Luke 11:32 - Yak'usda Ooghuni

³² ꞋInkꞌez ꞌoh whuya hoozulh-un dzin dune ba nahutideh de, Nineveh whutꞌenne nohni ꞌandit whudizulhne nohtoh do dutádulh ꞌinkꞌez nohba nahotiyeh. ꞋOh daꞌ Jonah bubulh yailhduk daꞌ, tsꞌiyawh dudeni náhondunizdla. ꞋEt ꞌalha ꞌúhoontꞌoh, ꞌilhoghun ꞌen Jonah anus ꞌuntꞌoh-un ꞌandit nohtoh usyin.”

Luke 11:32 Iomraidhean Croise

Matthew 12:39

ꞋEt ꞌubulhni, “ꞋAndit whudizulhne dune hintsiꞌ, ꞌinkꞌez ꞌahoolhyiz dune tsꞌeke bulh nintaꞌhutꞌih. Hoonli hooncha tuneꞌ whutꞌen-un, ꞌet za hukwaꞌ hitisꞌen. ꞋEt hoontsꞌi huhooꞌen-un bughá holtsꞌit ꞌaitꞌoh. Nus hooꞌen-un Jonah bulh dahooja-un, ꞌet za huwhutiꞌelh.

Matthew 12:41

ꞋInkꞌez ꞌoh whuya hoozulh-un dzin dune ba nahutideh de, Nineveh whutꞌenne ꞌenne dahutádulh ꞌinkꞌez ꞌanditne ꞌinkꞌez buba nahotiyeh. ꞋOh daꞌ Jonah bubulh yailhduk daꞌ, dudeni nahondunizdla. ꞋInkꞌez ꞌilhoghun Jonah anus diztiꞌ-un nohtoh usyin.

Luke 11:31

ꞋOh whuya hoozulh-un dzin dune ba nahutideh de, ꞌet whe nyaz de whulerwe tsꞌeke ꞌen buniz dudutáyalh, ꞌet whe buba nahutideh. Ndi yun kꞌut nilhdzaz de hainya lerwe Solomon ye whunih-i yudutátsꞌo ha. ꞋEt hoontsꞌi ꞌilhoghun lerwe Solomon anus ꞌuntꞌoh-un ꞌandit nohtoh usyin.

Hebrews 7:26

Jesus Christ lubret ꞌukꞌenus diztiꞌ-un neba unli. Lubeshi ooghu hooloh, ꞌaw whe ookꞌeholtsꞌit-un cha hooloh. ꞋInkꞌez tankꞌus ꞌuhoontꞌoh-un ꞌaw hoontsool-unyaz hoontsꞌi ookwꞌuz lhístꞌen. Lubeshi ꞌulhꞌenne bubulh ꞌutꞌen inleꞌ, ꞌet hoontsꞌi ꞌaw ꞌenne bukꞌunꞌa ndi yun kꞌut lhidal. Buchꞌa nasja, ꞌinkꞌez yakꞌuz whanus díztiꞌ suliꞌ.