Luke 11:36 - Yak'usda Ooghuni

³⁶ ꞋEt huwa nohyustꞌe ndulcho whe be hootꞌen-i dizbun, ꞌinkꞌez ꞌaw hoontsool-unyaz hoontsꞌi tsalhgus ooghu hooloh de, ꞌet de la ndulcho-i be be hootꞌen ooleꞌ. ꞋEt whuz unꞌa be hootꞌen-i ulhtus-i kꞌunꞌa whedindi, ꞌi gha la soo hoohꞌen.”

Luke 11:36 Iomraidhean Croise

Matthew 13:52

ꞋEt ꞌubulhni, “ꞋEt huwa Yakꞌusda ooghuni ꞌukꞌeguz-i ꞌinkꞌez yakꞌuz kꞌuneꞌ whulꞌen-un ꞌet huwun wheyodalhꞌeꞌ, dune yoh whumoodih-un ndultꞌoh. Yutꞌi-i toh tsꞌiyawh tsꞌet ha yúle, ꞌandidi-i ꞌinkꞌez ꞌujut-i cha. ꞋEt whuz unꞌa dune hodulhꞌeh.”

Matthew 5:15

Dune too dizkꞌun naidulhkꞌan ꞌinkꞌez ꞌaw chalhyal yunedóoꞌalh ꞌaitꞌoh, kꞌus lutab kꞌeyítaꞌalh ꞌinkꞌez kwun ꞌi gha yoh dilhtsꞌine huwhuntilhꞌelh.

Luke 11:35

ꞋEt huwa be nohyustꞌe be hootꞌen-i ꞌahli, khun te nohyustꞌe tsalhgus naoodleꞌ junih. ꞋEt whuchꞌa huwohleꞌ!

Luke 11:37

Jesus ꞌawhuz yalhduk whe ꞌilhoghun Pharisee yoodulhkut, “Slanaintꞌalh syoh tsꞌe.” ꞋEt Jesus yoh daninya ꞌinkꞌez natlꞌa didaꞌ ꞌutiꞌulh wheni.

2 Corinthians 4:6

ꞋEt Yakꞌusda tsahólhgus be hootꞌen-i yukaꞌ daniꞌ ibulh hootꞌen suliꞌ. ꞋEt Yakꞌusda yé diztiꞌ-i ghun tꞌezninzun-i, ꞌi neba be hóotꞌen-i whe ꞌuntꞌoh. ꞋEt ꞌi nedzi bé dindi. ꞋInkꞌez ndi yé diztiꞌ-i, ꞌi Jesus Christ oonin ootsꞌu ha yánduz whe ꞌuntꞌoh.

Ephesians 4:14

ꞋAw ꞌon ꞌun tsꞌoodunne kꞌunꞌa lheꞌtsꞌoostꞌeꞌ ꞌet huwa. Dune buka hóodilhtsꞌi nabontiꞌah ha. Lhentsꞌun unꞌa dune hubohodulhꞌeh, ꞌi be ꞌantsꞌi nilhtsꞌi kꞌunꞌa lhelh tsꞌu náhutukuk leꞌ hutꞌen.

Colossians 3:16

Christ ooghuni be whutnih-i cha soo cho nohdzi yo hóleꞌ. Yakꞌusda ooghuni be ꞌahjun. Shun be teniꞌ uznilhdzun-i cha. ꞋEt Ndoni be ꞌahjun. Whulhodulhꞌeh ꞌinkꞌez lhgha dáhtni. Be hoonzoo-i, ꞌi be nohdzi yo hóleꞌ, ꞌinkꞌez neMoodihti tsꞌun ꞌahjun.

Hebrews 5:14

ꞋEt hoontsꞌi but dutsꞌun-i, ꞌi nchane baꞌ ꞌuntꞌoh. Ndunne hodulꞌeh howun nuni nuzutne ꞌinkꞌez hikꞌuneꞌ hutꞌen ꞌet whe bubeni ulhtus lheh, ꞌenne ꞌuhintꞌoh. ꞋEnne unzoo-i ꞌinkꞌez ntsiꞌ-i bulh tꞌehinínzun.

James 1:25

ꞋEt hoontsꞌi Yakꞌusda ooghuni lhaidinla-i, ꞌi be lubeshi chꞌa naneulhti, soo cho hikꞌu yalhduk ꞌinkꞌez whunalhuhodulhnoh, ꞌinkꞌez daja ni ꞌahoolhyiz hukwꞌú neꞌhutꞌen de, ndutꞌenne, whuz unꞌa dude ꞌutꞌen kꞌoh huwa ꞌukꞌenus hoonzoo-un bugha whutaltsꞌulh.

2 Peter 3:18

ꞋEt hoontsꞌi neMoodihti ꞌinkꞌez neulhyis-un Jesus Christ ye unzoo-i, ꞌinkꞌez tꞌeooninzun ꞌi be, ꞌon nus ooghun hodoolhꞌeh. ꞋEn tsꞌun ye diztiꞌ-i nawhultꞌoh ꞌandit ꞌinkꞌez ꞌilhiz wheni. ꞋEt ndo honeh.