Luke 11:34 - Yak'usda Ooghuni

³⁴ ꞋEt whuz unꞌa nohna ꞌi ꞌantsꞌi nohyustꞌe ba too dizkꞌun leꞌ ꞌuntꞌoh. ꞋEt nohna soo ꞌuntꞌoh de, nohyustꞌe ndulcho whe be hootꞌen-i be whudizbun. ꞋEt hoontsꞌi nohna lheꞌízooꞌ de, nohyustꞌe ꞌi cha tsalhgus be dizbun.

Luke 11:34 Iomraidhean Croise

Genesis 19:11

ꞋInkꞌez nyoonne ꞌaz dati higha nane tsꞌiyawh huhoos̱ꞌen hubuhulhtsi nchane ꞌinkꞌez ntsoolne tubulh, nyoo dati nahuyotan ꞌaitꞌoh kꞌet nehunintsai.

Mark 4:12

ꞋEt whe la: ‘Hohonilhꞌen hoontsꞌi la ꞌaw lhuhuhoos̱ꞌen ooleꞌ. ꞋUhuditsꞌo ꞌet hoontsꞌi ꞌaw tꞌehahonoosze ꞌaitꞌoh. Bubeni taóodiltsꞌut ꞌinkꞌez Yakꞌusda tsꞌu náhulhꞌa de, bulubeshi buba ꞌún yutilhdulh.’”

Mark 7:22

ꞌuhundunutꞌih, ꞌuyoonne chꞌeꞌ haꞌ huninzun, hoontsiꞌ kꞌunꞌa túneꞌ hutꞌen, dune nahunaꞌah cha ꞌuhutꞌen, hoontsiꞌ tuneꞌ hutꞌen, ꞌuhoolnih cha, Yakꞌusda chꞌaz yahalhduk, ꞌududíltiꞌ, ꞌinkꞌez huwusni.

Mark 8:18

Nohna hoonli ꞌaw lhózihꞌen, nohdzeh hóonli whe lheꞌduzahtsꞌo. ꞋAw eh whunalhuzulhni?

Luke 11:35

ꞋEt huwa be nohyustꞌe be hootꞌen-i ꞌahli, khun te nohyustꞌe tsalhgus naoodleꞌ junih. ꞋEt whuchꞌa huwohleꞌ!

Acts 13:11

Yakꞌusda nyulh húnilchꞌe ꞌinka soo tsꞌihꞌun whuzanꞌen tanleh ꞌatsulyaz wheni!” ꞋEt ꞌaho Elymas dulhgus-i oona kꞌeínde, ꞌinkꞌez hoos̱ꞌen suliꞌ. ꞋInkꞌez la dune yula tꞌaz nítilhyalh-un ha huyih.

Acts 2:46

Lizwif bulugliz whucho ꞌet dzin totsuk ꞌilhuhodulh. Duyoh ꞌet ꞌalhgoh budzi únzoo ꞌinkꞌez huhóontꞌiꞌ whe lhla naꞌhutꞌulh.

Acts 26:18

Whúbuntalhtun, tsálhgus yáhahudutidulh ꞌinkꞌez hootꞌen-un nehútidulh ꞌinkꞌez hitánꞌen ubulhtsꞌelh Satan uboontúnne Yakꞌusda tsꞌun náhutilyalh. ꞋEnne Si buba ꞌalhaꞌ ꞌustꞌoh huwa bulubeshi bubunaitidoh ꞌinkꞌez Yakꞌusda ba ꞌudun nebuninlane butoh ꞌet bugha óotaltsꞌulh,’ súlhni.”

2 Corinthians 1:12

ꞋEt neyo tsꞌe oogha tꞌetsꞌoninzun-i ndi whunénulhtun, ꞌi za tsꞌuhóontꞌiꞌ whe howu yatsꞌoolhduk. ꞋEt whe whunénilhtan ndi yun kꞌut uzdaltsꞌiꞌ. Yakꞌusda oobé ꞌalhaꞌ nudzun-i, ꞌinkꞌez ꞌaw nanki khuni be yalhtsꞌusduk, ꞌet whuz unꞌa za ꞌukꞌenus nohtoh ꞌuzdáltsꞌiꞌ. Ndi yun kꞌut whutꞌenne be whútnih-i, ꞌi be lheꞌtsꞌilel. Yakꞌusda ye unzoo-i, ꞌi gha ꞌutsꞌitꞌen. ꞋEt whuz unꞌa ne-eni toh whudizꞌai-i whunénilhtan.

2 Corinthians 11:3

ꞋEt hoontsꞌi ꞌudaꞌ nyoo tlꞌughus ye ꞌutsꞌun ꞌuninzun-i, ꞌi be Eve yunanꞌa, ꞌet whenuzjut nohni cha ꞌet whuz unꞌa noheni nintaꞌitálhꞌelh. ꞋEt ndúhooja de, noheni Christ tsꞌun ꞌaw ꞌilho ooleꞌ ꞌaitꞌoh.

2 Corinthians 4:4

Ooba ꞌalhaꞌ lheꞌhóotꞌohne ꞌuhintꞌoh. ꞋInkꞌez ndi yun kꞌut whuyakꞌusda, dudeni be lhuhoos̱ꞌen ꞌubulhtsi. ꞋEt whula gha tsꞌe Christ ooghuni unzoo-i yé diztiꞌ-i, Christ, ꞌen Yakꞌusda kꞌéguz-i, ndai la ootsꞌu há yanduz-i dudeni be lhuhoos̱ꞌenne doo ka si dudedodi huninzun.

Ephesians 1:17

NeMoodihti Jesus Christ ooYakꞌusda, ꞌen ooBá ye diztiꞌ-i bulh ꞌuntꞌoh, ꞌen tsꞌun nohba tenadusdli whe Ndoni ꞌen be be whutnih-i ꞌinkꞌez noheni taoodutakulh-un, ꞌet nohtlꞌa hónꞌai. ꞋEt whe Yakꞌusda dantꞌoh-un unli, ꞌon nus tꞌentihzeh.

Ephesians 6:5

ꞋUlhnane nohni cha, Christ nohdzi ndulcho-i be ookꞌuneꞌ ꞌahtꞌen, ꞌet ndunne ndi yun kꞌut nohmoodih unline, ꞌenne cha whuz unꞌa za nujut be dahtlut whe bukꞌuneꞌ oohten.

Colossians 3:22

Nohni ꞌustlenne unline, ndi yun kꞌut nohmoodih unline, ꞌenne tsꞌiyawh bukꞌuneꞌ oohtꞌen. Nohmoodih nohnilhꞌen te za oohtꞌen junih. ꞋEt hoontsꞌi nohdzi tsꞌihꞌun unꞌa whe Yakꞌusda bé nulhjut, ꞌinkꞌez nohmoodihne bukꞌuneꞌ oohtꞌen.