sinla!

Luke 13:4

Kꞌus keyoh Siloam huwhútni, ꞌet tse whedinꞌai-i whunizyane ꞌon ꞌat lhkꞌudine, ꞌenne bukꞌé ningez whe tsꞌiyawh higan. ꞋEt Jerusalem whutꞌenne buba nus lubeshi ꞌuhulhꞌenne ꞌuhintꞌoh nahzun eh?

Luke 22:46

ꞌinkꞌez ꞌubulhni, “Di ha sahtez? Doo ka si tankꞌus nóohtꞌi dunadahdilh ꞌinkꞌez whuchꞌa tenadahdli.”

Luke 8:13

Ndai la tse toh nanánkat-i leꞌ ꞌuntꞌohne hoditsꞌo ꞌinkꞌez huhóontꞌiꞌ whe khuni huyilhchuk. ꞋEt hoontsꞌi ꞌaw bughih hooloh. ꞋEt huwa ꞌatsulyaz buba ꞌalha ꞌuhoontꞌoh. ꞋEt ꞌaho bé tankꞌus uznintꞌi-i, ꞌi be tinchꞌu nahuskat, ꞌenne ꞌuhintꞌoh.

John 17:15

ꞋAw ndi yun kꞌut whuchꞌa nabónlelh-un, ꞌet iloh ntsꞌu húkwaꞌ dusni, ꞌet hoontsꞌi ntsiꞌ-un, ꞌen chꞌa soo cho bughonleꞌ, ꞌet ntsꞌu húkwaꞌ dusni.

1 Corinthians 10:13

ꞋEt ndet whe netsudule dunene ubóolhdzih, whuz unꞌa za nohni cha nohóolhdzai. ꞋEt hoontsꞌi Yakꞌusda ꞌaw nela dootnih ꞌaitꞌoh. Ndet whe netsudule nohóolhdzih, ꞌet dáwhultsuk ulhtus-i be whulh áhyin, ꞌet za Yakꞌusda ba sooꞌ whutatꞌelh. ꞋEt nohóolhdzih de, ꞌet de Yakꞌusda whuchꞌa tilhdoh ꞌinkꞌez nohbaꞌ whutilelh.

Colossians 3:13

Lhulh sooꞌ tsꞌintꞌoh, ꞌinkꞌez tsꞌiyantsuk lhba whunawhudulhneh. Nohtoh ꞌilhoghun ꞌuyoon kꞌehoonꞌai de, ntsꞌenꞌa Christ nohba whunaoodilhnoh, nohni cha whuz unꞌa za buba whunaoodoolhnoh.

2 Thessalonians 3:3

ꞋEt hoontsꞌi neMoodihti ootꞌa níuznootan hubaꞌ hoontꞌoh. ꞋEn ulhtus-i be núdulhya nohulhtsi. ꞋInkꞌez ndun ntsiꞌ-un, ꞌen chꞌa nohghunli.

2 Timothy 4:18

ꞋInkꞌez yakꞌuz neMoodihti ꞌen lerwe unli, ꞌet wheni sghunli, ꞌinkꞌez oozih tisdalh whutsꞌun, ꞌutꞌen untsiꞌ-i tsꞌiyawh yuchꞌa sutálhtelh. ꞋEt huwa ꞌen ꞌilhiz wheni ꞌinkꞌez ꞌon ꞌun cha uzdólhtiꞌ. ꞋEt ndo honeh.

James 2:13

ꞋInka ndet dzin suba neba nahutideh-un whusaóotiltsꞌulh, mbene lhgha tꞌelhenízun-un, ꞌen oogha telheꞌwhunídzun whe Yakꞌusda buba nahutiyeh. ꞋEt mbe ꞌuyoon gha téꞌ ninzun-un, ꞌen Yakꞌusda yugha teꞌuntazeh whe yuba nahutiyeh.

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.

Revelation 3:10

Nohdásniꞌ dzoh nusahde-un soo whulh nudalhyaꞌ. Whuz unꞌa skꞌuneꞌ zahtꞌen. ꞋEt huwa ndi yun kꞌut ndulcho whe dune dzoh nutidoh-un whusaóotiltsꞌulh ubootálhdzih ha. ꞋEt whutso whuchꞌa nanohtásdlelh.